Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 311

२७०
जुगाइजिणिदचरियं
॥३४३४।। ॥३४३५।।
तावागओ तुरंतो विमलमई नामरायबरमंती । विणएण पणमिऊणं रायाणं भणिउमाढत्तो देव ! रणसूरभिच्चो देवं विण्णवइ तुम्ह पयपुरओ । जइ खुट्टो नवखंडं अत्ताणं अत्तणा काहं रण्णा भणियं आणेह आणिओ नमिय भणइ नरनाहं । किं निक्कारणकोवो कीरइ अम्हारिसाणवरि रण्णा भणियं पच्चक्खदंसणे कहमकारणे कोवो । सो आह सयं सामिय ! भोगंगकरंडयं पेच्छ दिट्ठो करंडमज्झे खंडाखंडी कओ महासप्पो । विम्हियमणेण पुट्ठो रण्णा को एस परमत्थो आमूलाओ सव्वो वि साहिओ वईयरो नरिदस्स । तुठो राया दिण्णं वत्थाहरणाइयं तस्स सामंत-मंति-भड-भोइयाउले मंडवे निसण्णस्स । उज्जाणाओ पुरिसो समागओ संदरो नाम देव ! तुह मलयतिलए उज्जाणे सूरिणो समोसरिया । बहुसमणसंघसहिया बहुस्सुया सुत्थिया नाम सक्कारिऊण पूरिसो विसज्जिओ अप्पणा सपरिवारो । गयखंधसमारूढो चलिओ गुरुवंदणद्वाए अह तिपयाहिणपुव्वं सुत्थियसूरिं नमेवि नरनाहो । उचियासणे निसण्णो धम्म सोउं समाढत्तो भो भो भव्वा ! निसुणेह धम्मसव्वस्समप्पणो पत्थं । भावाणुसारओ च्चिय सहलं सव्वमणुढाणं ता सुहज्झाणविसुद्धी कायव्वा होइ सयलजोगेसु । सो पुण कसायकलुसियचित्तस्स न जायए नियमा नीयाण नयण-बयणेसु वसइ देहेसु मज्झिमनराण । उत्तिमनराण कोवो कालेण फलेण निव्वडइ सव्वत्तिमपूरिसाणं होंति कसाया न चेव कइया वि । अह हंति मरंति मणे मणयं पिन पायडा हंति
॥३४३७।। ॥३४३८॥ ॥३४३९॥ ॥३४४०॥ ॥३४४१।। ॥३४४२।। ॥३४४३।। ॥३४४४।। ।।३४४५।। ॥३४४६।। ॥३४४७।।
जओ--
धन्नाणं खु कमाया जगडिज्जता वि परकसाएहि । नेच्छंति समुछेउं सुनिविट्ठो पंगुलो चेव ॥३४४८।। सिझंति सयलकज्जाइं तस्स पुरिसस्स अत्थसाराई । रोसो सुरंगधूलि व्व जस्स न हु पायडो होइ ॥३४४९।। कलुसफलेण न जुज्जइ कि चोज्जं जं इह विगयरागो । संते वि जो कमाए निगिण्हई सो वि तत्तुलो ॥३४५०।। कोहं खमाए माणं च मद्दवेणज्जवेण मायं च । संतोसेण य लोहं हणेइ जइ सिवसुहेच्छा भे ॥३४५१।। जइ जलइ जलउ लोए कुसत्थपवणाहओ कसायग्गी । तं चोज्ज जिगवयणसलिलसित्तो वि पज्जलइ ॥३४५२।। पजलंता पजलंता कसायकडुयग्गिणो लहुं चेव । इच्छा मिच्छादुक्कडसलिलेण समंति ते धन्ना ॥३४५३।। सोऊण सूरिवयणं हरिसवसुल्लसियचरणपरिणामो । संसारभवुव्विग्गो विम्हियचित्तो निययचरिए ॥३४५४।। अह भणइ नरवरिदो भयवं! सुरमगुय-पणय-पयकमल ! । अच्चंतविम्हियकरं कहेसु मह सप्पवुत्तंतं ॥३४५५।। भणइ गुरु सो सप्पो तुज्झ पिया कामकंदली नाम । पुब्वि होऊण पिया पच्छा पुण अप्पिया जाया ॥३४५६।। दठूण मयणमंजरिदेवीए समं तुमं पकीलंतं । माणभरनिब्भराए पहओ अप्पा सियछुरीए ॥३४५७।। अच्चंतदुस्सहं खलु दुक्खं जं होइ वडियपडियाण । तं सहइ मुणिवरो च्चिय अहवा जो होइ तत्तुल्लो ॥३४५८॥ परितायह परितायह पडियारं कुणइ जाव दासीओ । जंपति तावसा वि हु मरिऊण भुयंगमो जाओ ॥३४५९।। वरवासभवणपल्लंकसंठियं मयणमंजरिसणाहं । दट्र ण तुमं सहसा कोवानलदड्ढसव्वंगो ॥३४६०।। चंदोयगाओ चलिओ मारेमि दुगं पि विहियबुद्धीओ । रणसूरेणं दिलो विणासिओ खग्गघाएण ॥३४६१॥ निरुवक्कमभोगफलं समज्जियं जं तए महाराय! । पुव्वभवे तेण तुमं भुयंगमेणावि न हु डक्को ॥३४६२॥ नाऊण सूरिवयणा विरसं संसारविलसियं राया । निविनकामभोगो रज्जं पुत्तस्स दाऊणं ॥३४६३।।