Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 301

२६०
जुगाईजिणिदचरियं
मुणिसुव्वयनामाओ गएहिं छहिं वरिससयसहस्सेहिं । दसवरिससहस्साउ होही नमिनामतित्थयरो ॥३१३२।। समइक्कतेहिं तओ पंचहिं वरिसाण सयसहस्सेहिं । संवच्छरसहस्साऊ अरिटुनेमी जिणो होही ॥३१३३।। तीसाए सहस्सेहिं वरिसाणट्ठद्धमेहि य सएहिं । नेमिजिणाओ होही वरिससयाऊ जिणो पासो ॥३१३४॥ अडढाइज्जसएहिं गएहिं वरिसाण पासनामाओ । बावत्तरिवासाऊ होही चरिमो महावीरो ॥३१३५।। मुणिसुव्वयनेमिजिणा एए होहिंति गोयमसगोत्ता । अवसेसा तित्थयरा कासवगोत्ता भविस्संति ॥३१३६।। . जम्मोवज्झपुरीए होही अजियस्स जिणवरिंदस्स । सावत्थीए पुरीए संभवनाहस्स उप्पत्ती ॥३१३७।। अभिनंदणजिणजम्मो होही विणियाए रायहाणीए । सुमइस्स कोसलउरे कोसंबिपुरीए पउमस्स ॥३१३८।। वाणारसीए जम्मो सुपासनामस्स जिणवरिदस्स । चंदाणणम्मि नयरे जम्मो चंदप्पहजिणस्स ॥३१३९।। कायंदीए पुरीए जम्मो सुविहिस्स तित्थनाहस्स । भद्दिलपुरम्मि जम्मो होही सिरिसीयलजिणस्स ॥३१४०।। सीहपुरे सेज्जंसो होही चंपाए वासुपुज्जजिणो । कंपिल्लपुरे विमलो वज्झाएणं तइ जिणिदो ॥३१४१।। तह रयणपुरवरम्मी जम्मो तित्थाहिवस्स धम्मस्स । संतिस्स य कुंथुस्स य अरस्स तिण्हं गयउरम्मि ॥३१४२।। मल्लीजिणस्सुप्पत्ती मिहिलाए सुव्वयस्स रायगिहे । मिहिलापुरीए नमिणो सोरियनयरम्मि नेमिस्स ॥३१४३॥ वाणारसीए जम्मो होही पासस्स भुवणनाहस्स । खत्तियकुंडग्गामे जम्मो सिरिवद्धमाणस्स ॥३१४४।। विजया य तहा सेणा सिद्धत्था चेव मंगला । सुसीमा पुहवी नामा लक्खणा होइ सत्तमा ॥३१४५।। मामा नंदा य विण्हू य जया रामा तहेव य । सुजसा सुव्वया चेव अइरा य सिरी तहा ।।३१४६।। देवी पभावई चेव पउमावई तहेव य । तहा वप्पा सिवा चेव वम्मा य तिसला तहा ॥३१४७॥ जियसत्त य जियारी संवरराया य मेहराया य । धरो पडटठो महसेणनरवरो तह य सग्गीवो ॥३१४८। दढरहनिवो य विण्हू वसुपुज्जनराहिवो य कयवम्मो। तह सीहसेणराया भाणू तह विस्ससेणो य ॥३१४९।। सूरो सुदंसणो तह कुंभो य सुमित्तनरवई चेव । विजओ समुह विजओ य अस्ससेणो य सिद्धत्थो ॥३१५०।। भणियाणि जिणवराणं अम्मा-पियराण नामधेयाणि । इण्हि अजियाइण परियायं संपवक्खामि ॥३१५१॥ पुव्वाण सयसहस्सं पुव्वंगणं तु अजियपज्जाओ । चउरंगणं लक्खं संभवनाहस्स पज्जाओ ॥३१५२।। पुव्वंगद्धविहीणं लक्खं पुव्वाण तइयतित्थयरो । बारसपुव्वंगणं लक्खं पुव्वाण सुमइस्स ॥३१५३।। सोलसपुव्वंगुणं पुव्वाणं लक्खमेव पउमाभे । पुव्वाण सयसहस्सं वीसंगणं सुपासस्स ॥३१५४।। चउवीसगविहीणो लक्खो चंदप्पहस्स परियाओ । अट्ठावीसंगुणो लक्खो पुव्वाण सुविहिस्स ॥३१५५।। पणुवीससहस्साई पुव्वाणं सीयलस्स पज्जाओ । इगवीसवरिसलक्खा सेज्जंसजिणस्स परियाओ ॥३१५६।। चउप्पण्णवरिसलक्खा परियाओ वासुपूज्जनाहस्स । पण्णरसवरिसलक्खा विमलजिणिदस्स परियाओ ॥३१५७।। अद्धमलक्खाई वरिसाणमणंतजिनवरिंदस्स । अडढाइज्जा लक्खा वरिसाणं धम्मनाहस्स ॥३१५८॥ पणुवीससहस्साइं वासाणं संतिजिणवरिंदस्स । तेवीसं च सहस्सा कुंथुजिणेद्धट्ठमसयाई ॥३१५९।। इगवीससहस्साई वासाणमरस्स समणपरियाओ । चउप्पण्णसहस्साई नववरिससयाई मल्लिस्स ॥३१६०।। अट्ठमा सहस्सा वासाणं सुव्वयस्स परियाओ । अडढाइज्जसहस्सा वासाणं नमिजिणिदस्स ॥३१६१।। सत्तेव य वाससया होही परियाओ नेमिनाहस्स । सत्तरिवरिसाई तहा पासजिणिदस्स परियाओ ॥३१६२।।