Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 302

जिणवण्णणं
२६१
चालीसं वरिसाइं होही परियाओ अंतिमजिणस्स । इय भणिओ परियाओ अजियाईणं जिणिदाणं ॥३१६३।। सब्वे वि जिणवरिंदा कम्ममलं विहणिऊण निस्सेसं । सासयमउलमणंतं सिवपुरमणहं गमिस्संति ॥३१६४॥ होही सगरो मघवं तइओ य सणंकूमारचक्कहरो । संती कुंथू य अरो चक्कहरो तह सुभूमो य ॥३१६५।। रयणवइमहापउमो हरिसेणो नामचक्कवट्टी य । जयनामचक्कवट्टी चरिमो तह बंभदत्तो य ॥३१६६।। सव्वे वि चक्कवट्टी फुरंततवणिज्जजसरिवण्णा । तेसिं देहपमाणं नरिंदनिहुओ निसामेहि ॥३१६७।। सद्धचउधणुसयाई समूसियंगो उ सगरचक्कहरो । सड्ढ वि चत्तधणूसियदेहो मघवं महीवालो ॥३१६८।। सड्ढिगचत्तधणूसियदेहो य सणंकुमारचक्कहरो । चालीसधणुसयाइं समूसिओ नरवरो संती ॥३१६९।। तह कुंथचक्कवट्टी पणतीससरासणूसियसरीरो । अरनामा चक्कहरो तीसं वा वूसियसरीरो ॥३१७०॥ अट्ठावीससरासणसमूसियंगो सुभूमचक्कहरो । होही य महापउमो वीसं वा वूसीयसरीरो ॥३१७१।। पण्णरसधणुसमूसियदेहो हरिसेणनामचक्कहरो । बारसधणूसियंगो जयाभिहाणो महीनाहो ॥३१७२।।
धणसियदेहो चक्कहरो बंभदत्तनामो त्ति । एयं देहपमाणं चक्कहराणं विणिहिटठं ॥३१७३।। अजिए सगरो तह धम्मसंतितित्थंकराण अंतरए । मघवं सणंकुमारो होहिंति दुवे वि चक्कहरा ॥३१७४।। संती कुंथू य अरो होहिंति जिणा य चक्किणो चेव । अरमल्लिजिणिदाणंतरम्मि चक्की सुभूमो य ॥३१७५।। मणिसुव्वयनमिणो अंतरम्मि होहिंति पउमहरिसेणा । नमिनेमिजिणिदाणंतरम्मि जयनामओ चक्की ॥३१७६।। नेमिस्स य पासस्स य जिणंतरे बंभदत्तचक्कहरो । अह आऊणि इमेसि भरहाहिव संपवक्खामि ॥३१७७।। बावत्तरिलक्खाइं पूव्वाणं आउसगरचक्किस्स । तह पंचवरिसलक्खा आउं मघवंतचक्किस्स ॥३१७८।। तिन्नेववरिसलक्खा होही आउं सणंकुमारस्स । वरिसाण लक्खमेगं आउं सिरिसंतिनामस्स ॥३१७९।। पंचाणवइसहस्सा बरिसाणं आउयं तु कुंथुस्स। चउरासी संवच्छरसहस्स रयणाहिवअरस्स ॥३१८०।। मट्टिवरिमसहस्सा सुभूमनामस्स चक्कवट्टिस्स । तीसं वरिससहस्सा होही आउं तु पउमस्स ।।३१८१।। दसवरिससहस्साई आउं हरिसेणचक्कवट्टिस्स । वरिससहस्सा तिण्णिउ आउं जयनामचक्किस्म ॥३१८२।। सत्त य वाससयाई आउं चक्किस्स बंभदत्तस्म । संपइ गोत्तविभागं चक्कहराणं पवक्खामि ॥३१८३।। होहिंति कासवा खल गोत्तेणं चक्कवट्टिणो सव्वे । अह तेसि जम्मभमी नरिंद इण्हि पवक्खामि ॥३१८४।। नयरीए अवज्झाए जम्मो होही निवस्स सगरम्स । सावत्थीए पुरीए जम्मो मघवंतनामस्स ॥३१८५।। चक्की सणंकुमारो संतीकुंथू अरो सुभूमो य । पंच वि गयउरनयरे उप्पज्जिस्संति नरनाह ॥३१८६।। वाणारसीए जम्मो होही रयणाहिवस्स पउमस्स। कंपिल्लपुरे जम्मो हरिसेणमहानरिंदस्स ॥३१८७।। रायगिहे उप्पत्ती होही जयनामचक्कवट्टिस्स । कंपिल्लपुरे होही उप्पत्ति बंभदत्तस्स ॥३१८८।। जसवइ-भद्दा-सहदेवि-अइर-सिरिदेवि-तार-जालाओ । मेरा-वप्पा-चुलणी य चक्कवट्टीण मायाओ ॥३१८९।। राया सुमित्तविजओ समुद्दविजओ 4 अस्ससेणो य । वीससेणो य सूरो सुदंसणो कत्तविरिओ य ॥३१९०।। पउमत्तरनग्न हो महाहरी विजयनरवरो बंभो। चक्कीण जहा संखं जाणसु जणयाण नामाइं ॥३१९१।। सगरो संती कुंथू अरो य पउमो य तह य जयनामो । हरिसेणो सत्तए सिज्झिस्संती धुवकिलेसो ॥३१९२।।
मघवं सणंकुमारो सणंकुमारम्मि देवलोगम्मि । तह सुभुमबंभदत्ता सत्तममहिगामिणो भणिया ॥३१९३॥ १ हरिसेणो विय चक्की पंचमगइगामिणो चेव । पा० ।