Akhyanakmanikosha

Author(s): Nemichandrasuri, Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad

Page 411

३२४
आख्यानकमणिकोशे तो सारणिं विहेउं गंगानीरप्पवाहमाणेउं । परिपूरिया समंता पत्तं नीरं असुरभवणे ॥४६।। तो जलणप्पहअमरेण नीरभरपूरिए निययभवणे । रुसिऊण नेत्तजलणेण भासरासीकया कुमरा ॥४७॥ तत्तो दइववसेणं तेसिमकंडम्मि तारिसे जाए। किंकायव्वविमूढो परिवारो कंदिर लग्गो ॥४॥ अवरोह-मंति-सामंतपभिइणोऽसज्झदुहभरवंता । हाहारवमुहलदिसा सव्वे वि हु पलविउ लग्गा ॥४॥ हा रूव-कंति-विन्नाण-नाण-लायन्नरयणजलनिहिणो ? । कत्थ गया सव्वे वि हु मोत्तुमणाहे समगमम्हे ? ॥५०॥ अम्हे अक्खयदेहा कुमरा सव्वे वि जममुहं पत्ता । एरिसमकंतवयणं कोणु कहिम्सइ पुरो रन्नो ? ||५१।। एत्थेव ता मरामो निब्भग्गा किं गया करिस्सामो ? । इय कयनिच्छयहियया तया चियाओ रयावेति ।।५।। दट ट्रणं तं वइयरमेगेण दिएण चिंतियं तमिमं । मूढाण विलसियमिमा किमणत्थपरंपरा अवरा ? ||५३।। पभणइ भट्टो भद्दा ! तुम्भे वि हु मा निरत्थयं मरह । मा भवउ उवरि गंडस्स फोडया तुम्ह मरणेणं ।।५४।। रन्नो य सावइस्सं पढममहं चेव कुमरखुत्तंतं । इय सब्वे वि मरते निसेहिउं बुद्धिमं विप्पो ॥५५॥ काऊण मडयमेगं खंधे पोक्करइ नयरमज्झम्मि । अन्नाओ अन्नाओ अहो ! हु सयरे वि पभवंते ॥५६|| राया वि हु पयईए माणससरसलिलसच्छहो सोउं । पुच्छह किमेयमन्नायघोसणं भणइ विप्पो वि ? ॥५७|| देवेगो संपयमंधजट्ठिया पाणवल्लहो पुत्तो । दसिऊण सप्परूवेण यकयंतेण मह हरिओ ।।५।। राया वि हु गारुडिए वाहरि भणइ मंतसत्तीए । जीवावह पुत्तमिमं महाणुभावस्स विप्पस्स ॥५२॥ ते विह सवे मिलिउं सामत्थेऊण निययबुद्धीए । कुणिमो देवाएसं सवमिमं किं वियप्पेणं ? ॥६॥ परमाणावसु भूई देव ! कुओ वि हु कुलाओ जत्थ कुले। न कया विहु कोइ मओ तो रन्ना पेसिओ विप्पो ॥६॥ नीसेसनयरमाहिंडिऊण परिपुच्छिण पदभवणं । अप्पत्तमंतवाईवुत्तविसेसणकलियभूई ॥२॥ सो आगओ विलक्खो जंपइ एरिसविसेसणविसिट्टा । देव ! न लब्भइ भूई उद्धं देवो पमाणं ति ॥६३।। तो ईसि विहसिऊणं भणिओ रन्ना स माहणो विप्प ! । जइ जणसामन्नमिमं ता तुज्झ पराभवो को णु ? ॥६४॥
जओ
पंचजणसमाणे विह वसणे पत्ते न कीरई सोगो। किं पुण सयलनरा-ऽमर-तियणसाहारण मरणे ॥६५॥ भट्टेण भणियमेवं जइ जाणसि तो थिरो भवसु सामि ! | नियमणियं परिपालसु तमप्पियं सावइस्सामि ॥६६।। जम्हा तुझ वि संपइ सट्टिसहस्साणि सामिय ! सुयाणं । सगाम्गमणोलग्गाइं जायाइं विहिनिओगेण ॥६७|| सुणिऊण कन्नकडुयं तं वयणं विवसविम्गहावयवो । वजप्पहारपहओ व्व मुच्छिओ तयणु पुहइवई ॥६८|| सत्थीकओ य सिरिखंडपवणजलसीयलोक्यारेहिं । कुणइ पलावे दढसोयसंकुसल्लियसमम्गतणू ॥६।। हा गुणनिहिणो ! हा जणयवच्छला ! हा सिणिद्धजणणिपिया ! | तुम्हाणं सव्वेसिं कहेह रोयामि कयरमहं ? ||७०॥ हा वच्छ रयणसेहर ! हा कणयद्धयकुमार ! मणदइय!। हा पुत्त पउमसेहर ! हा पउमुत्तर ! पियालाव ! |७१।। हा सीहविक्कमंगय ! नियविक्कमविजियकेसरिकिसोर ! | हा गयवाहण ! मयगलमंथरगइगमणदुल्ललिय ! |७२।। हा समरकेउ ! रिउविसरसमरजयसिरिनिवासकुलभवण !। हा दढधम्म ! मणोहर ! धम्मियसव्वंगगुणगेह ! ||७३|| हा वज्जंगय ! संगय ! हा वीरंगय ! विसालबच्छयल ! । इय कयनामम्गा सयरो रोवइ नियकुमारे ।।७४|| हा दइय ! निग्विण ! तए समसुत्ती पाडिया ममेगम्स | दे! पसिय पसिय दंससु सुयमेगं ताव मह पुरओ ||७५|| रे दइय ! किमवरद्धं तुझ मए कहसु मंदभग्गेण । सुयरयणाण सहस्साणेगपए च्चिय हरंतस्स ? ॥७६।। हे विहि ! फुक्किय ! निल्लज्ज ! पाव ! निप्फुट्ट ! चत्तमज्जाय ! । किं कुणसि एत्तिएहिं ? मुंचसु सुयमेगमुच्छंगे ॥७७।। हा ललिए ! लीलावइतिहुयणतिलए ! रयंगि ! रइसरिए !। किं न मरह सुयरहिया निप्पुन्ना संपयं सहसा ? ||७८।।
हा हियय ! कढसु हा हियय ! फुडसु हा हियय ! दलसु सयराहं । पाविय ! धरसि किमज्ज वि बजसिलिंकाहिं निम्मवियं ? ।।७।।