Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 212

भरहचक्कवट्टिस्स वण्णओ
१७१
दंडरयणं परामुसइ। तए णं तं दंडरयणं वइरसारमयं सत्तसेन्नविणासणं खंधावारे नरवइस्स गड्ड-दरि पब्भार-गिरिवरविसमट्ठाणसमीकरणं हियकरं संतिकरं सुहकरं रन्नो हियइच्छियमणोरह-पूरगं दिव्यमप्पडिहयं दंडरयणं गहाय सत्तटुपए पच्चोसक्कइ। पच्चोसक्कित्ता ते कवाडे तेण दंडरयणेण महया महया सद्देणं तिक्खुत्तो आउडेइ। तए णं ते दारकवाडा दंडरयणेण समाह्या समाणा महया महया सद्देणं कुंचारवं करेमाणा करेमाणा सरसरस्स सगाई सगाई ठाणाई पच्चोसक्कित्था।
तए णं से सुसेणे सेणावई जेणेव भरहे राया तेणेव उवागच्छइ उवागच्छत्ता कयपणामे कवाडुग्घाडणं साहेइ । भरहाहिवो वि चउरंगबलपरिवारिओ गंधवारणारूढो जेणेव तिमिसगुहं तेणेव उवागच्छइ । तए णं से भरहे चउरंगुलप्पमाणं मेत्तं अणग्घेयं सपाडिहेरं अणोवमजुई मणिरयणं पईवसमं पणासिया सेसतमंधयार जणव मुद्धागएणं दुक्खं न किं चि जायइ। हवइ आरोग्गेय सव्वकालं तेरिच्छिया दिव्या माणसा य उवसग्गा सव्वे न करेंति किं चि दुक्खं संगामे वि य असत्थबज्झो हवइ नरो तं मणिरयणं भरहाहिवो गहाय हत्थिरयणस्स दाहिणिल्लाए कुंभीए निक्खिवइ। तए णं (भरहाहिवे परिंदे) हय-गय-रह-जोह-संकुलाए चाउरिंगिणीए सेणाए सद्धि संपरिवुडे तं तिमिसगुहं दाहिणिल्लेणं दुवारेणं ससि व्व मेहंधरयारनिवहं अईई। तेएणं से भरहे छत्तलं दुवालसंसियं अट्ठकन्नियं अहिगरणिसंठाणसंठियं अट्ठसोवन्नियं जक्खसहस्सकयपाडिहेरं चउरंगुलपमाणमेत्तं समतलं माणुम्माणपमाणजोगं (य जुत्तं दुवालसजोयणाणि तिमिरनिगरपडिसेहगं ससिसूरजलियजलणजगडिय तेयं) जस्स पभावेण चक्कवट्टी चउरंगबलसहिओ तमिसगुहं लंघिऊण वीयमड्ढभरहं उयवेइ। तं कागिणिरयणं गहाय रायवरे पुरथिमपच्चथिमिल्लेसु कडएसु जोयणंतरियाई पंचधणुसयायामविक्खंभाइं जोयणुज्जोयकराई (चक्कणेमीसंठियाई चंदमंडलपडिणिगासाइं एगणपण्णं मंडलाई) आलिहमाणे आलिहमाणे तिमिसगुहमणुपविसइ। जाव किल धरइ चक्कवटी ताव ताणि मंडलाणि धरंति गुहा वि तहा उग्घाडिया चेव चिट्ठइ तेहिं मंडलेहिं आलोयभूया उज्जोयभूया सूररस्सीहिं च पणासियंधयारा चंदकिरणेहिं च कवलियतमंधयारा दिवसंभया सुहप्पयारा सव्वेसि हवइ तीसे णं गुहाए बहुमज्झदेसभाए एत्थ णं उम्मुग्गनिम्मग्गजलाओ नाम दुवे मह
ओ पन्नत्ताओ। जाओ णं तिमिसगुहाए पुरथिमिल्लाओ भित्तिकडगाओ पवूढाओ समाणीओ पच्चत्थिमेणं सिंधु महानई समप्येति । जन्नं उम्मुग्गजलाए महाणईए तणं वा कटू वा पत्तं वा सक्करं वा आसे वा हत्थी वा रहे वा जोहे वा पक्खिप्पइ तण्णं सा तिक्खुत्तो आहुणिय आहुणिय एगंते थलंसि एडेइ । जण्णं निम्मग्गजलाए पक्खिप्पइ तण्णं सा अंतो जलंसि निमज्जावेइ। तए णं से वड्ढइरयणे भरहवयणेण तासु नईसु अणेगखंभसयसंन्निविट्ठ अचलमकंपं सालंबणवाहगं सव्वरयणामयं सुहसंकम करेइ। तए णं से भरहे चउरंगबलपीडियमहीमंडले चक्करयणदेसियमग्गे सिंधूए पुरथिमिल्लेणं कूलेणं ताओ नईओ तेहि संकमेहि सुहं सुहेण उत्तरइ। तए णं तीसे गुहाए उत्तरिल्लस्स दुवारस्स कवाडा सयमेव महया महया कुंचारवं करेमाणा करेमाणा सरसरस्स सगाई सगाई ठाणाइं उसक्कंति पच्चोसक्कित्था।
तेणं कालेणं तेणं समएणं उत्तरड्ढे भारहे वासे बहवे आवाडा नाम चिलाया परिवसंति। अड्ढा दित्ता वित्ता वित्थिन्नविउलभवणसयणासणजाणवाहणाइन्ना। बहुधण-बहुजायरूवरयया बहुदासी-दास-गोमहिस-गवेलग-प्पभूया बहुजणस्स अपरिभूया सूरा वीरा. विक्कंता वित्थिन्नविउलबलवाहणा बहुसु समरसंपराएसु लद्धलक्खा यावि होत्था।
तए णं तेसिं विसयंसि बहणि उप्पाइय-सयाणि पाउब्भवित्था। तए णं ते ताणि पासित्ता ओहयमणसंकप्पा झियायंति । तए णं से भरहे राया चक्करयणदेसियमग्गे महया हयहेसिएणं गयगुलुगुलाइएणं रहझणझणाइएणं महया मया जोहकलयलेणं पक्खुभियसमुद्दरवभूयमिवमेइणी करेमाणे करेमाणे तीए गुहाए उत्तरिल्लेण दुवारेण नीई ससि व्व मेहंधयारनिवहाओ पियदसणे नरवई। तए णं ते चिलाया तं पासित्ता आसुरुत्ता कुविया चंडिक्किया मिसिमिसीमाणा अन्नमन्नं सद्दावेंति सद्दावेत्ता एवं वयासी-“एस णं देवाणुप्पिया! केइ अपत्थियपत्थिए सिरि-हिरि-धी-कित्ति वज्जिए दुरंतपंतलक्खणे १. जोग जुत्तो लोगे चरन्ति सव्वजणपण्णवगा। ण इव चंदों ण इव तत्थ सूरे ण इव अग्गी ण इव तत्थ तिमिरं
णासेंति अंधयारे। जत्थ तयं दिव्वं भावजुत्तं दुवालसजोयणाई तस्स लेसाप्रो विव ड्ढेति तिमिरणिगरपडिसेहि यायो। रति च सव्वकालं खंधावारे करेइ पालोयं दिवसभूयं) जम्बूद्वीप प्रज्ञसौ २ पडिसेहगंधाससुरजलियजल गेहा गहिय तेयं।
..