Book Title: Jugaijinandachariyam
Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
________________
सिरिरिसहसामिदे सणा
२५१
बहतेया गपरक्खा सुपतपत्ता वि थेवकालेण। फिइ जेण व तेणव मसि व्व वोलग्गला नारी ॥२९०५।। संतावकारिणीओ नरिंदसेवासमाओ महिलाओ। मरुथलभूमीओ विव वड्ढियतण्हाइरेगाओ ॥२९०६।। मयलंछणमुत्तीसन्निहाओ पायडियविविहदोसाओ। विवसणदिक्खाओ विव परिहरिया सेसलज्जाओ ॥२९०७।। वाहीओ विव सोसियपुरिससरीराउ दुक्खबहुलाओ। पेयवणभूमिया विव जियाण संतासजणणीओ ॥२९०८।। पाउससरियाओ विव उम्मूलियउभयकूलपक्खाओ। विज्जूओ विव खणदिट्ठनट्टरागाओ रमणीओ ॥२९०९।। थेवो वि महिलिया जणणिओ खेओ न चेव कायव्वो। नाणाविहदोसंकुर-अवंझबीयं जणो ताओ ॥२९१०।। सुट्ठ वि पियासु सुट्ठ वि जियासु सुठ्ठ विय लद्धमज्जासु । अडवीसु महिलियासु य वीसासो नेव कायव्वो ॥२९११।। लच्छी वि हु अइचवला विहियवियारा विसंतुलवहु व्व। वरगुणहंससयाणं विहडावणघणघणसमाणा ॥२९१२।। धम्मससिणो विणासे विडप्पमुहकुहरनिग्गया जीहा। कित्तिकुलकन्नयाणं अयसपडाया इमा वच्छ ! ॥२९१३।। सो नत्थि तिहुयणे वि हु पुरिसो लच्छीए जो न वेलविओ। खणदिट्ठविणट्ठाए वियारबहुलाए पावाए ॥२९१४॥ सुहिसयणसज्जणा वि हु निय कज्जपरायणा सया कालं । ता तेसु बंधु बुद्धी नूणं निब्बुद्धिओ कुणइ ॥२९१५।। जं सि तुम दोहग्गी जं सि तुमं वच्छ ! दीहदालिद्दी। विन्नाणनाणरहिओ जं सि तुमं तत्थिमं सुणसु ॥२९१६॥ पुव्वभवे आसि तुम इहेव खेत्तम्मि विजयखेडपुरे। विजयप्पहविप्पसुओ सोमो नामेण सुपसिद्धो ॥२९१७।। अह अन्नया कयाई भोयणसमयम्मि तुह घरे पत्तो। दोमासियपारणिओ भिक्खट्ठा मुणिवरो एक्को ॥२९१८।। साहुस्स तस्स भिक्खं दलमाणी वारिया तए भज्जा । भणिया य तुमं भद्दे ! न वेयविहियं विहिं मुणसि ॥२९१९।। न वि देवयाण दिन्नो नमंतपुव्वं हुयासणे हुणिओ। न य दियवरेहिं भुत्तो पढम चिय एस आहारो ॥२९२०।। कह दिज्जउ सुद्दाणं जहण्णजाईण सोयरहियाण । तं सुणिय मुणी वलिओ दुमासखवगो पुणो जाओ ॥२९२१।। साहजणजणियदाणंतरायदोसेण दूसिओ संतो। एत्थ भवे तेण तुमं दीहरदालिद्दिओ जाओ ॥२९२२।। साहुवसहीए सविहे तुज्झ घरं आसि पुव्वजम्मम्मि। सुत्तत्थपोरिसीणं कयवं कलहेण वा घायं ॥२९२३।। नाणंतरायजणिएण तेण कम्मेण दुहविवागेण। एत्थ भवे वच्छ! तुमं निरक्खरो सव्वहा जाओ ॥२९२४॥ दोहग्गं पुण दिन्नं पुवभवे वणियदारओ एगो। आसि तुह परममित्तो वसुंधरो नाम नामेण ॥२९२५॥ पइभत्ता सुविणीया सीलाहरणा पियंवया सरला। विसयसुहाण निहाणं अणुद्धरीभारिया तस्स ॥२९२६।। अन्नोग्णाणुगयाणं सुहेण वच्चंति वासरा ताण। असहतेणं भणिया अणुद्धरी सा तए एवं ॥२९२७।। जह निसुणइ वणियसुओ सीलं सीलेसु किं वियारेण। सीलरहियाण सुंदरि! मयाण अहमागई होइ ॥२९२८।। तं सुणियवणियतणएण तेण साणुधरी घराओ वि। निस्सारिऊण मुक्का भुक्का संसारियसुहाण ॥२९२९।। अण्णम्मि दिणे भणिओ तीए तुमं वाहभरियनयणाए। तह कह वि भणसु जह होइ पिययमो मज्झ अणुकूलो ॥२९३०।। भणिओ य तए घरिणी भण मित्त ! घराओ कीस निच्छूढा । सो भणइ अलमिमाए खंडियसीलाए महिलाए ॥२९३१।। कि दिट्ठा व सुया वा सो आह सुया कओ तुमाओ वि। किह कहसु भणइ मित्तो रक्खसु सीलं ति वयणाओ ॥२९३२।। सिक्खागभं वयणं कहं कहतेण जइ मए भणियं। तो निक्कारणकोवो तए कओ केण कज्जेण ॥२९३३॥
हुंति जहण्णजहण्णा जे पुरिसा ताण वसइ नयणेसु। वयणेसु जहण्णाणं मज्झिमगाणं तु सरीरेसु ॥२९३४॥ १. मुद्धाणं जे०। २. सोहर० जे०।
Jain Education International
For Private & Personal Use Only
www.jainelibrary.org
Page Navigation
1 ... 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322