Book Title: Jugaijinandachariyam
Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
________________
सिरिरिसहसामिदेसणा
१८९
घणपीणचारुवट्टियविथिण्णकडीविसालजहणाहिं । ससिसंपुण्णमणोहरवयणाहिं विसालनयणाहिं ।।१९९७।। आहरण-मणि-मणोहर-हारविरायंतरइयवच्छाहिं । कडियडरसंत-मेहल-मणहर-मिऊउरुजुयलाहि ।।१९९८।। मियमंजुलमणहरभासिणीहिं विणओवयारनिउणाहि । नीलुप्पल-कुवलय-सुरभिगंधनीसासवयणाहिं ।।१९९९।। हरिचंदणअद्दविलेवणाहिं धम्मेल्लधरियकुसुमाहि । चीणंसुयरत्तनियंसणाहिं वरनेउरधराहि ॥२०००।। सुरवसभा सयणगया ताहि समं अच्छराहि विसयसुहं । भुजंति परमसुहिया विमाणवरभवणमज्झगया ॥२००१।। सहसागरावगाढा ते मईया भुजिऊण विसयसुहं । अवसाणचवणकाले पावेंति अणोवमं दुक्खं ॥२००२॥ तं तेसि सुरसोक्खं सागरपलिओवमेहिं जं भुत्तं । तं सव्वं पम्हुठं दुक्खेणं चवणकालम्मि ॥२००३।। एवं विहे वि भोए भोत्तूणं ताण चवणकालम्मि । गरुयाण वि गरुययरं उप्पज्जइ दारुणं दुक्खं ॥२००४।। दळूण भुज्जमाणी मणुयभवे माणुसि मणुस्सेण । तत्थुप्पत्ति निएवि अत्तणो ओहिनाणेण ॥२००५।। जं उप्पज्जइ दुक्खं तिक्खं तियसाण हिययमज्झम्मि । तेण ते तक्खणच्चिय न मरंतमर त्ति काऊणं ।।२००६।। ईसा-विसाय-कोह-लोह-दोसेहिं दूसियमणाण । देवाण वि नत्थि सुहं कत्तो पुण सेसजीवाणं ॥२००७॥ नारय-तिरिय-नरामरगईसु गणहारि! नत्थि जेण सुहं। ता मोक्खं निमित्तं संजमम्मि दढमायरं कुणसु ॥२००८।। जीवसरूवं कम्माण वित्थरं चउगईए दुक्खाई । जिणभणियाइं सोउं परिसा संवेगमावण्णा ॥२००९।। एत्थंतरम्मि कुमरा लद्धावसरा भणंति जिणपुरओ । ताय ! तए दिण्णाई भरहोणे हरइ रज्जाई ॥२०१०॥ ता कि समप्पयामो जुज्झामो अहव तेण सह अम्हे । नियघरकलहो नियरज्जढोयणं दो वि दुक्खाइं ॥२०११।। तेलोक्क-रक्खणक्खम-केवलवरनाणदिट्ठदट्टव्व । गरुओ गरुयाण तुमं जं कायव्वं तयं भणसु ॥२०१२।। अह भणइ जिणवरिंदो अइसयवरमणियसयलपरमत्थो। विसएहिं नियत्तंतो परमप्पा परमकारुणिओ ॥२०१३।। विसया विसं व विसमा कसंति जीवं अओ कसाय त्ति । लच्छी वियारदच्छी वच्छा ! मा कुणह पडिबंध ॥२०१४।। महुरमणोह रगीयं निसुणंता निच्चला अणिमिसच्छा । हरिणा जंति विणासं सोइंदियवसगया संता ॥२०१५॥ आलोयदसणमुहा जलियम्मि हुयासणे अबुद्धीया । निवडंति पयंगा वि हु चक्खिंदियदोसदुईता ।।२०१६।। जलमज्झम्मि अगाहे जिभिदियविसयमंस-रसलुद्धा। मीणा जंति विणासं गलगहिया जीहदोसेण ॥२०१७।। दाढाभंगं जा जीवबंधणं जमलजीहरत्तच्छा । पावेंति भयंगा वि ह घाणिदियवसगया संता ॥२०१८॥ भिन्नकूसकुंभयडा संकलअंदुहिं बद्धसव्वंगा । फरिसविसयम्मि रत्ता दुक्खमणंतं गया पत्ता ॥२०१९।। पंचिंदियविसयविमोहियस्स जीवस्स विसयतिसियस्स । पच्चक्खं चि य दीसइ दुक्खं बहुयं सुहं थोवं ॥२०२०।। हियइच्छियविसयसुहं अलहंतो रागदोसपडिबद्धो । करणकय त्थियहियओ पावो पावाइं आयरइ ॥२०२१।। जीवाणं कुणइ वहं जंपइ अलियाई हरइ परदव्वं । पत्थेइ य परदारं पिंडेइ परिग्गहं पउरं ॥२०२२।। पावाइं आयरंतो इहलोए चेव दुत्थिओ होइ । परलोए पुण पावइ दुक्खाई बहुप्पयाराइं ॥२०२३।। भवसयसहस्स गुविलो जाइ-जरा-मरण-वेयणा पउरे । भमइ अणंतं कालं विसयामिसखंजणे खुत्तो ।।२०२४।। एवंविहविसमयसुहे नत्थि सुहं दुक्खमेव अणुबद्धं । विसमीसभोयणे इव भुत्ते विणिवायकडुयम्मि ॥२०२५॥ जह बालो अन्नाणी नियएणं असुइणा रमइ मढो । तह कामरागरत्तो रज्जइ विसएसु मोहंधो ॥२०२६।।
तं भो भद्दा ! जाणह विसयसुहं अप्पसोक्ख-बहुदुक्खं । मुहमहरं कड्यफलं विसफलसरिसोवमं होइ ॥२०२७।। १ बंधो पा०॥
Jain Education International
For Private & Personal Use Only
www.jainelibrary.org
Page Navigation
1 ... 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322