Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 284

सिरिरिसहसामिदेसणा
- २४३
जं निद्धाडिय बंधव सा मह नणु कुमइ। धम्म वि सो सलहिज्जइ किज्जइ जो समइ ।। इया चितेवि निमंतइ भरहाहिवु कुमर। पंच-पयारिहिं विसइहिं विसय-विरत्त-मण ॥२६९५।। भणइ भवण्णव-तारणु कारणु सिव-सुहह। रिसहेसरु जग-सेहरु ससि निय-कुल-नहह ।। कज्ज-सिद्धि जु' पयासु सु सव्वु वि निष्फलउ । बोल्लंतु वि नरु लोयह भावइ चप्फल उ ॥२६९६।। पंच महव्वय लेविणु जो खंडणु करइ । विसमहं विस-परिणामहं विसयह अहिलसइ ।। सो बहु-जण-धिक्कारिउ इह-भवि परिभमइ। पर-भवि भट्र-पइन्न मरिवि निवडड नरद ।।२६९७।। ता संजम-भर-वहण-समुद्धर'-कंधरहं। सुमरि म संपड नरवर नियहं सहोयरहं ।। सो तसु बंधुर-बंधवु परमत्थेण हिउ। जो पडिकूलु न करइ करंतह अप्प-हिउ ॥२६९८।। सुणवि वयण भरहेसरु तिहयण -बंधवह। सचराचर-जिय-जणयह रिसह-जिणेसरह ।। एउ चितेइ ता एयहं10 दाणेण उवयरउं। जिरी जर-मरण-जलाउलु भव-सायरु तरउं ।।२६९९।।
एवं विचितयंतो पुणो वि भणिओ भरहो भयवया--"भो भरहाहिव ! मा विसायं करेह। कल्लाणमित्तो तुमं कारणमिमाए परमपूरिससेवियाए भवकंदुवकंदणकूद्दालकप्पाए कलिकालकलिलखालणखमए सयलसुहनिबंधणाए निरवज्जाए पव्वज्जाए। तओ पंचसगडसयाणि विविहाहारस्स भरावेऊण आणावियाणि भरहेण, भगवओ पुरओ काऊण भणियाइओ--"भयवं! करेह ममाणग्गहं भुजंतु इममसणाइयं साहणो"। भगवया भणियं--"भरहाहिव! दो दोसदूसियमेयं। एगं ताव आहाकम्मदोसठं बीयं पूण आहडं।" भयवं एसणागणे परिकहेड। भरहो भणइ--"भयवं ! संति मे अकयमकारियमसंकप्पियाणि नवकोडीपरिसूद्धाणि धम्मियजणजोगाणि असणाईणि ता गहणं करेउ"। भगवया भणियं--"रायपिंडो त्ति काऊण ताणि वि न कप्पंति"। ताहे भरहो अत्तणो संसारसायरसमुत्तारणो वायमविंदमाणो महया मणे12 माणसिएणं दुक्खेणं13 समब्भाहओ सव्वहा परिचत्तो हं भगवया। राहगहियनिसायरो व विच्छायवयणो, हिमदडढकमलायरो व्व विवन्नदेहो, पम्हदमंतक्खरो विज्जाहरो विव चिताउरो, बहदुहिया दहदहिओ दारिद्दिओ विव किं कायव्वया विमुढो, इओ तओ अलद्धलक्खं निरूवयंतो, दिट्ठो भगवओ पाय-वंदणागएणं देवराएणं । 'अहो! महापुरिसो मण्णुभरनिब्भरो सदुक्खो विय लक्खियइ। ता इमस्स दुक्खविमोक्खणट्टा भगवंतं अवग्गहं पुच्छेमि।' तओ भरहसमक्खं सक्को पणमिऊण भगवंतं भणइ--"भयवं! कइविहो अवग्गहो हवइ? भगवया भणियं--"सक्का ! पंचविहो तं जहा--देविंदराय-गहवइ-सागारिसाहम्मअवग्गहो चेव। पंचविहो अवग्गहो परिणामवसेण सुहहेऊ। तत्थ दाहिणड्ढं सोहम्माहिवइणो, उत्तरडढं ईसाणिदस्स, छक्खंडभरहं भरहाहिवइणो, अंगाई जणवयं, गिहवइणो आसमावग्गह, वसहिवइणो साहम्मियावग्गहो, जइणो एस पंचविहो वि16 अवग्गहो साण वियरिज्जतो परिणामविसेसेण सिवसुहसाहगो। किं न सुओ तए जलणप्पहो नाम माहणसुओ पंचविहावग्गहपयाणेण सुहपरंपराए परमपयं पाविओ?" सुरसामिणा भणियं--"भयवं! को एस जलणप्पहो? कहं वा पंचविहावग्गहपयाणेण परमपयं पाविओ?" भगवया भणियं--"सुरपहु ! सुणहु सावहाणो।” ___ जंबुद्दीवे दीवे पुव्वविदेहस्स मज्झयारम्मि । महिमहिलभालतिलओ संकासो अस्थि वरगामो ।।२७००।।
१. एउचि० पा० । २. व कार० पा० । ३. कज्जिसि० पा० । ४. द्धि जयल उसु स० जे० । ५. लोयह भा० पा० । ६. विसय अहि० पा० । ७. धरह सम० जे० । ८. निययसहो० जे० ९. तियण जे० । १०. ता एयहं दाण० पा० । ११. जं जरमर० । १२. एवं चितयंतो पा० । महया माणसि० पा० । १३. समग्गाहउ सव्व० जे० । १४. दुहिय दरिदि० पा० । १५. सदुक्खोलक्खि० पा० । १६ . वि पन्नत्तो अवग्ग० पा० ।।