Akhyanakmanikosha

Book Title: Akhyanakmanikosha
Author(s): Nemichandrasuri, Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad

View full book textPrevious | Next

Page 343
________________

२५६
आख्यानकमणिकोशे
विहिणी वसेण तीए. हत्थुत्तिन्नाए जणयवयणाओ। तुझ पिए ! परिणयणथमागओ मुणमु सञ्चमिमं ॥३५४॥ तो रिसिदत्ताअणुकृलकम्मपरिणइवसेण तीयुत्तं । पिययम ! तुम न जाणसि जहा माए एत्थ आणीओ ॥३५५।। कहमिव ? तीए सव्वो वि वइयरो साहिओ मुणताणं । कणगरह-तावसाणं गुरुविम्यमुव्वहंताणं ।।३५६।। चिंतियमिसिदत्ताए विहियमिमं साहणं जमेयाए । पच्चरखं दोण्हं पि हु महऽलीयकलंकमवणीयं ॥३५७|| तं साउं कणगरहो कोहहुयासणपलित्तसव्वंगो । दट्टोट्टभि उडिभीसणवयणो रत्तच्छिदुप्पेच्छो ॥३५८|| अवसर दिट्ठिपहाओ तमेरिसं जइ तए समायरियं । मेच्छाणं चिय निदियमिह कड्डयं रुप्पिणि भणइ ॥३५९।। संपइ रिसिदत्ताए इय मरणे किं मए जियंतेण ? | साहेमि जलणमिम्हि कह कट्टे चियाजोग्गे ॥३६०।। तं सोउं सम्यो वि हु मंतिजणो गुरुविसायमावन्नो । गुरुसोयसल्लियंगो निवेयए रायपायाण ॥३६१।। तेणावि हु परिचिंतियमहो! हु कुडिलत्तणं महेलाणं । जेण मए विन नायं पच्छन्नं पेच्छ पावमिमं ॥३६२।। धिद्धी ! एयाए पावियाए बहुकृडकवडभरियाए । नरयगइगामिणीए निंदियसच्चरियचेट्टाए ॥३६३।। एवं पि वयमिमीए सिरम्मि निवडउ अणजहिययाए । रक्खसिवायकयं पुण इहई पि हु मत्थए पडियं ॥३६१।। एवं खिसिज्जंती पुग्लोएणं पए पए पावा । लुयपुच्छ-कन्न-धूसरखरपिट्टाऽऽरोवियसरीरा ॥३६५।। विग्गोविण नयरे रन्ना निवासिया परिवाया । नारी जणे अवझ ति तेण जीवंतिया मुक्का ॥३६६॥ कुमरो वि हु जा न मुयइ कहिं पि भणिओ वि मरणनिबंधं । नायरजणेण रइया चिया तओ सारकट्टेहिं ॥३६७॥ तत्तो वारंतस्स वि रन्नो नायरसमग्गलोयम्स । हाहारवमुहलस्स वि चित्तं चलिओ चियाए सो ॥३६८।। सियवत्थ-विलेवण-कुसुमदाम-ऽलंकारसेयमुत्ती वि । कणगरहो रिसिदत्ताणुरायगुणओ दढं रत्तो ॥३६॥ तव्वयणाओ हुयासो जा किर पउणीकओ चियापासे । ता रन्ना विन्नत्तो विणएणं तावसकुमारो ॥३७०॥ भयवं ! तुह वयणमिमो न कयावि हु लंघए तओ एयं । तह कह वि हु भणनु जहा विरमइ एयाओ पावाओ ॥३७१।। भणिओ तावसकुमरेण भद्द ! किमिमं तए समारद्धं । नीयजणोच्चियमइनिंदियं च सुकुलप्पसूयाणं ? ॥३७२॥ अन्नं च तया तुमए तवोवणाओ ममाणयंतेण । भणियं कयकिच्चो हं तुममाणेऊण मुच्चिसं ॥३७३।। तं विम्सरियं संपइ पारद्धं अवरमेव किं पितए । कज्जं जइ जुत्तमिमं ता.कुमर ! तमेव जाणासि ॥३७४।। अहुणा अणुहूयमिणं पावं पावाइयाए जं विहियं । सा वि हु मुह-दुक्खाणं तुह भज्जा भायणं जाया ॥३७५।। ता विरममु एयाओ दुरज्यवसियाओ सिट्टवजाओ । परलोयबाह्याओ अप्पवहाओ महाभाग ! ॥३७६।।
अन्नं च
सगुणं व निग्गुणं वा कज्जकलावं समायरंतेण । परिणामो सव्वत्थ वि चिंतेयव्वो चउरमइणा ॥३७७॥ अवरं च तुहाऽऽकूयं मरिऊण मिलामि निययदइयाए । सव्वमिमं पि महायस ! मुणमु महामोहललियं ति ॥३७८॥ जम्हा उ भवाव? सकम्मफलभोइणो जिया सव्वे । ता तीए सह जोगो होही तुह भद्द ! चित्तमिमं ॥३७९।। चलसीइजोणिलक्खेकसंकडे भववणम्मि भवडंतो । को जाणइ को वि कहिं कहसु महाभाग ! जाइ जिओ? ||३८०॥ ता जइ तुज्झ ममोवरि को वि सिणेहो समस्थि ता मुयसु । मरणकयमसग्गाहं विवेइणो तुह न जुत्तमिमं ॥३८॥ अवरं च जइ पियाए निमित्तमग्गिम्मि पविससि कुमार ! । ता इहई चिय तं तुह भज्जं दंसेमि रिसिदत्तं ॥३८२॥ तं सोउं कणगरहो पञ्चागयजीविओ पयंपेइ । भयवं ! तुज्झमसज्झं कज्जं भुवणे वि नत्थि फुडं ॥३८३।। ता जड तं पाणपियं रिसिदत्तं कहवि पुन्नजोएणं । पेच्छामि ता महायस! जलंजलि देमि मरणस्स ॥३८४॥ अन्नं च जोवियं पि हु तुझ पयच्छामि जइ इमं कुणसि । तेणुत्तं एस वरो चिट्ठउ पासे तुह कुमार ! ॥३८५।। तत्तो तुटो तावसभरवसगेणं इमेण जं वुत्तं । तं होइ तहेव तओ पत्तो कुमरो सपासायं ॥३८६।। तत्तो तावसमुणिणा कहिओ तेसिं सविम्हयमणाणं । रहमद्दणपुरनिस्सारणाइओ निययवुत्तंतो ॥३८॥ ताहे कुमरच्छुरियं घेत्तुं वामं वियारिउं ऊरं । कड्डियमोसहिवलयं जाया रमणीसहावत्था ॥३८८||
Jain Education International
For Private & Personal Use Only
www.jainelibrary.org


Page Navigation
1 ... 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504