Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 273

२३२
जुगाइजिणिदचरियं
सलिलि वोलिवि सयलु खंधारू
मेच्छेहिं वि मेहमुह-देव-विहिय-गुरु-पाडिहेरेहिं । चिरु जुज्झिवि लद्ध सुहु, मज्झ पाय-पडिवन्न-सेविहिं ।।
पई पुणु खणेण जिणेवि वलु, लिउ निम्मलु जस-रासि । चिंताउरु किउ मह वि मणु, जं न कयाइ वि आसि ।।२५८७।। एउ निसुणिवि तक्खसिल-नाहु
पयडक्खर वज्जरइ, भरहनाह सुणु सारु संपइ । पई दिट्ठई मज्झ मणु, देहु सयलु कोहेण कंपइ ॥ .
किं रण-जलणि पलीविएहिं, कीड-पयंग-समेहिं । विषु कज्जि पागय-नरेटिं, जीव मणिहिं घणेहिं ।।२५८८।। जंजि भाइ वि सयल लहु भाय
पव्वाविय पई भरह, अनिलवेग जं समरिमारिउ । इह लोगि वि तं पयडु, पाउ पाव परलोगि भारिउ ।।
जेण बलिण तुहु बलु वहह, तं बलु मई रणि भग्गु । जइ सूरउ तो चक्कहर, अंगोअंगि लग्गु ॥२५८९।। अम्ह सिविरिहिं रण-पवन्नेहिं
अवराहं रहियहं भुवणि, गाम नगर-पुर-पट्टणत्थहं । जं किज्जइ जणहं बहु, अहमु जुज्झु पडिवक्खु धम्मह ।।
पियहु जेम्व दालिद्दियह, वड्डी जेम्व' कुमारि । पीड करइ बुहयणह, एही मारोमारि ।।२५९०॥ वलिवि मुक्किहिं बाण-जालेहि नर तुरय करिवर सयल, विहिर वलिहिं निरु जंति पलयहो। तो वि जुज्झु न वि ओसरइ, खिन्न तियस नहि जंति निलयहो॥ अम्हह महि-कारणि विहिवि, चित्तइं मच्छरियाई । निक्कारणि रणि मारिएण, अन्नण लोएण काई॥२५९१।। एउ निसुणिवि भणिउ देवेहि
जं जंपइ बाहुबलि, भरहनाह तं वयणु सुंदरु । संखुद्ध तिहुयहु सयलु, तुम्ह बलेण संभंतु' महियलु ॥ __निसुणह देवहु दाणबहु, सिद्धहं खयरनहिं । भय-भीयहं पणमंताहं, वयणई भत्तिपराहं ।।२५९२॥ जोवसप्पिणि-पढम-तित्थयरु
जिदंसिउ सिप्प-सउ, जेण लोय-ववहार दंसिय । जिराय-नीद्द वज्जरिय, सयल-सत्थ-कल जिग्पयासिय ।।
जि सव्वगृह अवयरिवि लोयहं जणिय पमोय । जि वारिय लज्जावणा, भाइ-भइणि-संजोय ।।२५९३।। जासु तिहुयणु पायछायाहिं
थिउ कप्पु पायवहु जिह, वीसमंतु दुक्खण्ह-ताविउ । निच्चविय-तणु- जणु लहइ, सुहसयाई भावेण भाविउ ।।
जो भत्तिए आराहियउ, परम-ठाणि ठावेइ । मरण-महा-भउ अवहरइ, जमकरणई वारेइ ।।२५९४।। तासु तुम्हेवि बेवि वर पुत्त
देवाहिदेवहु जिणहु, बेवि गोत्त-कुल-गयण-दिणयर । मा अहम जुज्झिणमण, करहु समरु पहु हुंत उत्तम ।।
उत्तम-पुरिसासेविएण, जुज्झह वर-जुज्झेण । दिट्ठिण मुट्ठिए करयलेण, वयणिण अह दंडेण ।।२५९५।। जुज्झि जुज्झिण1 जिणइ सो अज्जु
महि-महिलह होइ पह, जुलहि-रयण-मेहल15-कलावहो । अन्निक्कु पाइक्कु तहु, होइ अहव पय भयउ तायहो।।
तेहिं सुणिवि तं सुरवयणु, बिहिं वि सुहाविय-कन्नु । रंजिय-मणु जिह सज्जणिहि, सुकइ-कव्वु" पडिवन्नु ॥२५९६।। १. पयड पा०। २. वड्डी गेहि कुभा० पा० । ३. विहिं विवलि० जे० । ४. संछन्नु पा० । ५. नराण जे० । ६. जिय राय पा० । ७. कलजपिया सिव जे० । ८. जंस० पा० । ६. मोउ जे०। १०. निच्चवीओ त० जे० । ११. जुज्झे मण कर पा० । १२. पहू हुंत जे० । १३. जोज्जि जु जे० । १४. महिम महिं पा० । १५. मेहक क. जे०। ६. तहु हो अवहपय जे० । १७. कय कच्छु पडि जे० ।