Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 298

सिरिरिसहसामिदेसणा
२५७
अण्णम्मि दिणे भरहो सावए सद्दाविय भणइ-"मा तुब्भे आरंभपरपेसणाइयं कुकम्मं करेह, अहं भे वित्तिं पकप्पेमि । परं परिहरियसयलसावज्जकज्जेहिं पइदिणमपुव्वनाणगहणं कुणंतेहि सिद्धिवहुपरमपाहुडं साहुसमीवे धम्म सुणंतेहिं अट्ठमि चाउद्दसि उद्दिटुपुण्णिमासिणीसु सविसेसाणुट्ठाणपरायणेहिं जिण-साहु-चरणकमलभसलत्तणं भयंतेहिं अच्छियव्वं" । तेहिं वि तहेव पडिवन्नं । भुजंति पईदिणं भरहघरे । अन्नया भणिया ते भरहेण--"जया भे भुत्तं भवइ तया सव्वेहि वि मिलिऊण सह सवणगोयरे महया महय। सद्देण एवं पयंपियव्वं-'जिओ भवं, वट्टए भयं, तम्हा मा हण हण हण" ते वि तहेव भणंति । भरहो वि तं सुणिय आसुरुत्तो चितेइ-"केणाहं जिओ? कत्तो वा मे भयं? तओ अप्पणो सब्भावियाए मईए मुणइ--"जहा जिओहं कोहाइकसाएहि, भयं पुण चउगइसंसाराओ चेव पयट्टइ। माहण त्ति मा जीवघायं करेह महारंभपसत्तं ममं संभारेति । अहो मे विसयामिसलुद्धया ! 1 अहो मे संसाराभिनंदित्तणं! अहो मे धम्मे उदासीणया! अहो मे पुरिसमायारविमुहय ! त्ति चितयंतस्स किं चि कालं धम्मज्झाणं पवड्ढइ। पच्छा पुणो वि सहाइएहि विसएहि खिप्पइ। एवं सरइ संसारो।
अण्णम्मि दिणे विन्नत्तो महाणसिएहिं “देव भोयणवेलाए अलक्खा संखा सावयाण न नज्जइ सावयासावयविसेसो अणवत्था एसा। जइ वि जम्मंतरोवज्जियसूहोदएण सव्वं संपज्जइ सामि सालघरे तह वि वयमसमत्था पागं करित्तए ।" तं सुणिय भरहो भणइ--"सुपरिक्खिए काऊण भुंजावेह।" तओ ते परिक्खिउमारद्धा को भवं सावओ कइ सावयाण वयाणि?" सो भणइ--"न संति सावयाण वयाणि। सम्मत्तमूलापंचाणुव्वयाणि सत्तसिवखावयाणि चेव सावयधम्मो।" एवं जे सावयधम्मकुसला ते पुढो काऊण रण्णो उवणिया नाण-दसण-देसचरणधरत्ति कागिणीरयणेण तिहिं रेहाहिं लंछिया। छठे छठे मासे पुणो वि अणुओगो कीरइ। परिक्खा निव्वडिया पुणो वि कागिणीरयणेण लंछिज्जति भोयणं च लहंति सेसा पडिसेहिज्जति । पइदिणं भरहसीहवारे 'जिओ भवं वड्ढए भयं तम्हा माहण त्ति भणंति । तओ ते लोए माहण त्ति पसिद्धिं गया। ते वि नियपुत्तभंडाणि संवढियाणि साहण समप्पंति जइ नित्थरंति तो समणधम्मं गिण्हंति । अह नो ताहे अहिगयजीवाजीवा इत्ताणि साहुसुस्सूसणा परायणाणि सावगाणि भवंति। अन्नो वि जइ को वि ताण समीवे संबुज्झइ। ता तं पि जइ इच्छा समणधम्म गाहेंति भरहेण दिन्नंति' लोगो वि ताण दाणं दाउमारद्धो। भरहेण चेव ताण सज्झायनिमित्तं तित्थयरथुइ-'साह-सावय-सामायारी संति-कम्मपुरस्सरं आयरिया वेया कया एवं वच्चइ कालो।
अण्णया भगवं चिरकालं विहिया जणवयविहारं विहरिऊण पुणो वि विणीयनयरीए पुरिमतालुज्जाणे अहाफासुए पएसे बहुसमण-समणि-संघ-संपरिवुडो समोसढो निग्गओ वंदणवडियाए भरहाहिवो पुरजणवओ य तिपयाहिणी पुरस्सरं वंदिऊण तित्थयरं। समुचियासणनिसण्णेसु चक्कहरपमहपउरलोएस उप्पयंतनिवयंताणेगभवणवइ-वाणमंतरजोइसिय-वेमाणिय देवसमहसंवाहे नहयलमहीयले पारद्धं भगवया धम्मदेसणा
जीव जु हणइ अयाणू सो अप्पउं हणइ। सडइ जीह जम्मंतरि अलिउ जु वज्जरइ ।।३०८१॥ जम्मि जम्मि दालिद्दिउ परधण जो हरइ । विविह विडंबण पावइ जो परधण रमइ ।।३०८२।। अखलिय-वंछु' परिग्गहि पसरइ जासु मणु। तासु निरंतरु दुक्खु न वि सोक्खु एक्कु खणु ॥३०८३।। जेणेव तेणेव जहव तहव संतोसु जसु। इहलोइ वि परमत्थिण जइ पर1० सोक्खु तसु ॥३०८४।। निसियर-सय-संसट्ठ। सहम-जीविहिं सहिओ । जो भंजइ निसि-भत्त न-याणइ अप्पहिउ ॥३०८५।। दिणयर-दिट्ठ न भुंजइ कुग्गह-गहगहिउ । सो चउगइ-संसार-मग्गि होस पहिउ ॥३०८६।।
ता जइ परमसुहाहिलासिणो ता संसारकारणमिच्छत्ताइ परिहारेण धम्मे समुज्जमेह । जओ-- १. विसयलु पा० । २. मे महापुरिससमा पा० । ३. कय सावयाण वया पा० । ४. भणियं ति लो पा० । ५. काऊण पा०। ६ . जम्मे जम्मे जे०। ७. चंचु जे० वंध पा०। ८. सासु म० जे०। ६. दुक्खु सोक्खु पा० । १० परिसो पा० । ११ संसुद्ध जे० । १२ कुजह ।