Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 309

२६८
"जुगाइजिणिदचरिय
॥३३७४।। ॥३३७५॥ ॥३३७६।। ॥३३७७।। ॥३३७८।। ॥३३७९।। ॥३३८०।। ॥३३८१।। ॥३३८२।। ॥३३८३।। ॥३३८४।। ॥३३८५।। ॥३३८६।।
दळूणं पच्चूसे पढमफल निवडियं पमोएण । घेत्तूण गया पुरिसा नरवइणो पायमूलम्मि साणंदमाणसेणं रण्णा उवरोहियस्स तं दिण्णं । तेण वि भुत्तंतरसा पंचत्तं पाविओ विप्पो सविसाओ नरनाहो सहासमक्खं पयंपिउं लग्गो । न हु होइ अमयरुक्खो विसरुक्खो एस मरणफलो रे धाह धाह धावह निसियकुहाडे गहायवेगेण । आमूलं तं छिदह विसरुक्खं कि वियारेण! तेहि वि तहेव छिन्नो आहओ वाणिओ महीवडणा। रेपाव पाव! पाहडमवणितो कह न लज्जिहसि परिणामियबुद्धीए दीहं दळूण तेण वणिएण । भणिओ राया नरवर ! नहवइ विसपायवो एस आणेह फलं एग निवडियरुक्खाओ जेण दंसेमि । सामिस्स पच्चयं सयललोयपच्चक्खमिण्हं पि नरवइवयणेण लहुं फलमेगं घेत्तुमागओ पुरिसो । जरजिन्नो सडियतणुं मरिउमणो आणिओ पुरिसो तं तस्स फलं दिन्नं झड त्ति सो रोगवज्जिओ जाओ । संजायपच्चएणं विसूरियं नरवरिदेण अवियारियकज्जकरो जह सो नरनाह सोइउं लग्गो। तह मा तुम पि पच्छा पच्छायावेण डज्झिसि वोलीणो जामो जामिणीए वीओ समागओ तइओ। गहियनिसियग्गखग्गा संपत्ता रणमुहाँ तत्थ घडिया सद्देण निवो पडिबुद्धो भण’ कोवरत्तच्छो । रे रणसूरस्स सिरं घेत्तूण लहुँ समागच्छ कि अवरद्धमणेणं भणइ निवो तुज्झ कि वियारेण ? । सो आह मह न समझो रणसूरभडस्स सिरछेओ । अवियारिऊण कज्ज कीरतं देइ दारुणं दुक्खं । सूण सावहाणहियओ सामिय! अक्खाणयं एए विस्सपुरे विस्संभर राया सव्वत्थपायडपयावो । अण्ण दिणे हेडाऊयवणिएण समप्पिओ तुरओ आरूढो नरनाहो हेलाए हओ पहाविओ तुरियं । धारिज्जतो वेगं गिण्हइ विवरीयसिक्खो व्व एस गओ एस गओ एसो जाइ त्ति जंपिरनराण । मणपवणजइणवेगो झड त्ति असणी हूओ बहुरुक्खसउणसावयघूयडघुक्कारतासजणणाए । अइदुलहभत्तपाणियपण?जियजीवियासाए छूढो महाडवीए नरनाहो तेण दुतुरएण । खिन्नो मिल्लइ वग्गं ठिओ हओ सो वि उत्तिण्णो नियसामि दोहकारि त्ति कलियपाणेहि सोहरी मक्को। राया वि सणिय सणियं वडपायवमेगमल्लीणो तण्हा छुहा किलंतो जा चिट्ठइ नरवरो तहिं ताव । पेच्छइ वडसाहाओ जलबिंदु निवडमाणं सो वडपायवपत्तेहिं पुडयं काऊण मुयइ तद्देसे । दरभरियपुडे भमिरो पवंगमो कह वि संपत्तो जाव करे काऊणं पयंपियामि त्ति ववसिओ राया। ता तेण पवंगेणं भूमीए पाडिओ पुडओ आरूढो वडसाहाए वानरो नरवई वि सविलक्खो । घेत्तूण पुणो मिल्लइ पत्तपुडं तम्मि ठाणम्मि भरियं पुणो वि गिण्हइ पुणो वि सो वानरो पवाडेइ । एवं च तिण्णि वाराए चउत्थवाराए परिकुविओ चितड राया को एस वइरिओ मज्झ अवयरइ एवं। परिसुसियतालु-गलयं मयं पि में मारिओ महइ एग व दो व तिण्णि व बाराओ खमिज्ज जो खमी होज्ज । वारंवारं अवयारकारिणं कोणुमरिसेज्ज ? जइ कह वि पुणो विग्धं काही मह एस वानरो पावो। ता तह कह वि करिस्सं जहा समप्पिति आलीओ पुणरवि मुक्को रण्णा पुणरवि पयपूरिओ पुडो जाओ। जा गिण्हइ पुहइवई ताव हरी झ त्ति ओइण्णो
नरवइकराओ धुणिउं भूमीए निवाडिओ पुडो' हरिणा। परिकुवियनारदेणं हओ हरी तिक्खछुरियाए १ पुणो पा०।
॥३३८८।। ॥३३८९।। ॥३३९०।। ॥३३९१।। ॥३३९२।। ॥३३९३॥ ॥३३९४॥ ॥३३९५।। ॥३३९६।। ॥३३९७।। ॥३३९८।। ॥३३९९।। ॥३४००।। ॥३४०१।। ॥३४०२।। ॥३४०३।।