Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 289

२४८
.. जुगाइजिणिदचरियं अग्गिसिरि दळूणं तहेव चलिओ ससंभमो राया। सिंहासणे निसण्णो एवं चिंतेउमारतो ॥२८१५।। रायपहे जइ दिट्ठा तो किं चलिएण एत्थ सच्चविया। जइ होज्ज वणियगेहे अग्गिसिरी एत्थ किं दिट्ठा ॥२८१६।। चिता चक्कारूढो नरनाहमणो घडो व्व जा भमइ। ता अण्ण दिणे भणिया अग्गिसिरी वणियतणएण ॥२८१७।। नियदेसं पइ संपइ अम्हे संपत्थिया विसालच्छि। पज्जंतदंसणमिणं जं कायव्वं तयं भणसु ॥२८१८।। सज्जीकयबोहित्थो मए समं दंसणं करिज्जासु। पच्छा जं जुत्तिखमं अहं पि पियं तं करिस्सामि ॥२८१९।। एवं ति भणियनियभवणभूसणो वणियदारओ जाओ। समए भणिया सुंदरि संपइ अम्हाण पत्थाणं ॥२८२०।। जा दिट्ठा रायपहे जा दिट्ठा वणियतणयगेहम्मि। सा अग्गिसिरी नरवर! एत्थवियप्पो न कायव्वो ॥२८२१।। सयलसहाए समक्खं पडिवन्नं जं इमं तए तइया। निव्वाहियं तयं खलु सच्चपइण्णो तुम जाओ ॥२८२२।। नरनाहहिययसल्लं गाहाजुयलं इमं लिहेऊण। नियघरदुवारदेसे दरदरिसियमहिलिया चरिया ॥२८२३।। चलिया सा तेण सम, आरूढा पवणपेल्लिया पोए। कइवयदिणेहिं पत्तो वणियसुओ जलहिमज्झम्मि ॥२८२४॥ बीयम्मि दिणे गहिऊण भोयणं जाव तत्थ आरूढो। ताव न पेच्छइ राया तं महिलं तम्मि ठाणम्मि ॥२८२५।। पेच्छइ गाहाजुयलं वाइय चिंतेइ जाव तस्सत्थं । विहिओ भट्ठपइण्णो अहह कहं तीए धुत्तीए ॥२८२६।। उत्तिण्णो सविलक्खो थक्को आयारसंवरं काउं। अहवा वियक्खणनरा सचणं कह पयासेति ॥२८२७।। अण्णम्मि दिणे पुट्ठा ससंभमं अग्गिमित्तविप्पेण। जाणु य पुरिसो भण किं निबंधणो एस मह वाही ।।२८२८॥ गणिऊण तेण भणियं अग्गिसिरी निबंधणो धुवं एसो। तप्पडियारेण परं जइ तुह पाणा न वच्चंति ॥२८२९।। तं सुणिय जीवियत्थी विप्पो गहिण पाहुडं पउरं। पत्तो रायसमीवं विण्णत्तो तेण नरनाहो ॥२८३०॥ मह घरिणी अग्गिसिरी जा निवसइ तुम्ह पायछायाए। तीए पसाओ किज्जउ मह तीए पओयणं गरुयं ॥२८३१॥ सोऊण विप्पवयणं, लज्जाभरमंथरं पलोयंतो । सणियं सवणंते माहणस्स साहेइ जह वित्तं ॥२८३२।। परिगलियजीवियासो विप्पो नियमंदिरम्मि संपत्तो। सविसाओ गमइ दिणे कम्मणदोसेण खिज्जतो ॥२८३३॥ अण्णम्मि दिणे भणिओ जलणपहो अत्थि वच्छ ! मह गेहे। कमलदलच्छी लच्छी छण्णा . तं तुह पयासेमि ॥२८३४॥ नियमंदिर-ईसाणो कोणो अत्थत्थिणा खणेयव्वो। तत्थत्थि कणयकोडी मए निहित्ता सहत्थेण ॥२८३५।। जइ कह वि सा न दीसइ कम्मवसा दिट्ठिया वि विहडेइ। ता सुणसु सुहोवायं' अन्नं धणकारणं वच्छ ॥२८३६।। कुलदेवयम्ह निवसइ वसंतसिहरस्स उत्तरे पासे। वडचिवरपइट्ठाणा वरविणयाराहिया फलया ॥२८३७।। सा सरियव्वा वरगंधधूवपुप्फेहिं पूईयव्वा य। सत्तमबलं विऊणं कइवयदियहे निरसणो संतो ॥२८३८॥ आराहिज्जसु वडवासिणीए पयपंकयं पसन्नमणो। सा तुट्ठा गरूयत्तणनिबंधणं तुह धणं दाही ॥२८३९।। कइवयदिणावसाणे विप्पो घरिणीय दो वि समकालं। जहविहियविहाणेणं सुमरणसेसाणि जायाणि ॥२८४०।। सुहिसज्जणपरियरिओ जलणपहो ताण पेयकिच्चाणि। काऊण जहा विहवं विगलियगुरु-सोय-संतावो ॥२८४१।। सो सुहि-सयणजणेणं पसत्थदियहम्मि पिउपए ठविओ। दिट्ठो राया पुठो कइ वेया परिचिया तुज्झ ॥२८४२।।
सो नाम पि न याणइ वेयाण निरक्खरो तओ हसिओ। सयलसहाए रण्णा विसज्जिओ नियघरे पत्तो ॥२८४३।। १. पत्थणं जे० । २. जा य दिढराय० जे० । ३. निव्वोहि० जे० । ४. पुज्जे ससं० जे० । ५. परं जुय तुह जे० । ६. पलोएंतो जे० । ७. ता सुण इसु मोहोवा० जे० । ८. वरवणिया राहिया जे० ।