Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 241

२००
जुगाइजिणिदचरियं
अण्णम्मि दिणे बाहिराओ समागओ रुद्देदेवो कयपल्हत्थिओ दिट्ठो घरंगणे डुंगरो। आणत्तो कम्हि वि पओयणे । अदिण्णपडिवयणो तहेव चिट्ठइ। तओ आणाभंगसमद्दीवियकोवानलेण पयंपियं रुद्ददेवेण-" रे! अप्पंभरो वि न भवसि निरत्थयं थडढतणमुव्वहसि ?" एवं भणिय-पडिभणिएहिं वढिडओ ताण कलहो। सप्पनउला वि कलहंता घरंगणमागया। नागिणि-नउलिया वि कलहंतियाओ घरंगणं पत्ताओ। सिलावि पओयणवसेण निहाणासण्णेण वच्चंती नि डक्का सुणहियाए। घरंगणनिवडिया विरसमारसंती चिट्टइ। सुणिया वि सिलाघायपीडिया सावसेसजीविया घरंगणे निवडिया।" अहो! अच्छेरयं ति मिलिओ लोगो । एत्थंतरे रुद्ददेवमंदिरे भिक्खट्टाए पविट्टो नाणगब्भो नाम मुणिवरो।" "अहो ! कसायविलसियं" ति भणिऊण निग्गओ। संजायसंकेण पुरओ होऊण पुच्छिओ रुद्ददेवेण---"भय ! कसायविलसियं ति।" को एयस्स भावत्थो? मुणिणा भणियं-"सोम सुण ।"
तुब्भ घरविलसियमिणं कोहा य कसाय-कडुयतरु-कुसुमं । अब्हाण हासहेऊ बुहाण निव्वेयसंजणणं ॥२२२६।।
इमे सप्प-नउला कुडंग-सायराभिहाणा तुज्झ चेव तणया। भुयंगिणि नउलियाओ तुज्म चेव परिणि-बहूओ। सुणिया घि सायरघरिणी संचया तुज्झ चेव वहुया । सव्वं चेव तुह' कुडुंबयं, कोहाइकसायवसेण एयमवत्थंतरं पावियं साहिओ सव्वो वि पुव्वभववईयरो साहुणा। तं सुणिय सप्प-नउलगा-नागिणि-नउलि-सुणियाओ समप्पण्णाओ जाई-सरणाओ। उवसंतवईराओ पडिवण्णाणसणाओ मरिऊण देवगई गयाओ। रुद्ददेवो वि संजायसंवेगो सपुत्तो समं नाणगम्भेणमणिणा गंतुण सुयसायरायरियसमीवे पव्वइओ। सारिजंतो पुव्वपओगेण कुप्पइ साहूण डुंगरो विन कस्सइ नमइ। गाढं भणिया
जोग त्ति काऊण निद्धाडिया गणंतरं गया। तत्थ कइवयदिणावसाणे परिहरिया। एवं तेहिं अणेगे। गणाहिंडिया, न कत्थइ अप्पा ठाविओ। तो दो वि पिय-पुत्ता सीयल-विहारिणो जाया। अन्नया दिट्रा अग्गिसिहा देवेण । तओ ताण पडिबोहणत्थं रयणीए अग्गिसिहा रूवं काऊण समागया ताण पुरओ परियडड । संजायविम्हएण पुच्छिया रुद्ददेवेण-"भद्दे ! कत्तो तुम समागया?" तीए वि साहिओ सव्वो वि देवभवपज्जतो वइयरो। रुद्ददेवेण भणियं-"जइ एवं तो कीस अविरया वि होऊण सव्व विरए न वंदसि ?" तीए भणियं-"कत्तो तुम्हाण विरई जे मुणियकसाय विवागा वि अकलियकसायकलुसियहियया धम्मसहायसाहुसेवियं कल्लाण-कारणगुरुजणाहिट्टियं सुहपरंपरानिबंधणं गच्छवासमज्झिऊण दुग्गइकारणं सीयलविहारं पडिवण्णा?" एवं भणिय अदंसणं गया देवया। ते वि संजायसंवेगा सूयसायरायरियसमीवमागया। तेहिं भणियं--"उक्कडकसायाण दुक्करं सामण्णं तुम्हारिसाण।" रुद्ददेवेण भणियं"भयवं! जावज्जीवं मे खमाभिग्गहो ।" डुंगरेण भणियं-"मए पुण जावज्जीव साहूण विणो कायव्वो।" तो सूद्धि दाऊण संगोविया आयरिएहिं। अट्टमाइतवोकम्म-निरयाण जहागहियनियमपरिपालणपरायणाण सुहज्झाणानलविज्झमाणकम्मिधणाण वच्चंति वासरा। अन्नया अचिंतसामत्थयाए जीववीरियसस्स विचित्तयाए कम्मपरिणामस्स निद्दड्ढघणघाइकम्मिधणाण समुप्पण्णं केवलनाणं रुद्ददेव-डुंगराणं। कुणालेण भणियं--"कहं तहाविहपरिणामा वि होऊण लहं चेव केवलनाणं पाविया?" भगवया भणियं-"अचिताकम्मपरिणई। अओ चेव
नाणगुणड्डीण वि सुपुरिसाण जइ कहवि होइ वयणिज्जं । न हु ते तेणं चिय हुँति हीलणिज्जा सयन्नाणं ॥२२२७।। - जाए वि चुक्कखलिए गरुया न हु हुंति नीयसारिच्छा। सरसल्लिओ वि सीहो न हवइ सरिसो सियालाणं ।।२२२८।।
जइ कह वि होइ खलणा गरुयाण वि गरुयकम्मदोसेण । गरूययरं पडियारं काऊण हवंति गरूययरा ॥२२२९।। जइ कह वि ठाणदोसा निम्मलकणयम्मि कालिमा होइ । ता किं तमग्गिजोगा पुणो वि न हु निम्मली होइ ।।२२३०॥ चिक्कण-चिक्खल्लतडे गुरुभारक्कंतकंधरो धवलो। पडिओ वि उदिऊणं किन्न भरं नेइ तीरम्मि ॥२२३१॥ जइ कह वि सीहपोओ चुक्ककमो हथिमत्थया ल्हसिओ। ता किं काऊण कम पुणो वि न हु दलइ करिकुंभं ॥२२३२।।
जइ कह वि असंठविओ मलमलिणो होइ जच्चवेरुलिओ । ता किं सोहिज्जतो पुणो वि न हु होइ कंतिल्लो ।।२२३३।। १ निहाण सण्णण व जे०। २रिणी तुज्झ पा०। ३ तुज्झ व जे०। ४ भव वुत्तंतो साहु पा०। ५ प्पण्ण जाई जे०। २ तेहिं सव्वे वि गणा हिंडि पा० । ७ अप्प ठा० जे० ।