________________
અજ્ઞાન છેદાય. અજ્ઞાન ભેદાય. અને જ્ઞાનનો ઉદય થાય. પ્રભુ તો કૃપાસિંધુ છે. જ્ઞાનના સાગર છે. દયાના મહાસાગર છે. અજ્ઞાનને ભેદવા તેઓ સદૈવ તત્પર હોય છે. જ્ઞાનનો પ્રકાશ ફેલાવવા માટે તેઓ સદા સજ્જ હોય છે. જગત દુઃખી છે. જગતમાં ઠેર ઠેર પાપપંકના ઢગલા થયા છે. યુદ્ધોની ભીષણતાએ અમારિની ભવ્ય ભાવનાને દબાવી દીધી છે. ઠેર ઠેર પ્રસર્યું છે હિંસામય વાતાવરણ. અબોલ જીવોના ચિત્કારો સંભળાય છે. શસ્ત્રો ખણકે છે. લોહી વહે છે.
કરૂણ આક્રંદોથી વાતાવરણ ગૂંજતું રહે છે. અજ્ઞાનનાં અંધારાં સર્વત્ર પ્રસર્યાં છે. ન આત્માનું જ્ઞાન છે. ન તત્ત્વનો બોધ છે.
પણ હવે પરમાત્મા દ્વારિકાપુરીમાં પધાર્યાં છે. એટલે હવે અંધારાં હટશે, અજ્ઞાન નષ્ટ થશે.
શ્રી કૃષ્ણ વાસુદેવે પ્રભુનો સત્કાર કર્યો. પ્રભુ સમક્ષ હાથ જોડી વંદના કરી.
સર્વજ્ઞ તીર્થંકર વિતરાગ પ્રભુ શ્રી નેમિનાથ જિનેન્દ્ર પરમાત્માએ શ્રીકૃષ્ણ વાસુદેવને આત્મા વગેરે તત્ત્વનો બોધ આપ્યો. આત્મા વિષેની ઊંડી સમજણ આપી. અને એ રીતે આત્મતત્ત્વના જ્ઞાનથી શ્રી વાસુદેવને પ્રતિબોધિત કર્યા.
अन्तरात्मा तदा जातो - नेमिनाथस्य भक्तराट् । वासुदेवेन सम्यक्त्वं; स्वीकृतं तत्त्वबोधत ॥ ३ ॥
અહો ! આનાથી વિશેષ આનંદની વાત કઈ ?
જિનેન્દ્ર પ્રભુ સ્વયં પધાર્યા હતા.
ક્યારેક જ પડે છે તીર્થંકર પરમાત્માનાં પગલાં. ભૂમિનાં ભાગ્ય જાગે છે ત્યારે
અને દ્વારિકાપુરીના ભાગ્યનાં દ્વાર અચાનક જાણે ખૂલી ગયાં. આથી રૂડું શું ?
વિશ્વ બહુ વિરાટ છે.
વિશ્વ ઝંખે છે પરમાત્માના આગમનને. તીર્થંકર પ્રભુનાં પગલાં ત્યારે જ પડે છે કે જ્યારે ભોમકામાં પુણ્યકર્મનો સંચય પો હોય.
પણ
૩
