Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 136

सावय-सावियाकहा
मिलितो णगरलोगो, मग्गिया पारिग्गहिएहि धणसिरी कुंचिया । समप्पिया तीए । तओ उग्घाडियं पुवकोणो तालयं । अहिणवुव्वूढकुलकन्नय' व्ब पलंबपडपाउयमुहो अहोणिविट्ठदिट्ठी णिग्गतो राया । तुरिय तुरियं पलाणो णियमंदिराभिमुहं । दाहिणिल्लकोणातो२ अमच्चो णिग्गओ । सो वि तहेव सभवणाभिमहो पहावितो। पच्छिल्लातो उवरोहिओ सो वि सरसरस्स णियसरणं सरंतो चेव लोगेहिं दिट्ठो । उत्तरिल्लाओ सेट्ठी वंचिऊण३ दिट्ठी सिग्घसिग्धं सघरं गतो। तओ पारिग्गहिएण भणियं-"कि सच्चमेव एए रायामच्चोवरोहिय-सिट्टिणो उयाहु इंदयालं? न हसंतया ण रोवंतयाण' संपयं संगय'ति पुच्छिया जगसंदरी--"को एस वत्तंतो?" तीए भणियं-“घरे चेव साहिओ सुमिणगो सो सच्चो संभाविज्जइ।" पारिग्गहिएण चितियं-"अलमिमिणा वियारेण मा जणो पंडितो कीरउ ।" आयारसंवरं काऊण सह मंजूसाए पेसियाओ५ सघरं सासुयबहुओ णिय-णिय घरं । गतो णगरलोगो । राइणा वि सद्दाविओ दंडवासिओ । भणिओ एगते ।" अरे! गंतूण भणाहि मह वयणेण जयसुंदरिं-'जहा अचिरादेवरयणसामिणी भवसि तहा करिस्सामो परं ण एस निसावइयरो कस्सइ पुरतो पयासियव्वो ।' तहेव कयं दंडवासिएण । बीयदिणे हक्कारिऊण भणिओ अमच्चेण दामोयरो ।" अरे! धरंतम्मि सामिए वि भिन्नलेहसूइयाणि पररयणाणि अवहरंतस्स सुमरियं ते कयंतेण ? ता लहुँ सयमेव गंतूण समप्पेहि । तेणा वि तहेव कयं ।
रायामच्चुवरोहिय-सेट्ठीणं भावखंडियवयाण । इहलोगम्मि अकित्ती दुग्गइगमणं परभवम्मि ॥८७९।।
इओ य सो सुंदरो वित्ते वासारत्ते विढत्तभूरिदविणसंचओ अणुण्णवियकणयसारसेट्ठि कणयसुंदरी सहितो महया सत्थसंमद्देण पत्तो जयंतीए । आणंदिया जणणी । पाडिया चलणेसु धणसिरि । जगसुंदरीण कणगसुंदरी साहिओ सन्वो वि सुंदरेण णिययवृत्तंतो । धणसिरीए वि रयणावलाव-लाभवइयरो। जाया सविसेसं सम्मया जगसुंदरी सुंदरस्स । एवं तिवग्गसारं विसयसुहमणुहवंताणि कालं गति ताणि । ता भद्दे ! परदारविरतिविराहणा इहलोगे वि विडंबणफला जहा रायामच्चोवरोहिय-सेट्ठीण आराहणा गुणकरी जहा जयसुंदरीए ।
इयाणि पडिवन्न-नियम-परिपालणाए वीयं भण्णइ। सावय-सावियाकहा--
अत्थि कच्छदेसेसु कच्छो नाम गामो। तत्थ आहीरकुलसंभूयाणि सावओ साविया य भज्जो वइयाणि परिवसंति । इओ य तम्मि चेव देसे आणंदपुरवत्थव्वो आजम्मदारिद्दिओ धिज्जाइतो परिवसति । अन्नया तेण चितियं--"अहो! मे अपूण्णपरिवाडी, तो किंचि देवं समाराहिऊण संपत्तधणो देमि भगवंताण बंभणाण भोयणं दक्खिणं च, जेण जम्मंतरे वि नेवंविहदुक्खाण भायणं भवामि ।" एवं विगप्पिय गतो थूलेसरं। ठिओ अभोयणेण कइवयदिणेहिं अइगएहिं भणिओ देवेण--"भो छक्कम्म! किं निमित्तं उवरोहसि ?" बंभण भणियं-"भगवं! अत्थि मे दाणेच्छा पत्थि दायव्वं ता तहा करेसु जहा बंभणाणं भोयणं दक्खिणं च देमि ।" देवेण भणियं-"किं तुह बंभणेहिं कच्छेसु कच्छगामे सावगाणि भज्जो वइयाणि, ताण भोयणं दक्खिणं च देहि जइ पुन्नण पओअणं ।" एवं दोन्नि तिन्नि वारा भणिओ दिन्नधणो, गओ कच्छंधिज्जाइतो दिवाणि ताणि" सावगाणि जरा-जज्जरियसरीराणि दिण्णं भोयणं दक्खिणा य । पच्छा पुच्छियाणि--"भो ! कहेइ को गुणो तुम्ह जेण देवस्स वि पूयणिज्जाणि ।" तओ भणियं सावएण माहणसुएहिं ।" अम्हे वि भिण्णगामवासीणि अण्णया साहसमागमेण लद्धं सम्मत्तं । पडिवण्णा देसविरती । सविसेस जायसद्धेण मए कया जावज्जीवं सुक्क-पडिवयमाई काऊण गुरुपुरतो एगंतरिया मेहणणिवित्ती । इमाए वि सुक्क वीयमाई काऊण पडिवण्णा जावज्जीवं एगंतरिया अबंभविरती । पत्ताणि जोव्वणं । विहिवसेण जातो अम्हाण परिणयणसंबंधो । तं च विवरीयं १. नाणवुड्ढकु. पा० । २. दाहिणज्जको० पा० । ३. वंचियजण दिट्टि पा० । ४. ण संपयं जे० ५ . पवेसिया स० पा० । ६. णियम परिपालणफलबीयं पा० । ७. समागहिऊ. जेल। ८. विमग्गिय जे०। ९. मलेसरं जे० । १०. ०च्छं धेयाइओ दि० पा० । ११. ०णि साव० पा० । १२. म्हाण संबधो जा० ।