Jugaijinandachariyam

Author(s): Vardhmansuri, Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad

Page 162

कुलगरवत्तव्वया
१२१
मरिऊण दीवकुमारेसु भवणवईसु उववण्णो । सिरिकता पुण नागकुमारेसु पमाणं पुण एएसि-पढमस्स नवधणुसयाणि । बीयस्स पुण अधणुसयाणि । तइयस्स सत्तधणुसयाणि । चउत्थस्स अद्धसत्तम-धणुसयाणि । पंचमस्स छस्सया । छटुस्स अद्धछटुसया । सत्तमस्स पंच पणुवीस। धणुसया । ताओ तेसि भज्जाओ ईसिं तेहितो ऊणाउ पमाणेण । ते पुण संघयणेणं सव्वे वि वज्जरिसहसंघयणा । भज्जाओ वि वज्जरिसभसंघयणाओ, संठाणेणं पुण सव्वे वि कुलगरा समचउरंससंठाणा । भज्जाण वि समचउरसं चेव संठाणं । वण्णेणं पुण चक्खुमं जसमं पसेणइय एए पियंगुवण्णाभा। अभिचंदो ससिगोरो, विमलवाहणो मरुदेवो नाभी य । एए तिन्नि वि निम्मलकणयवण्णाभा । संपयं आउयं भण्णइ । तत्थ सव्वेसि पि पलिओवमस्स अट्टमभागो । तत्थ' पलिओवमं चालीसेहि भागेहिं कीरइ । तत्थ चालीसाए अट्टमभाए पंचभागा भवंति । तत्थ वि चत्तारि भागा पढमकुलगराओ पगया । सेसाणं पुण छण्हं पि कुलगराणं पंचमभागे चेव आउयं । तत्थ बीयस्स असंखेज्जाणि चेव पुव्वाणि अण पुवीए परिहीयमाणाणि असंखेज्जाणि चेव पुब्वाणि जाव मरुदेवो नाभिकुलगरस्स पुण संखिज्जाणि चेव पुव्वाणि । जं कुलगराणमाउयं तं कुलगरपरिणीण वि, जं जस्स आउयं तं सम दसभागा काऊणं जो पढमो भागो सो कुमारभावो जो पच्छिमो भागो सो वुड्ढभावो । मज्झिमा अट्ठभागा कुलगरभावो । एवं सत्तमे ठाणे नाहिकुलगरो मिहुणाण४ मेरा वट्टावगो जाओ । सो पुण केरिसो--
वरमसिण-कसिण-कुंतलकंतिकलावेण कवलियदियंतो । वरपउमरायघोलिर-कुंडलसंघटगंडयलो ।।१०७८।। कमलदलदीहनयणो, सिणिद्धसमकुंदकलियदसणिल्लो। णिज्जियपुन्निमचंदं रेहइ वयणं पि नाहिस्स ।।१०७९।। गयणाभोगसरिच्छो, छज्जइ वच्छो सुवण्णवण्णाभो । तिवलीतरंगवररयणसंगया सहइ गीवा वि ॥२०८०।। उण्णयसिहरं वरकडयमणहरं विविहरयण-सोहिल्लं । सुरगिरिसरिसं रेहइ वाहाजुयलं पि नरवइणो ॥१०८१।। वरकुलिसमज्झमज्झो पयाहिणा वत्तनाहिसोहिल्लो । उन्नयनियंबबिबो करिकरथोरोरुजयलिल्लो ॥१०८२।। सुसिलिट्ठजाणुदेसो वरमीणविसिट्ठलट्ठवरजंघो । कुम्मुण्णयचलणजुओ आयंबिरनक्खकतिल्लो ।।१०८३।। सरओ व्व विसुद्धदओ, पाउसकालो व्व जणियजणहरिसो। गिम्ह व्व गुरुपयावो वट्टियमयणो वसंतो व्व ।।१०८४।। सिसिरोव्व कुंददसणो, पुहई तिलओ हिमागमरिओ व्व । कण्हु व्व लच्छिनिलओ, जयपयडो तियसनाहो व्व ।।१०८५।। कूलगरवंसपसूओ नाभीनामेण कुलगरो जाओ । जयलच्छी विव दइया मरुदेवी तस्स वरमहिला ।।१०८६।।
जाय रविणो पह व्व, जलनिहिणो वेल व्व, ससिणो चंदिम व्व, दिसाकरिणो मयलेह व्व, कप्पतरुणो लया विव, तियसाहिवइणो सची इव सुरगुरुणो, मई विव महातरुणो, फलसमिद्धी विव गुणिणो, गुणावली विव, सा तस्स पियम'त्ति अग्यि --
रुइरंगलि नक्कमियंक-कंति-निव्वढ६ तिमिर-निउरबं । रेहइ से चलणजयं पयासिया सेसदिसिनिवहं ।।१०८७।। मउय-सिणिद्ध-सूसत्थं फुरंतलायन्न-निज्जियमियंकं । ऊरु-जुयलं विरायइ कयली-दंडोवमं तीए ॥१०८८।। गरुय-परमत्थसारा सुवण्णवररयणरंजियादूरं । वरकइकव्वसरिच्छा रसण-नियंबा विरायंति ॥१०९९।। मज्झ वरकमल-सरवर-तिवलि-तरंगम्मि नाहिवरपउमं । रोमावलि-नालिल्लं महु मह कमलं व से सहइ ॥१०९०।। नीसेसोवमरहितो वामो खल दाहिणस्स उ पमाणं। इयरो य होइ सिहिणो नूणं वामस्स सिहिणस्स ॥१०९।। निज्जिय-मयंक-सोहं निभच्छिय-पउम-कोमलच्छायं । पवियंभियलायण्णं वयणं से तीए वयणं व ॥१०९२।। सूसिलिट्र-संधिबंधण-रुइरं सावयव-घडिय-सोहिल्लं । कव्वं च बाहु-जुयलं सुवण्ण-बररयण-पडहत्थं ।।१०९३ ।। रेहइ चिहर-कलावो तमालकालो दसद्धवण्णेहिं । कुसुमेहिं भूसिओ से सुर-धणखंडेहिं जलओ व्व ।।१०९४।।
अह तस्स तीए समयं सुहसंपण्णस्स जाइ खलु कालो । सग्गे व्व तियसवइणो इंदाणी एसमेयस्स ।।१०९५।। चवणकल्लागयं--
तेणं कालेणं तेणं समएणं पढममुववण्णत्तणओ पढमं वइरनाहो चविऊण इमीसे ओसप्पिणीसमाए सुसमसुसमाए विइक्कताए सुसमाए वि विइक्कताए सुसमदुस्समाए' तइयाए वि बहुविइक्कंताए चउरासीए पुवसयसहस्सेहिं सेसएहिं १. तस्स स० जे० । २.पुव्वाणि जाव जे० । ३. तं दस दस भाए पा० । ४. मो भागो जो पछि जे० । ५. मिहणेण पा० । ६. निच्छुढ पा० । ७. समाल सामो दस पा०1८. प्पिणीए सु जे०। ९. माए विजे० ।