Akhyanakmanikosha

Book Title: Akhyanakmanikosha
Author(s): Nemichandrasuri, Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad

View full book textPrevious | Next

Page 340
________________

२६. भावशल्यानालोचनदोषाधिकार ऋषिदत्ताख्यानकम्
२५३
सुसरय ! तुमं पि सहसा संजाओ कीस निग्धिणो ? कहनु । एक च्चिय पाणपिया जेणाहं तुज्झ सुयभज्जा ॥२४९।। कत्तो वि हु आगंतुं मंभीसमु संपयं तुमवि तीय ! । आजम्मं पाणपिया जेणाहं तुज्झ नियधूया ॥२५०।। हा माए ! माए ! पियमइ ! कुओ वि सम्गालयाओ आगंतुं । भयसंभंतमसरणं परितायमु दुयिरं दुहियं ॥२५१॥ इय एवं विलवंती भीया भयभेरवे मसाणम्मि । तायारमविदंती पडिया बसणंधकृवम्मि ॥२५२॥ तयणंतरमन्नुभडभिउडीभासुरनिडालबट्टेहिं । उक्खायनिसियकत्तियविहत्थहत्थेहिं पाणहिं ॥२५३| आ पावे ! कुडकुडगाइदासेहि भरिय ! यहियए ! । भक्खसि रन्नो पुरिसे मारेउं रावसि इयाणि ॥२५४॥ रे रे ! एयाए पावियाए निकरुणकरहिययाए । छिंदह नासा-कन्ने खग्गेणं लणह सिरकमलं ॥२५५।। एवं भीसणवयहिं तेहिं निभच्छिया विवन्नमुही । खरपवणाहयतरुवरलय व्व परिकंपिउं लग्गा ॥२५६॥ हा ताय ! ताय ! हा भाय ! भाय ! मा हणह पायवडिया हं । घेत्तृणाऽऽहरणाई कुणह दयं मुयह जीवंती ॥२५७।। एत्थंतरम्मि पोणाण मझयारम्मि भणियमेगेण । एवंविहमेयाए संभवइ न निग्घिणं कम्मं ॥२५८|| अन्नं च सूरमिमं (?) गुणकलियं बालियं हणंताणं । केणावि कारणेणं न वहंति करा किमन्नेण ? ॥२५॥ अणुकूलकम्मपरिणामपेरिओ तीए चेव मायंगो । एगो जंपइ जीएण मज्झ जीवउ चिरं एसा ॥२६०॥ तत्तो य तेहिं वुत्ता तुममेएणं विमोइया भद्दे ! । गच्छसु जत्थ न नजसि जइ पुण तं कह वि दीसिहसि ॥२६१॥ तो राया अम्हाणं कुलसंहारं करिस्सह पउट्टो । इय तजिऊण पाणा पेयवणाओ नियत्तंति ॥२६२।। सारिक्खमडयमत्थयमेगं छेत्तण दंसियं रन्नो । पच्चयनिमित्तमेत्तो रिसिदत्ता जाइ भयभीया ॥२६३।। चलियम्स वाउवसओ तरुपत्तस्स वि पकंपमाणमणा । भीसणमसाणमझे धीराण वि ताससंजणए ॥२६४॥ एगागिणी असरणा धीरत्तणवज्जिया सहावेण । पयचारेणं गच्छइ सिरीसपुप्फ व सुकुमारा ॥२६॥ न तहा सा दूमिज नियतणुसुकुमारयाए गच्छंती । जह मिच्छारोवियदूसणेण हिययम्मि भणियं च ॥२६६।। संतगुणविप्पणासे असंतदोसुब्भवे य जं दुक्खं । तं सोसेइ समुदं किं पुण हिययं मणुस्साणं ? ॥२६॥ अहवा वि भवावट्टम्मि वट्टमाणं सकम्मुणा जीवं । तं नत्थि किंपि विसमं जं न सहावद विही एसो ॥२६८॥
तथा हि
एयम्मि पराहुत्ते जियाण जणओ वि वइरिओ होइ । बहुदुक्खलक्खजणणी जणणी विहु जायए वग्घी ॥२६॥ मित्तो वि सत्तभावं पडिवज्जइ संपया वि विवयसमा । सच्चं पि होइ अलियं नओ वि अनओ गुणो दोसो ॥२७॥ एवं परिभावंती विसन्नहियया विमूढदिसियक्का । दक्खिणदिसाए चलिया साहसमवलंबिय मणागं ॥२७१।। कत्थवि य वीसमंती तरुवरछायासु कयफलाहारा । विसहंती तिस-भुक्खं निवसंती देसियकुडीसु ॥२७२।। पत्ता पभूयकालेण कह वि किच्छेण तम्मि चेव वणे । दट् ठूण तं पएसं जणयं सरिउं गया मुच्छं ॥२७३।। हा ताय ! किं न पेच्छसि नियदुहियं निवडियं दुहसमुद्दे ? । संभाससि कि नतुमं ? तुह पाणपिया अहं आसि ॥२७४॥ इय पलवंती असमंजसाई संधीरिऊणमप्पाणं । रे जीव ! किं न बुज्झसि ? किं मुज्झसि ? कत्थ सो ताओ ? ॥२७५।। कत्थ तुमं ? किं मूढा ? जमेस एवंविहो विहिनिओगो । ता नियकयस्स मोक्खो संपइ सम्म सहतस्स ॥२७६॥ जइ पविससि पायालं लुक्कसि गिरिकंदरेसु विसमेसु । तह वि हु पुवकयाओ न मुच्चसे जीव ! किं बहुणा ? ॥२७७॥ एवं विवयवसओ वल्लहभावाओ जम्मभूमीए । मणयं पत्तसमाही सा वसई तवोवण तम्मि ॥२७८|| अह अन्नया य तीए विचिंतियं पढमजोवणत्था हं । ता सीलरयणमेयं रक्खेयव्वं कहनु मए ? ॥२७९॥ . जम्हा महिला महुरत्तणेण पर्यईए पत्थणिज्जगुणा । चिंचापक्कफलं पिव वड्डियवंछा जयस्सावि ॥२८॥ सीलं च मएऽवम्सं रक्खेयव्वं सपाणचाए. वि । एयम्मि विणट्टम्मि नो इहलोओ न परलोओ ॥२८॥ सीलं महानिहाणं सुकुलुप्पन्नाण भावभंडारो । बसणसयसल्लियाणं सरणमिमं जेण भणियं च ॥२८२।।
१. मच्चन्भुयभिउडी००।
Jain Education International
For Private & Personal Use Only
www.jainelibrary.org


Page Navigation
1 ... 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504