Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 306

सिरिरिसहसा मिदेसणा
दरदिण्णकंठपासाए मग्गओ आगया तुमं झत्ति । गहिऊण करेण तओ' आणीया तुम्ह" पासम्मि सोऊण नियं चरियं कंतिसिरी भणइ देह मह दिक्खं । भयवं ! दूसहदोहग्गकम्मपडिवक्खभूयं ति अह भइ गणहरिदो अज्ज वि दिखाए तुज्झ नवि समओ । समयम्मि कीरमाणं सव्वं चिय सुंदरं होई सम्मत्तमूलमणुवय-गुणवय - सिक्खावएहिं चिचइयं । सावयधम्मं पालेहिं ताव जा होइ समओ ति सा भणइ न मे कज्जं कालविलंबेण देहपव्वज्जं । जेणाहमणसणविहिं काऊण मरामि अज्जेव तं सुणिय भइ एगो वणयरदेवो अहो भमंताण । सरिसेण समं जोगो जायइ नियमेण जीवाण सा वि मह सरिच्छा सच्छंदा अणुचिया सुधम्मस्स । अमयसमाणं न पियइ गुरुवयणं कण्णपुडएहिं तिसरी जणणीए पुट्ठो गणसामिओ कहं एस । सच्छंदो पुव्वभवे को वा आसित्ति साहेसु गणहारी भइ तओ पुग्वभवे आसि वाणिओ एस । उच्छण्णजणणि जणओ निरंगणो निद्धणो धणियं यह अण्णया कयाई पव्वइओ विजयसेणसूरीणं । पायंतिए पढतो दुम्मेहो विणयपरिहीणो चोइज्जतो रूस तवं पि न करेइ मंद परिणामो । अण्णम्मि दिणे सहसा भणइ गुरुं अणसणं करिमो res गुरुं संलेहा पढमं चिय ताव होड़ कायव्वा । दव्वे भावे य तओ पच्छा पुण असणं जुतं संलि हियसरीराणं काउरिसाणं पणट्टसत्ताणं । अणसणकरणं मयमारणं ति न हु तेण मह कज्जं जमगसमगं दुगं पिहु करेमि पेच्छं तया हवह तुब्भे । इय भणिऊणं गुरुणा वारिज्जतो वि कम्मवसा कयभत्तपरिच्चाओ सहसा धाऊहिं खुब्भमाणेहिं । अट्टज्झाणोवगओ मरिऊणं वंतरो जाओ अन्नेसि पेसणकरो दीणो हीणो य सयलदेवाण । दट्ठूण विजयसेणो आयरिए भणिउमादत्तो भयवं ! भवभयसंभंतसत्तसताणरक्खणसमत्थं । जं न कय तुह वयणं तेणाहं एरिसो जाओ ता संपयं पयच्छसु हिओवएस गुरूहिं सो भणिओ । साहुजण चेइयाणं सया वि सुस्सुसगो होज्जा गुरुवयणं पालितो एसो साहूण चेयाणं च । भत्तिबहुमाणपव्वं वट्टंतो गमइ दियहाई चईऊण वंतरभवा राया होऊण सुरवरो होही । इय सोक्खपरंपरएण सिज्झिही अट्ठमे जम्मे कंतिमईए विहियमणाए पुट्ठो पुणो वि गणहारी । पहु ! केण कारणेणं एमाइवयजोगया नत्थि सो आह मज्झिमवए विसिट्टगिहिधम्मचरणओ चेव । भोगंतरायजणियस्सुवक्कमो कम्मुणो होही पणा इट्ठा बहुलोयसम्मया विसयसोक्खमणुहविडं । संपत्तपुत्तभंडा पच्छा पडिवज्जिउं दिक्खं परिपालिऊण विहिणा आजम्मं निक्कलकपव्वज्जं । खीणघणघाइकम्मा निव्वुइपुरगामिणी होही निरुक्मणि सोवक्कमाणि कम्माणि दुविहभेयाणि । निस्ववकमाणि भद्दे ! नरसेह नरवरिदस्स सोवक्कमाई जह सुइ सुहाए भोगंतराइयं बद्धं । तं कुसलकम्मजोगा खविज्जए अंतरा चेव कंतिमईए भणियं नरमेहरनरवरस्स कम्माइ । निरुवक्कमाई कह कहसु मह पसायं करेऊण अह भणइ पुंडरीओ जइ ते कोऊहलं मणे अस्थि । ता सुणसु सावहाणा चरियं नरसेहरनिवस्स अत्थित्थजयर्पासिद्धा रयणाय रमेहल व्व वररयणा । महिमहिलाएं भालयलतिलयतुल्लाम रपुरि व्व नामेण वेजयंतीपुरीपुराणा पयाण सुहवासा । नरकेसरिरायसुओ राया नरसेहरो तत्थ गंभीरो बहुरयणो अमुक्कमेरो महीहरावासो । रयणायरो व्व रेहइ अउव्व महिमो महीवालो ॥३३१३।। १. कारणव प्रा० जे० । २. अम्ह पा० /
।।३३१२।।
२६५
|| ३२८३ ।।
॥३२८४ ॥
।। ३२८५ ।।
।।३२८६ ॥ ।।३२८७॥
।। ३२८८ ।।
॥। ३२८९ ।।
॥३२९० ॥
॥ ३२९१ ॥
।। ३२९२ । ।
।। ३२९३।।
॥ ३२९४ ।।
॥ ३२९५ ।।
॥३२९६ ।। ।।३२९७ ।।
॥ ३२९८।।
।।३२९९ ।।
॥३३००॥
॥३३०१।।
||३३०२ ॥
॥३३०३ ।।
||३३०४ ॥ ॥३३०५ ॥
॥ ३३०६ ॥
॥३३०७॥ ॥३३०८ ।।
।।३३०९ ।।
॥ ३३१० ॥
।। ३३११।।