Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 44

सिरिरिसहनाहस्स धनसत्थवाह-भवो
पल्लवमेत्तग्गाही नाणलवेणावि उत्तुणो भमइ। गिण्हइ न अण्ण-भणियं दुवियड्ढो वज्जणिज्जो उ ।।४।। दुहं पुण परिसाणं उवद्रियाणं बहेण अगिलाए । संसार-दुक्ख-दलणी धम्मकहा होइ कायव्वा ॥४२॥ अलमित्थ वित्थरेणं कल्लाणयपंचरयणचिचइयं । पंचाहिगारबद्धं सुइ-सुह-जणयं मणभिरामं ॥४३॥ पुण्णं परं पवित्तं कल्लाणं मंगलं सिवं धण्णं । विमलं विमलियभव्वं जयजीवासासयं सुहयं ॥४४॥
मुह-निज्झराओ झरियं चरियं पाएण रिसहनाहस्स । कन्नंजलीहिं पिज्जउ जलं व सइ सज्जणजणेण ॥४५।। सिरिरिसहनाहस्स धनसत्थवाहाइभवा
अत्थि इहेव जंबुद्दीवे दीवे अवरविदेहे वासे सयलमहीमंडलमंडणं, उवहसियसुरपुरं नियसमिद्धीए, सुविभत्त-तियचउक्क-चच्चरं, सुखवंचियविचित्तनरवइ-पहं, नियसोहाविणिज्जियसग्गं, विसाल-विवणि-मग्गं, गया सालोवसोहियं, पायालोयर-गंभीर-भीम-परिहा-परिगयं, निम्मल-मणिमय-पासाय-सिहर-पसरंत-कर-समूह-दूरोसारियगहगणतेयप्पसरं, तियसवइ-सहामंडवं व विबुहाहिट्टियं सुगयाणु गयं च, मयलंछणमंडलं व आणंदियंजणं जयपायडं च, सालाहगाहाकोससत्थं व सरसजण-प्रणोहरं सालंकारं च, सुगयवयणं व करुणाणु गयं धम्मकित्तिसणाहं च, दसरहभवणं व रामाणुरायरंजियं लक्खणाणुगयं च, अहिवइसरूवं व महाभोगसारं सुप्पइट्टियधरणिमंडलं व खिइपइट्टियं नाम नयरं ।
एक्को च्चिय पर दोसो अह तम्मि पुरम्मि गुणसमिद्धम्मि । जं वसइ सयाकालं परदुक्खे दुक्खिओ लोओ ॥४६॥ तत्थत्थि विजियपडिवक्ख-पक्ख-संगिज्जमाणगुण-नियरो । नामेण अमरसेणो राया जयपायडपयावो ॥४७॥
तत्थ णं नयरे एक्को वि बहुपरियणाणुगओ, निग्गयगुणो वि बहुगुणालंकिओ, परमहेलासत्तो वि अपारदारिओ, अतिलोयणो वि संकरो, दुरुण्णओ वि गरुयणपणओ, अमयलंछणो वि चंदजसो; तहा जलनिही गुणरयणाणं, कुलभवणं सयलसंपयाणं, कप्पपायवो सयणजण-सउणाणं, कुलसेलो कित्तिसरियाणं, कुसलो सयल-लोयववहाराणं, वियक्खणो देसकालकायव्वाणं, बज्जपंजरं सरणागयजणाणं; जस्स णं अणवरयदेव-गुरु-दीण-दुहियनियदव्ववियरणेणं रिद्धीणं सहलत्तणं, सयल-जणसमुचियत्थसंपयाणेण जसवित्थारं, विणयारिहविणय-करणेण महाकुलसंभवं, सरीरगयसिरिवच्छाइलक्खणावलोयणेण सयत्थसंपत्ति, विउसजणसंसग्गीए सुय-संपयं, गणाणुरागेण अमच्छरित्तणं, मणिजणसुस्सुसाए धम्मपडिवत्ति, चितियमेतकज्जसंपत्तीए पुण्णपब्भारं, अणुकूल-दिव्वदंसणेणं जम्मंतरसुकयं, विहलजणसमुद्धरणेणं महाणुभावत्तणं, समसत्तमित्तणेण मज्झत्थभावं विउसावयंति; जो य मूओ अलियपयंपणेसु, पंगुलो परदव्वावहरणेसु, अंधो परदोसदसणेसु, लुद्धो गुणरयणावज्जणेसु, चिताउरो सत्थत्थेसु, धणउ व्व अपरिमियधणो धणो नाम सत्थाहो' परिवसइ । किंबहुणा भणिएणं ? धणियं धणसत्थवाह-देहम्मि । रयणायरे व्व रयणाण नत्थि अंतो गुणगणाणं ॥४८॥
तस्स णं धणस्स कित्ति व्व महामुणिणो, जुण्ह व्व ससिणो, लच्छि व्व दाणवारिणो, मयलेह व्व करिणो, खंति • व्व खमिणो, सइ व्व हरिणो, बुद्धि व्व सुरगुरुणो, ललिय व्व तिउरारिणो, पह व्व रविणो, पुहइ व्व भरहवइणो, कति ब्व मणिणो, रइ व्व कुसुमेसुणो, कुसुमसमिद्धि व्व सुरतरुणो, चल व्व सूर-गिरिणो, करुण व्व मणिवइणो, कह व्व गुणड्ढकइणो, सीय व्व दासरहिणो, नियगुणगणधवलियधरामंडलासयलजणमणोहारिया धणवती नाम भारिया ।
अइ कसिण-कुडिल-सुसिणिद्ध-मसिण-लंबंत-चिहरपब्भारो । सोहइ नियंबलग्गो जीसे जउणापवाहो व्व ॥४९।। अछिवंतेण व विहिणा करेहि अंगाई तीय घडियाई । जेण करालिद्धाणं न होइ एयारिसी सोहा ।।५।। निव्वत्तिऊण रूवं कह वि तुलग्गेण जीय' दिव्वो वि। मयणाउरो वियंभइ को किर तं वण्णिउं तरइ ? ||५१।। अह तस्स तीय समयं विसयसुहासेवणं कुणंतस्स । वच्चइ सहेण कालो अमणियपियविप्पओगस्स ॥५२॥
अण्णया कयाइ सुहि-सयणपरिवारिओ अत्थोवज्जणोवायसंकहाहिं गमिऊण पढमपहरं जामिणीए विसज्जियासेसपरिवारो पसुत्तो गंतुणं भवणभंतरसंठिय-पवरपल्लंके । पेच्छइ य रयणिचरमजामे पवण पहोलिरसियसियवडोवसोहिय१. सत्थवाहो पा० । २. तीए पा० । ३. जीए पा० । ४. पहल्लिर पा० ।