Book Title: Akhyanakmanikosha
Author(s): Nemichandrasuri, Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
View full book text ________________
३६. सम्पद्विपदोः सत्पुरुषसमतावर्णनाधिकारे नरविक्रमाख्यानकम्
२६३ सवणामयसरिसाई परिणामसुहाई निव्वुइकराई । निसुणेमि गुरुसयासम्मि जइ अहं धम्मसत्थाई ॥१०७॥ तत्तो मणोरहन्भहियवित्तवियरणगुणप्पयारेण । रन्ना दोहलए पूरियम्मि सइमुहियसव्वंगी ॥१०॥ गब्भमुहावहसयणा-ऽऽसणाइणा सोहणप्पयारेण । गभं वहमाणीए तीए जाए पसवसमए ॥१०॥ नवमासाण सवायाणमुवरिमणहम्मि दिणि मुहुत्तम्मि । उच्चट्ठाणगएसुं गहेसु विरयासु य दिसासु ॥११०॥ पणइजणमणवियप्पियपयत्थसंपयसमप्पणापवणं । कप्पमहीरुहभूमि व्व कप्पपायवमणप्पगुणं ॥११॥ चंपइमाला पसवइ पुत्तं पुन्नप्पभावओ रन्नो । नियतणुकंतिकडप्पप्पभावपज्जोइयदियंतं ॥११२॥ तत्तो हरिसविसंटुलगइवसपरिसिढिलवसण-घम्मिल्ला । ओरोहदासचेडी वद्धावइ वसुमईनाहं ॥११३॥ संपइ बद्धाविज्जसि नरनाह ! तुम जएण विजएण । जेण पसूया पुत्तं चंपयमाला महादेवी ॥११॥ रन्ना वि य दासित्तं अवणेउं तीए दासचेडीए । दिन्नं च पारिओसियदाणं सुयजम्मतुट्टेण ॥११५।। आणत्ता नायरया जहाविभूईए नयरमज्झम्मि । कारवह महाऽऽणाए सुयजम्ममइसवं गरुयं ॥११६॥ तेहिं वि तह ति पडिवजिऊण निस्सेसनयरिमञ्झम्मि । वद्धावणयं विहिणा कारवियं तं च एरिसयं ॥११७ ॥ विरइजमाणतोरणवंदणमालं दुवारदेसेसु । ठाविज्जमाणचंदणचच्चियसुहपुन्नकलसजुयं ॥२१८॥ उभिजमाणनवरंग-वसण-परिहाण-जूय-मुसलसयं । पढमाणचवलतरचट्ट-भट्ट-सूमाइयाइन्नं ॥११९|| पविसंतक्खयवत्तं विद्धाजणकिजमाणसुयरक्खं । नच्चन्तवारविलयं सनम्महीरंतसिरनेढं ॥१२०॥ इय गरुयविभूईए वद्धावणयं नरिंदचंदेण । आणंदियपउरजणं कारवियं पुत्तजम्मम्मि ॥१२१॥ अह नामकरणदिवसम्मि सोहणे तिहि-मुहुत्त-करणम्मि । भोयाविऊण नीसेसपरियणं भोयणविहीए ॥१२२।। सम्माणिऊण वरवत्थ-रयण-असणप्पयाणओ सम्मं । पुहइवई सप्पणयं सव्वं पि हु पुरपहाणजणं ॥१२३॥ कुलविद्धनारिनिवहेण मत्थए चोक्खयक्खिवणपुव्वं । नरविक्कमो ति नामं सुयस्स कारवइ कालण्णू ॥१२४॥ संजाओ य कमेणं वटुंतो अट्टवरिसदेसीओ.। मुहसियपंचमि-गुरुवार-पुस्सनक्खत्त-करणेसु ॥१२५॥ उवणीओ लेहायरियपायमूलम्मि मलियमाणभडो। ससिणेहं सम्माणिय कलागुरुं गरुयभत्तीए ॥१२६॥ नियजोग्गयागुणेणं जणयपयत्ताओ निच्चमभिओगा । लेहायरियस्स गओ कलाण सव्वाण सो पारं ॥१२॥ लेहम्मि लद्धलक्खो अहियं परिनिटिओ धणव्वेए । गंधव्वकलाकुसलो पत्तच्छेयम्मि पत्तट्टो ॥१२८॥ नर-नारि-तुरय-गय-रहवराइपरमत्थलक्खणविहन्नू । गंधंगजुत्तिनिउणो चउरमई चित्तयम्मम्मि ॥१२६॥ लोयव्ववहारविऊ मंतपओगेसु नायपरमत्थो । परचित्तगणदषसोविसारओ सद्दसत्थेसु ॥१३०॥ सा नत्थि कला तं नत्थि कोउयं किं पि नत्थि विन्नाणं । जत्थ न सो पत्तट्टो विसेसओ मल्लजुद्धम्मि ॥१३॥ अह अन्नया य पेक्खणय-गीयवक्खित्तरायअत्याणे । निवपाससुहासीणे सुहए नरविक्कमकुमारे ॥१३२॥ करकलियपयंडसुवन्नदंडदुद्धरिसभासुरसरीरो । आगंतुणं विन्नवइ सविणयं निवपडीहारो ॥१३३॥ हरिसउरसामिणो देव ! देवसेणस्स दारदेसम्मि । चिट्ट दूओ देवस्स दंसणं महइ किं कजं? ॥१३४॥ सिग्धं भद्द ! पवेससु तमिइ निउत्ते निवेण स पविट्ठो । कयसमुचियपडिवत्ती एवं विन्नविउमाढत्तो ॥१३५॥ संति पहु ! मझ पहुणो अइसयभूयाणि दोन्नि रयणाणि । नियरूवोवहसियतियससुंदरी कन्नगा एगा ॥१३६॥ अवरो य रायमल्लो पडिभडकमलाण कालमेहो व्व । नामेण कमलमेहो विणिज्जियासेसमलगणो ॥१३॥ तत्थऽन्नया कयाई सुहासणत्थस्स रायअत्थाणे । सव्वालंकारमणोहरंगियानिययजाणणीए ॥१३८|| पिउपायपणमणत्थं पट्टविया पुव्ववन्निया कन्ना । उच्छंगम्मि निविट्ठा पलोइया तयणु पिउणा वि ॥१३॥ वरचिंतणत्थमेसा [ग्रन्थाग्रम् ११०००] मन्ने पउमावईए देवीए। पट्टविया मह पासे ता को णु इमीए अणुरुयो॥१४॥ होही भत्ता भवणे वि ? विसरिसाणं कए वि संबंधे । आजम्मं घरवासो दुहपासो होइ मिहणाणं ॥१४१।। इय दुहियावरचिंतणजलहिमहावत्तसंकडे पडिओ। राया सव्वावस्थासु दुयरी होइ जेण सुया ॥१४२॥
Jain Education International
For Private & Personal Use Only
www.jainelibrary.org
Loading... Page Navigation 1 ... 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 