Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
वहइ इडा घडियापंचगंति तं पिंगला छपाणोणं । छप्पाणे उ सुसुमणा, पेइय पवाहो इमाणमिमो एत्थ य वामा चंदो, दिणनाहो दाहिणे भवे इण्डिं। कालपरिण्णोवायं, वोच्छं एयाऽणुसारेणं आउयचिन्ताऽवसरे, पाणपवेसाउ जीवियं जाण । निग्गमणे पुण मरणं, भणियमिणं परमरिसिगुरुणा चंदायए दिणेसो, अहव दिणेसायए जया चंदो। असमंजसवहगा वा, दो वि तया जियइ छम्मासं जइ उत्तरायणदिणा-दाऽऽरब्भ दिणाणि पंच परिवहइ । एक्कसरो च्चिय सूरो, तो जीवति वरिसतिगमेव अह वहति दिवसदसगं, ता जीवति दोण्णि चेव वरिसाणि। पण्णरसदिणवहे पुण, एक्कसरे वरिसमेगंतु अह उत्तरायणादेव, जस्स वीसं दिणाणि एक्कसरो । वहई दिणाहिवो ता, छम्मासे चेव सो जियइ पणुवीसाए तिमासं, छव्वीसाए य जियइ दो मासे । सत्तावीसदिणवहे, रविम्मि पुण मासमेक्कं खु अह उत्तरायणाउ, अट्ठावीसं दिणाणि परिवहति । एक्कसरो चेव रवी, पण्णरस दिणाणि ता जियइ एगूणतीसदिणवह-रविम्मि पुण जाण दिवसदसगं खु। तीसाए दिणपणगं, एक्कतीसाए दिवसतिगं बत्तीसाए दिणदुर्ग, अह तेत्तीसाए जियइ दिणमेक्कं । अण्णं पि सप्पसंगं, किंपि पवक्खामि संखेवासयलदिणं दिणनाहो, वहमाणो माणवाण साहेइ । उप्पायं किंपि गिहे, दिणदुगवाही य गोत्तभयं गामे गोत्ते य भयं, तिदिणवहो कहइ चउदिणवहो उ। सत्थावत्थस्स वि जोगिणो धुवं पाणसंदेहं पंचदिणप्पवहो पुण, मच्चु सच्चवइ जोगिणो नूणं । वाहिं च किच्छसझं, दिणछक्कवहो नरवइस्स सत्ताऽहोरत्तवहो, तुरगाण खयं कहेइ निब्भंतं । अंतेउरभयजणगो, अणवरयं अट्ठदिणवाही नववासरवाही पुण, महाकिलेसं कहेइ नरवइणो। मरणं दसदिवसवहो, तंतभयं रुद्ददिणवाही बारसतेरसदिवस-प्पवहो कमसो अमच्चमंतिभयं । कुणइ चउद्दहदिणपरि-वहो तहा मंडलब्भंसं पण्णरसदिणपवाही, महाभयं भणइ सव्वलोयस्स । सव्वमिमं जहभणियं, नेयव्वं चंदचारे वि जस्स रविम्मि वहंते, पयईए जायए विवज्जासो । बज्झऽब्भंतरवत्थूसु, कारणविरहे वि किर एवं दिव्वे सद्दे सुणई, समुद्दपुरसंभवे य अच्चंतं । अक्कोसेसु पसीयइ, हरिसिज्जइ न सुहिसद्देसु विज्झायदीवगंधं, न पडुयघाणिदिओ वि उवलभइ । उण्हे वि सीयबुद्धी, सीए पुण उण्हपडिहासो नीलच्छविमच्छीणं, रिछोलीहिं तु आवरिज्जइ य । मणसो य विभलतं, जायइ जस्स य अकम्हा वि इच्चाई अण्णो वि हु, विवज्जओ होइ जस्स पयईए। सूरम्मि परिवहंते, तस्साऽवस्सं लहुं मरणं चंदोदए वि पयइ-विवज्जयाऽणुभवणेण होइ धुवं । उद्देगरोगसोग-प्पहाणभयमाणमलणाऽऽई भणियं नाडीदारं, एत्तो भोमाइअट्ठभेयं पि। सामण्णेणेव परं, निमित्तदारं पयंपेमि चंकमणठाणनिसियण-सोवणभूमिनिमित्तविरहे वि । दुग्गंधत्तं जालाओ जस्स दावेइ विदलइ वा अण्णं वा कलुणकंद-सद्दकरणाऽइयं जइ वियारं । सहसा दरिसेइ तया, छम्मासंतो भवे मरणं सज्जं परकेसेसुं, धूमाऽग्गिफुलिंगसंभवे मरणं । सुणगेहिं अट्ठिमडगा-वयवपवेसा गिहे मरणं राया वि उवक्खित्तो, हेट्ठा आराहगत्तणेण इहं । तं पि पडुच्चुप्पाए, केत्तियमेत्ते वि जंपेमि अणभिहयतरनाओ, सद्दो वा ताडिएस जइ न भवे । जलमंसउल्लजलणे, अणब्भवठ्ठीए निवमरणं सक्कधयचिंधतोरण-दुवारथंभिंदकीलगाऽऽईणं । सहसा भंगो पडणाणि, मरणमऽक्खंति नरवइणो कुसुमफलाणि अकाले, अहवा जालाउ धूममुयणं च । सुंदरदुमेसु दर्छ, हत्थं निच्छयसु रायवहं निसि दिवसे य निरब्भे, पेच्छंतो सुरधणुं जियइ न चिरं । गीयरवतूरसद्दा, गयणे धुवरोगमरणाय पवणस्स गई फासं, न विदइ विदइ य विवरीयं । ससिजुयलं वा पेच्छइ, जो तं मरणूसुगं जाण गुदतालुयजीहाऽऽईसु, अनिमित्तमतक्कियं मसाऽइसयं । दटुं दुलृट्ठाणं, उवट्ठियं जाण लहु मरणं जस्स य जीहऽग्गम्मि, दीसइ कसिणो अदिट्ठपुव्वो य । अनिमित्तो च्चिय बिंदू, सो वि न मासा परं जियइ अहवा निमित्तविरहा-दतक्कियं कह वि किर सरो वि दढं । जस्स सहावाउ पडइ, चडइ वा कम्मवसगस्स १. पइय = प्रतीतः,
॥ ३१२९ ॥ ॥ ३१३०॥ ॥३१३१ ॥ ॥ ३१३२॥ । ३१३३ ॥ ॥ ३१३४॥ ॥ ३१३५ ॥ ॥ ३१३६॥ ॥ ३१३७॥ ॥ ३१३८॥ ॥ ३१३९॥ ॥ ३१४०॥ ॥ ३१४१ ॥ ॥ ३१४२॥ ॥ ३१४३॥ ॥३१४४॥ ॥३१४५॥ ॥ ३१४६॥ ॥ ३१४७॥ ॥ ३१४८॥ ॥ ३१४९॥ ॥ ३१५०॥ ॥ ३१५१ ॥ ॥ ३१५२॥ ॥ ३१५३ ॥ ।। ३१५४॥ ॥ ३१५५ ॥ ॥ ३१५६ ॥ ॥ ३१५७ ॥ ॥ ३१५८॥ ॥ ३१५९ ॥ ॥ ३१६०॥ ॥ ३१६१॥ ॥ ३१६२॥ ॥ ३१६३॥ ॥ ३१६४॥ ॥३१६५॥
૯૨
Page Navigation
1 ... 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378