Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 234

सिरिरिसहसामि देसणा
१९३
उक्कत्तिऊण कत्ति सव्वसरीरम्मि चारिओ खारो । उवसंतो नरनाहो खयम्मि खारं खिवेऊण ।।२११९।। सव्वंगमसिविलित्तो छित्तरछत्तो गलतबहुरुहिरो। आरोवियबूढखरं बहुजण परिवारिओ संतो ।।२१२०।। वज्जंतविरसडिडिमकाहलकोलाहलेण डिभाण । हिंडाविऊण णयरे पच्छा आरोविओ सूलं ॥२१२१।। रुद्दज्झाणोवगओ मरिऊणं सत्तमम्मि नरयम्मि । तेत्तीससायराइं दुक्खाण महोदही जाओ ।।२१२२।। सा सुंदरी वि रण्णा विकरणकरणा करे वि रोसेण। निस्सारिऊण मुक्का विमणमणा पेइयं पत्ता ।।२१२३।। दळूण तयावत्थं दुहियं दुहियाण जणणि-जणयाण । घणघडियमयंकसमप्पहाणि वयणाणिजायाणि ।।२१२४॥ होऊण पत्थणिज्जा रायामच्चाण सेट्टितणयाण । सयलजसोयणिज्ज वसणमिमं कहतुम पत्ता ॥२१२५।। पढ़मं उच्छुसरिच्छा वच्छे होऊण संपयं कीस? । नरवइणा परिहरिया लिंबं करे वि सेसे वि ॥२१२६।। सो विरलो कोवि जणो दुहियं जणिऊण जो जए सुहिओ। सावण-सरिय व्व सुया दो वि तडे पाडए पावा ।।२१२७।। सरिऊण' मंडियाइं करणाई कयत्थियाई दठूण । हिययहयासनफुट्टसि कीस तुमं वज्जघडियं व ॥२१२८।। नियघरसोसा परगेहपोसणी कुलहर कलंकाण । धूया जाण न जाया जयम्मि ते सुत्थिया पुरिसा ॥२१२९।। निरवच्चा डहइ10 मणं विणसीला वि देइ दुक्खाई। दोहग्गिणी वि दूमइ अम्मापियराण11 हिययाणि ॥२१३०।। पुरिसाण वि नत्थि दया सकज्जलुद्धाण विसयगिद्धाण । जे अवराहलवे वि हु कुवियकयंतोवमा होति ।।२१३१।। जइ कह वि कयमकज्ज इमाए बालाए विसयवसगाए। तो किं नरिंदजुत्तं इमं निग्घिणं कम्मं ॥२१३२।। एगेणं सुकएणं अवराहसयम्मि1 सज्जणो सहइ । नीओ उवयारसयं पि एगदुकएण नासेइ ।।२१३३।। जे हुंति उत्तमनरा कयावराहे वि ते न कुप्पंति । मज्झिमकोवा पुण मज्झिमाओ नीया महाकोवा ।।२१३४।। मत्तकरि-करडकवलण-कयंत-करवालसंगदुल्ललिया। नरनाह ! तुज्झ हत्था ! कह महिलायणे बूढा ॥२१३५।। इमाइ पलविऊणं कठे घेत्तूण तह परुण्णाई। जह सेसो वि हु लोओ वाहाविललोयणो जाओ ॥२१३६।। परिहरियभत्तपाणा विसायविसवेगविहुरियसरीरा। दुक्खभरनिब्भरंगी सगग्गयं सुंदरी भणइ ।।२१३७।। सरयनिसायर-करनियरसरिसजसभरियसयलभुवणयल । चंदो व्व कुरंगेणं कलंकिओ जं मए ताय ।।२१३८।। तं सव्वं खमियव्वं अविणयभरियाए मज्झ पावाए। गिम्हायवलूया विव संतावकरी अहं तुझ ॥२१३९
आगब्भाओ गंभीरमाणसे जं मयावरद्धं (ते) । तं सव्वं चिय संपइ खमाखमे मज्झ खमियव्वं ॥२१४०।। नियबंधकुमयकोमइसमाए" सीलेण सीयसरिसाए15 । जं तुज्झ कओ खेओ खणे खणे तेण खिज्जामि ।।२१४१।। होऊण तुज्झ तणया पाणपिया णरवइस्स" होऊण । जं अंब! चडियपडिया तेण मणे दारुणं दुवखं ।।२१४२।। पंचदिणा पाहुणगा पाणा मह नत्थि तेसु पडिबंधो । जं सकलंक मरणं तेण मणे दारुणं दुवखं ।।२१४३।। रूवेण जोवणेण य कुलेण कित्तीए देहदित्तीए । तं अम्ब ! नियगुणेहिं धुरे ट्ठिया देहदित्तीए ॥२१४४।। कारणसरिसं कजं वियक्खणा जं वयति तं मिच्छा । जं अम्ब ! तुमाहितो अहयं एयारिसी जाया ।।२१४५।। गरुयाण तुमं गरुई समन्नवेल व्व सव्ववेलाण | ता मह मरणे माए माया मोहो न कायवो ॥२१४६।। जइ यच्चिय सीलघणं इंदिय-चोरेहिं मज्झ अवहरियं । परमत्थवियारेणं अम्मो तइय च्चिय मयाहं ॥२१४७।। वेयणिज्जं चिय मरणं होइ कुलीणाण लोगमज्झम्मि । जं पुण मरणं सा कालपरिणई लोगसामन्ना ॥२१४८।। भूडखरं जे० । २ पटुजण जे० । ३ वारिता संतो जे० । ४ विरिस पा० । ५ वयाणि पा० ६ हिउँ जणि जै० । ७ मरिऊ जे० । ८ स्थिऊण द जे० । परिगेह पा० ।१०. च्चादहइ पा० ११ राणि हिय पा० । १२ ता कि जे १३ सयाई स० जे० । १४ माएसीपा० । १५ सीए सरि० जे० । १६ खणे तुज्झ झिज्जामि पा० । १७ नरवरस्स पा० । १८ जं प्रवचडि जे० । १९ जयइ च्चिय पा०।।