Book Title: Akhyanakmanikosha
Author(s): Nemichandrasuri, Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
View full book text ________________
३६. बन्धुकृत्रिमस्नेहत्वाधिकारे शङ्काख्यानकम्
३३५ संखाइक्वंतगुणो संखागयसत्तुदलणदुल्ललिओ । संखामलकित्तिधरो संखाभिहनरवई तत्थ ।।२।। पालेइ य पडियभडभडचरडाइवज्जियं रज्जं । वित्थिन्नऽत्थाणत्थो अहऽन्नया सो महीनाहो ॥३॥ गयसेट्टिपुत्तदत्तेण पयडपडिहारकयपवेसेण । उवणेउं रायारिहपाहुडमह पणमिओ तेण ॥४॥ संभासिओ य रन्ना उबविट्ठो आसणम्मि सप्पणयं । गयतणय ! किं चिराओ दीससि ? कुसलं सया तुज्झ ? ॥५॥ तेण वि पणामपुवं पयंपियं पहु ! पसायओ तुम्ह । पायाण जणच्छायापायवतुल्लाण कुसलं मे ॥६॥ नाएण धणोवजगमेवऽम्हाणं कुलक्कमो सामि ! । तं पुण गंतुं कीरइ दिसिजत्ताए वि दुग्गाए ॥७॥ अवरं च अपुव्वाणं देसाणं होइ दसणं देव ! । संपज्जइ अच्चव्भुयकोऊहलदसणं बहसो ||८|| ता देव ! देवसाले विसालसालोवगूढनयरम्मि । दविणज्जणकज्जे हं बहुसत्थजुओ गओ हुँतो ॥२॥ भणियं च भूमिवइणा चित्तचमक्कारकारयं कहसु । तत्थ तए जं किंचि वि सच्चवियं चारु अच्छरियं ॥१०॥ दत्तेणुत्तं पहु ! देवसालमच्छरियनियरपरिकिन्नं । बहुहयमाहप्पो वि हु जत्थ जणो अयमाहप्पो ॥११॥ अवरं पि हु अच्छरियं पेच्छउ सामी सयं पितं जेण । न य सक्को सक्को वि हु कहिउं जे किं पुण मणुस्सो ? ॥१२॥ इय जंपिऊण दत्तो पयत्तपच्छायणाणि अवणेउं । उवणेह चित्तफलयं निवस्स तं गिहिउं सो वि ।।१३।। नियइ य सरूवरेहोवहसियतियसिंदमुंदर कुमरिं । एसा देवि त्ति विचिंतिऊण पणओ निवो तीए ॥१४॥ आउच्छिओ य दत्तो का एसा देवया ? भणइ सो वि । न हु देव ! देवया किंतु माणुसी एत्थ आलिहिया ॥१५॥ तं सोउं नरनाहो निझाइय अंगचंगयं तीए । वालग्गाओ नहगं जाव समुल्लविउमारद्धो ॥१६॥ किं दत्त ! माणुसीओ एवंरूवाओ कत्थइ हवंति ? । ईसिप्पहासपुव्वं पयंपियं तयणु दत्तेण ॥१७॥ सा का वि सरीरलयालीला रूवं पि तीए तं किं पि । जस्स लवो विन नजइ लिहिउं निउणेहिं वि सुरेहिं ॥१८॥ परमेत्थ सुमरणत्थं रूवलवो सामिसाल ! आलिहिओ। तो विम्हिएण भणियं रन्ना मह कहसु का एसा ? ॥१९॥ भइणी मम त्ति दत्तेण पभणिए भणइ भूवई भद्द ! । जइ तुह भइणी ता देवसालनयरे कह दिवा? ॥२०॥ तेणत्तं परमत्थं निमुणसु पहु ! देसदसणथमहं । दविणज्जणकज्जेण य विणिग्गओ जणयमड्डाए ॥२१॥ पउरपयाणयलंघियगामा-ऽऽगर-नगरकिन्नबहुदेसो । पत्तो य गुरुअरन्न अब्भासे देवसालस्स ॥२२॥ भीमम्मि तम्मि सन्नद्धभडयणो तरलतुरयमारूढो । गच्छामि पलोयंतो चउद्दिसं भिल्लसंकाए ॥२३॥ अह तत्थ मए दिट्टो निच्चेट्टो निवडिओ महीवट्टे । स्वस्सी पच्चासन्नमयतुरंगो नरो एगो ॥२४॥ कंठंतपत्तपाणो नाओ सित्तो य सिसिरनीरेण । उवलद्धचेयणो तयणु पाइओ सीयलं सलिलं ॥२५॥ छहिओ त्ति सीहकेसरयमोयगे भोइउं समुल्लविओ। सुपुरिस ! कत्तो आगंतुमित्थ पत्तो महावसणं ॥२६॥ तेणत्तमहं हरिओ हएण सिरिदेवनंदिदेसाओ । इह संपत्तो तुम्भे वि पत्थिया कत्थ ? मह कहह ॥२७॥ भणियं मए वि तद्देसभूसणे देवसालनयरम्मि । गच्छिम्सामो अम्हे ता दोन्ह वि सोहणो सत्थो ॥२८॥ तुम्भे तरलतुरंगमहरणुभूयप्पयासपरिसंता । अल्लियह ता सुहासणमम्हं तो सो समारूढो ॥२९॥ सप्परिसगणुवित्तणकहाहिं दोन्हं पि हरियहिययाण । लंघियकेत्तियमेत्तारन्नाण रवी गओ अत्थं ॥३०॥ आवासिओ य सत्थो तत्थ वि सव्वा वि वोलिया रयणी । नासियतमपन्भारे जाए अरुणुग्गमे सहसा ॥३१॥ दिटै पभूयसेन्नं खुहिओ मह भइयणो वि सन्नद्धो । मा भाहि त्ति भणंतो ता पत्तो आसवारेगो ॥३२॥ तेणुत्तं यहरियं पुरिसं पेच्छिउमिमं बलं पत्तं । घुटुं च बंदिविदेण जयउ जयसेणकुमरो त्ति ॥३३॥ तो विजयभूवई वि य पत्तो विनायकुमरवुरंतो । कुमरेण वि सप्पणय पणओ भूमिलियभालेण ॥३४॥ आउच्छिओ नरिंदेण वच्छ ! कह तं समागओ रन्नं ? । सो भणइ देव ! दुटेण तेण तुरएण हं हरिओ ॥३५॥ आणीओ य अरन्ने इमम्मि परिभमिरसीह-सदले । तो ताय ! मए मुक्का वग्गा गुरुमग्गसमिएण ॥३६॥ परिसंठिओ तुरंगो तो मुक्को सो मए समुत्तरिउं । पाणेहिं वि परिचत्तो मन्ने दुट्टो त्ति कलिऊण ॥३७॥
Jain Education International
For Private & Personal Use Only
www.jainelibrary.org
Loading... Page Navigation 1 ... 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 