Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 287

२४६
जगाइजिणिदचरियं
सोऊण इमं वयणं अग्गिसिरी दूमिया नियमणम्मि। चितइ विविहोवाए वहहेउ ताण दोण्हं पि ॥२७५९।। अन्नम्मि दिणे दासी भत्त पाणं च गहियसंपत्ता। भणिया अग्गिसिरीए सूहविए सुणसु मह वयणं ॥२७६०।। निययाहरणं सव्वं तुज्झ पयच्छामि कि वियारेण । जइ कुणह मज्झ कज्ज सा भणइ कहेसु जं किच्चं ॥२७६१।। वसियरणकए एसो जोगो घरसामियस्स दायव्वो। एसो य सवक्कीए चुन्नो पेमस्स वुढ़िडकरो ॥२७६२।। पडिवण्णमिणं तीए कयं च पावाए अत्थलुद्धाए । वसियरणचुन्न जणिओवलक्खओ ताण संजाओ ॥२७६३।। अण्णम्मि दिणे राया भणिओ गंतण अग्गिमित्तेण । विविन्नो हं नरवइ इमाए नण दुटुमहिलाए ॥२७६४।। मंजूससंठिया वि हु निव्वावरो अदिस्स रुवा वि । जा पावा देइ दुहं तीए मह किंपि न हु कज्जं ॥२७६५।। ईसि हसिऊण भणिओ सहासमक्खं दिओ नरिंदेण । आण लहुं मंजूसा तहेव तेणावि आणीया ॥२७६६।। उग्धाडियं दुवारं दिट्ठा नरवइसहाए सयलाए। पुट्ठा य महीवइणा भट्टिणि ! को वइयरो एस ॥२७६७।। सा भणइ बला सीलं रक्खावइ एस बंभणो मूढो। नणु भणउ को वि भुवणे जेण बला रक्खिया महिला ।।२७६८।। अइचड्डणा' न कीरइ पुत्तकलत्तेसु भिच्चवग्गेसु । पइदियहचड्डणाए परिगलइ पुराणिया लज्जा ॥२७६९।। रण्णा भणियं दियवर ! मह भारो एस अच्छ निच्चितो । एसा सीलियसीला पुणो वि तुह पणइणी होही ॥२७७०।। अग्गिसिरीए भणिया इमं पि संभवइ किमिह चोज्जंति । विसमसमा समविसमा राय कया होंति नणु मग्गा ॥२७७१।। कय परिरक्खा कइवयदिणाणि परिवसइ रायगेहम्मि। राया वि एगखंभं एगदुवारं दुरहिगम्मं ॥२७७२।। कारेइ सीलसंरक्खणट्टयाए परिमिएहिं दियहेहिं । पासायं तम्मि तओ आरोहावेइ अन्गिसिरि ॥२७७३।। काऊण कुंचियं नियकरम्मि चितेइ रज्जकज्जाणि। दिवसाओ एगवारं भुंजावइ निययहत्थेण ॥२७७४।। एवं वच्चइ कालो अण्णम्मि दिणम्मि रायमग्गेण । वच्चंतो कोइ जुवा दिट्ठो दुस्सीलमहिलाए ॥२७७५।। मुक्को मुहावीलो पडिओ सो तस्स उत्तमंगम्मि। तेणावि उवरि हुत्तं निरूवियं तेण सा दिट्ठा ॥२७७६।। पयडियमयणवियारा पुणो पुणो सायरं निरिक्खंती। पडिभणिया तेणावि हु पयडियनेहाणुबंधेण ॥२७७७।। दे सुयणु ! 11 संगमत्थी विवद्धलक्खो वि साणुराओ वि । आगासगयं को चंदचंदिमं वयइ को घेत्तुं जे ॥२७७८।।
काऊण य दरहसियं सा जंपइ सणियसणियसद्देण। कत्तियमेत्तं एवं निउणो वायाण पुरिसाण ॥२७७९।। जओ--
गिरिमुद्धरंति पयरंति सायरं नहयलं पि लंघंति। तं नत्थि जए वित्थिण्णसाहसा जं न साहेति ॥२७८०।। को सि तुमं कत्तो वा समागओ कहसु ताव मह एयं । सो भणइ कलहदीवा वणियसुओ इह वणिज्जेण ॥२७८१।। संपत्तो बहुविहवो बहुपरिवारो य पवणपाएण । आसाइयहियइच्छियलाभो ववहरिउमाढत्तो ॥२७८२।। गम्मउ संपइ सुंदरि न सोहणं एत्थ विरमवत्थाणं। जइ अणुकूलो देवो पुणो वि ता दंसणं होही ॥२७८३।। इय भणिय सो जुवाणो पत्तो निययम्मि चेव आवासे । तग्गयचित्तो गमिऊण तं दिणं बीयदियहम्मि ॥२७८४।। रयणीए रायमग्गेण आगओ तम्मि चेव ठाणम्मि। अह नहयलाओ लेहो पडिओ तस्सुत्तिमंगम्मि ॥२८८५।।
१. नियवणम्मि जे० । २. पडिवण्णमणंकरायं जे० । ३. यरणनुन्नज जे० । ४. जाणवा दे. जे । ५. महु कि. पा० । ६. मणु भण जे०। ७. अइवट्ठणा जे०। ८. एस इच्छानिच्छंतो जे०। ६. समाविसविसमा जे० । १०. केइ परि.जे० । ११. परेवसइ जे० । १२. दे सुयण संग० जे०। १३, कत्तिय० जे०। १४. पवर पोएण जे०। पवर पाए० जे०। १५. पुत्तो जे०।