Book Title: Jugaijinandachariyam
Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
________________
भरहबाहुबलिवण्णणं
२२३
। उप्पराहुत्तु' पुणु वि कय-करणु
भडु धाइउ धीरमणु, चक्क-रयणु संचलिउ वेगिण । एहु जाइ नहि एहु गयउ, एहु भणंतु तसु लग्गुमग्गिण ।। भय-संभंतहं नहयरह, उद्ध-मुहाहं महंतु । लंघिवि वेगिण गयणयलु, रवि-मंडलि संपत्तु ॥२४८४।। भाणु-मंडलि ताम्व देवेहि किउ कलयलु को वि भडु, एहु एइ नासंतु चक्कह । तं सुणिवि मच्छर-भरिउ, चलिउ बाहुबलि सरिसु सक्कह ।। खग्गु लेवि तं आहणइ, चक्क-रयण-मुहचंदु । खग्गु वि लग्गु वि तेत्थु लहु, गउ घाएण' सय-खंडु ॥२४८५।। जं जि पहरणु कुमरु वाहेइ , आवट्टइ तं जि तर्हि, सहिइ जेम्व जू-वद्ध-लक्खइ । पुणु मुट्ठिहिं आहणइ, बाहु-जुद्धि लग्गेवि वग्गइ ।। जूयारेण व पजलिएण, पुणु पुणु मग्गंतेण । सहिउ व मुद्ध निरत्थ1 किउ, चक्कि लग्गंतेण ।।२४८६।। . ताव जक्खिहि जुद्ध-दक्खेहि परिवेढिउ लहु कुमरु, विहिय-भीम-गुरु-घोर-सद्दिहिं । हलवोल-मुहलिय-मुहेहि, मुक्क हक्क-पोक्कहिं रउद्दिहिं ।। कसिण-केस-भारिय-सरेहिं", मसि-सामल-देहेहिं । दारुण-रव-गज्जतेहि, पलइ नाइ मेहेहिं ।।२४८७।। जक्ख संहरि घाय-संधाउ, संधारिय-घोर-रिउ, घोर-घोसु नयरु पयंपइ । ऊरुउड्डिवि चंड-बलु, देव-दिन्नु पहरणह गज्जइ ।। देइ सुरहसो दिताहं, गरुया मुट्ठि-पहार । दिन्नइ दिज्जइ पडुएहि, लोइय संववहार ।।२४८८।। एक्क-कालिण सव्व जक्खाहं विज्जा-बलि गरुय-वलु, जणह जणह भडु समुह दीसइ । पडिसद्द, सुरपहरणह, निवडतह16 घोरु घुसइ ।। समुहितउ" भडु सुरगणह, कर-चंडउ न सुहाइ । सुन्न-हत्थु पविसंतु घरि, वेसा-लोयह नाइ ॥२४८९।। सहिवि निठुर-धाउ सीसेण ओअड्डिवि उरुयडि भडेण, उद्ध-वयणु रणि जक्खु पाडिउ । अन्निक्कु उच्छलिवि सिरि, गाढु विहिं वि पाएहि ताडिउ ।। खयरिण खरयरकत्तिरिए, आहउ कन्नि न भाइ । विबुह-मज्झि जिव अबुह तिम्व, जक्खु अगण्णउ ठाइ ।।२४९०।। जक्खु हत्थिण लेवि वामेण, केसेहिं दट्ठोट्ठ-उडु, दाहिणेण आहणइ मुट्ठिहिं । अवरेक्कह जण्हुइहि, उप्फिडेवि भडु चडइ पुट्ठिहिं ॥ जक्खह उप्परि पडिवि भडु, वावरंतु न वि ठाइ । कामुय जिम्व वेसायणह, बद्धमुट्ठि न सुहाइ ॥२४९१।। नियवि कुमरह घोर-चरियाई तो जक्ख संखुद्ध मणि, ओसरंति रणि रिउ अखंडिवि । जिह घंचिय खीण-तिल, ठंति दूरि तं चक्कु छंडिवि ।। निय सत्तिय तं चक्कु सुर, फुकिवि पज्जालिंति । दूरोसरिय वि पिसुण जिह, मुहिण सुयणु ताविति ॥२४९२।। चक्करयणह जाल-मालाहिं पज्जालिय-सयल-तणु, बालु तो वि मुट्ठिहिं पहरइ । जिह कणउ हुयवहि पडिउ, अग्गि-वन्नु तहं ताहि किज्जइ ।।
बाहु-लोहिण निरु तिण्हएण, मुट्ठि व सुत्तिण्हेण । सुपुरिसु दुप्पुत्तेण जिह, संताविउ चक्केण ॥२४९३।। १. उप्परा मुहु पुण वि० पा० । २. वीरम ० पा० । ३. ०लिय वे० जे०। ४. एउ भ० जे० । ५. सु० चक्कह पा०। ६. विलिग्गि पा०। ७. घायण जे०। ८. ०रु थाहेइ जे०। ६. विवग्गइ जे० । १०. मुट्ठ नि० जे० ११. निरत्तु कि० जे० । १२. सिरिहिं पा० । १३. रिउ घो० पा० । १४. पजिहि जे० । १५. सुरहं सो जे० । १६. निवइंतह जे० । १७. समुहेतु भ० पा० ।। १८. उयरे विउ रयडि भडिण उठ्ठ जण्णु रणि० जे० । १६. छड्डिवि पा० । २०. सुहिण सुयणु ताविति पा० । २१. कणहूय० पा० । २२. तिण्णए० जे० ।
Jain Education International
For Private & Personal Use Only
www.jainelibrary.org
Page Navigation
1 ... 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322