Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 226

सिरिरि सहसा मिदेसणा
निंदइ परं दुगुछइ सुई पि असुई पि मन्नए सव्वं । अन्नाणमोहमूढो चरित्तमोहं समज्जिणइ ।। १८७८ ॥ समुइण' पुरिसवेओ अइउक्कडमोहणिज्जकम्मंसो । बंधइ तणग्गिवेयं जीवो सो हुक्कडो संतो ।। १८७९ ।। फुंफुमवेयसरिच्छो थीवेदो उक्कडो सहावेण । अविणीयरइपसंगो बंधइ मोहं विसयलोलो ।। १८८० ।। नगरमहादाहसमो दोह वि वेयाण सो किलिट्ठयरो । कामग्गिसंपलित्तो बंधइ कम्मं महामोहो ।। १८८१ ।। एए तिनि विवेया संसारत्थाणसयलजीवाणं । केसि चि होंति तिव्वा मंदा केसि चि नायव्वा ॥ १८८२ ।। उवसंतमोहणिज्जा तीसु वि वेएसु होंति जे जीवा । ते पयणुयकम्मंसा लहंति धम्मं जिणक्खायं ।। १८८३ ।। कम्मम्मि मोहणिजे हेऊ बंधस्स तुह समक्खाओ । आउयकम्मे एत्तो हेउं बंधस्स साहेमि ।। १८८४ । । तस थावरजीवेसुं जो जीवी निद्दओ निरणकंपो । सो बंधइ निरयाउं आरंभपरिग्गहासत्तो ।। १८८५ ।। कूडकडाइएहि य निव्वंचियबंधणुज्ज्जओ संतो। मायावी अलियरओ बंधइ तिरियाज्यं जीवो ॥१८८६ ।। मिउ-मद्दवसंपन्नो सदार-संतोसवं अमाइल्लो । नाइपरिग्गहनिरओ बंधइ मणूयाउयं जीवो ।। १८८७ ।। बालतवतच्चरणरओ अकाम -सी उण्ह खुप्पावससहो । होइ सुरो साहू विय सरागतवसंजमासत्तो ।। १८८८ ।। आउस्स कम्मबंधे एए हेऊ हवंति चत्तारि । नामे कम्मे हेउं कहिज्जमाणं निसामेहि || १८८९ | बायालयभिन्नं नामं कम्मं सुहं च असुहं च । होइ कुलालसमाणं विचित्तस्यं जियं कुणइ ।। १८९० ।। अंगोवंगविणासं चक्खुविणासं च नक्कनासं च । सरवण्ण-रूवनासं सोहग्गविणासणं कुणइ ।। १८९१ ।। सो रूव-वण- सोहग्गवज्जिओ विस्सरो य खुज्जो य । मडहो य वामणो वि य जायइ जम्मंतरे जीवो ।। १८९२ ।। एयाई अकुव्वंतो जीवाणं तिविहिकरणजोगेण । सर- वण्ण-रूवजुत्तं सोहग्गं उत्तमं लहइ ।। १८९३ ।। कहिओ बंधे ऊ सुहासुहो तुज्झ नाम कम्मस्स । एत्तो गोत्तस्स तुमं बंधम्मि य कारणं सुणह ।। १८९४ ।। गोत्तं कम्म दुविहं उच्चागोयं च नीयगोयं च । बंधइ सुभेहि उच्च असुभेहि बंधए निच्चं ।। १८९५ । । धम्मं दुगुंछमाणो जिणभणियं साहुणो य सीलढ्डे । अइचोक्खसोयवाई " नीयागोयं चिणइकम्मं ।। १८९६ ।। जाइ-कुल- रूवमत्तो विन्नाणागमसुएहिं दप्पंधो। हीलेइ परं निंदइ सोविय गोतं चिणइ नीयं ।। १८९७ ।। मसु डुंबपक्कण- पाणेसु य नीयकम्मकारीसु । तिरिएसु साण -रासहजायइ सो नीय- जोणीसु ।। १८९८ ।। धम्मं जिणपन्नत्तं पसंसए सीलसागरे साहू । नीयावित्तिविणीओ उच्चागोयं चिणइ कम्मं ।। १८९९ ।। मणुएसु उत्तमेसु य जायइ कुल - जाइ रिद्धि जुत्तेसु । उग्ग-कुल- भोग खत्तिया सेट्ठी - सुयधणसमिद्धेसु ।। १९००।। गोत्तस्स बंधऊ एस मए वन्निओ समासेण । वोच्छामि बंधहेऊ कम्मस्स य अंतरायस्स ।। १९०१ ।। कम्मं तु अंतराय पंचविहं दाणं - लाभ- भोगेसु । उवभोग - विरियम्मि य जिणेहि कहियं जगगुरुहिं । । १९०२ ।। दिज्जंत साहूणं जगजीवहियाण बंभयारीणं । पडिसेहइ जो पावो सो बंधइ अंतरायं तु ।। १९०३ ।। दुहियाण दुत्थियाणं बंधवरहियाण बालवुढ्डाणं । बहुरोगपीडियाणं अजंगमाणं च जीवाणं ।। १९०४ ।। गेहंगणागयाणं दिज्जंतं जो निवारए दाणं । सो आसाभंगकरो भवे भवे लहइ तं चेव ।।१९०५ ।। दाऊण पुणो पच्छा पच्छायावं करेइ जो जीवो। उवभोगमंतरायं सो बंधइ नत्थि संदेहो ।।१९०६ ।। बल-वीरिय उवधायं पुव्वभवे कुणइ जो उ जीवाणं । सो बल-वीरियरहिओ भवंतरे जायए जीवो ।।१९०७।।
१ सुइण पा० । २ सुहा विय जें ० । ३ सोवन्नरूव-सो० पा० ।
४ बंधइ हेऊ जे० । ५ प्रसुभोहिय पा० । ६ अदुक्खसोयवाई पा० 1
१८५