________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
દયાનદીપિકા
[ ૧૭ ].
પરિણામે દુઃખ ઉત્પન્ન કરનારી છે; એની ઈચ્છાને જ્યાં સુધી છેદ-નાશ ન થાય ત્યાં સુધી સમ્યક્ત્વ જે આત્મગુણ છે તેને પ્રાપ્ત કરવાની આશા સ્વપ્નામાં પણ ન રાખવી. ૧.
જ્યાં સુધી અન્યનું બૂરું કરવાની આશા કે સારું કરવાની પોતાની ભાવના, લાગણી. જે કર્મના પ્રમાણમાં થાય છે તે ભાન ભૂલી જઈને અભિમાનને લઈ વેર લેવાની ભાવના હદયમાં પ્રગટ કરવામાં આવે છે ત્યાં સુધી આ ભાવનાને રહેવાને અવકાશ ક્યાંથી મળે? પ્રકાશ અને અંધારું સાથે ક્યાંથી રહી શકે? જે મનમાં વેર વિરોધની વાસના બળતી હોય ત્યાં આત્મસ્વરૂપની પરમ શાંતિ કેવી રીતે પ્રગટ થાય ? મનમાંથી તેવી ભાવનાને તદ્દન કાઢી નાખી તેને ઠેકાણે અપરાધીઓને પણ ક્ષમા (માફી) આપનારી કમળતાવાળી ઉપશમ ભાવનાને સ્થાપિત કરવાથી સમ્યફત્વ નામનો આત્મગુણ પ્રગટ થાય છે. ૨.
જ્યાં હદય વિવિધ પ્રકારની આશા, ઈચ્છા કે તૃણાને લીધે આકુલવ્યાકુલ થઈ રહ્યું હોય, ઘડીભર પણ પરમ શાંતિમાં બેસવાની સ્થિરતા મળતી ન હોય, મનમાં નાના પ્રકારના વિચાર કે વિતર્કો ચાલતા હોય વિષય મેળવવાની ઈચ્છાથી મન વિહવળ થઈ રહ્યું હોય કે તેવા ચંચળતાવાળા મનમાં સમ્યક્ત્વ ગુણ કેવી રીતે પ્રગટ થાય? આત્મભાવમાં અને પુદ્ગલમાં આસક્તદશા આ બન્નેને સૂર્ય અને અંધકારના જેટલું તફાવત છે. - થોડો વખત પણ વિષયાદિક કામનાના વિચારથી મનને
For Private And Personal Use Only
