Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
॥ ७२८७॥ ॥ ७२८८॥ ॥ ७२८९ ॥ - ॥७२९० ॥ ।। ७२९१ ॥
।। ७२९२॥ ॥ ७२९३ ॥
॥ ७२९४ ॥ ॥ ७२९५॥ ॥ ७२९६ ॥ ॥ ७२९७॥ ॥७२९८॥
हंतुं कसायतेणे, मोहमहावग्घपेल्लणं काउं। नाणाऽऽइमग्गलग्गो, लंघसु भीमं भवाऽरण्णं एवं कसायदारं, परूवियं संपयं कमप्पत्तं । जहठियदोसाऽणुगयं, निदादारं निदंसेमि अद्दिस्समाणरूवो, निद्दाराहू जयम्मि कोई इमो। जो जीवससिरवीणं, करेइ गहणं निराऽऽलोयं सा खयमुवेउ निद्दा, जीवन्तो च्चिय मओ व्व जीए नरो । मत्तो व्व मुच्छिओ इव, पणट्ठसत्तो लहुं होइ जह पयइकुसलसयलिंदियगामो वि हुनरो विसं पाउं। लहु उवहयतस्सत्ती, जायइ तह निद्दवसगो वि किंचनिउणनिमीलियनयणं, पुणरुत्तविमुक्कघोरघुरुडुक्कं । विहडियउट्ठउडुग्घाड-दंतविगरालमुहकुहरं अस्संठवियनिवसणं, इओ तओ खित्तअंगुवंगं च । गयलायण्णमऽसण्णं, नियसु पसुत्तं मरंतं व तहानिद्दावसेण परिसो असमंजससंभवंततणचेट्रो । सहमे य बायरे विह, उवमद्दइ पाणिणोऽणेगे निद्दा उज्जमविग्यो, निद्दा विसघारियत्तमिव परमं । निद्दा असिट्रचेट्टा, निद्दा भयसंभवो परमो निद्दा नाणाऽभावो, निद्दा निस्सेसगुणगणंऽतरणं । निद्दा विवेयससिणो, बहलमहामेहपडलसमा इहलोयपारलोइय-ववसायाणं निरंभणी निद्दा । सव्वाऽवायाण परं, निबंधणं निच्छियं निद्दा - तेणेव अगलदत्तो, निद्दाचागेण जीवियं पत्तो । इयरनरा पुण निद्दा-पमायओ पाविया निहणं तथाहिउज्जेणीए जियसत्तु-राइणो सम्मओ अमोहरहो । नामेण आसि रहिओ, जसोवई पणइणी तस्स पुत्तो य अगलदत्तो, तम्मि य बाले मओ अमोहरहो । तं जीवणं च दिण्णं, रण्णा अण्णस्स रहियस्स अह तं जसोमई पेच्छि-ऊण विलसंतमऽत्तणो य सुयं । अकलाकुसलं बाद, सोगेण अभिक्खणं रुयइ पुट्ठा पुत्तेणं सा, अम्मो ! तं कीस रूयसि निच्चं । निब्बंधे सिटुं तीए, कारणं तेण तो वुत्तं अम्मो ! किमऽत्थि इह कोवि, सो ममं जो कलाउ सिक्खवइ । तीए वुत्तं पुत्तय ! नत्थि इहं किं तु पिउमित्तो कोसंबीए पुरीए, दढप्पहारित्ति अस्थि तो सिग्घं । सो तत्थ गओ तस्संऽ-तियम्मि तेणाऽवि पुत्तो व्व ईसत्थाऽऽइकलासु, परमं कोसल्लयं समुवणीओ। नीओ य रायपासे, नियविज्जादंसणकएण दंसियमऽसेसमीसत्थ-पमुहकोसल्लमऽगलदत्तेण । तुट्टो सव्वो लोगो, नवरिन एक्को महीनाहो तह वि य तेणं वुत्तो, भण किं ते जीवणं दवावेमि । दूरोणामियसीसेणं, भणियमऽह अगलदत्तेण साहुक्कारं जइ मे, न देसि ता किं परेण दाणेण । एत्थंतरम्मि राया, विण्णत्तो नगरिलोएणं देव! समग्गा नयरी, लुटिज्जइ तक्करेण केणाऽवि । गूढपयारेणं तस्स, वारणं कुणउ ता देवो तो वुत्तो नरवइणा, नयराऽऽरक्खो जहा तुमं भद्द! । सत्तदिवसाण अब्भं-तरम्मि चोरं लहेसु त्ति अह जा नयराऽऽरक्खो, सुरुक्खचक्खू न किपि जंपेइ । ता अवसरो त्ति कलिऊण, जंपियं अगलदत्तेण देव ! पसीयह वियरह, आएसमिमं महं जहा तुम्ह। उवणेमि तक्करं सत्त-रत्तमज्झम्मि कत्तो वि दिण्णो रण्णाऽऽएसो, तत्तो सो राउलाओ नीहरिओ। चितेइ विविहणेवत्थ-धारिणो लिंगिवेसा य सुण्णसभाऽऽसमदेउल-पमोक्खठाणेसु तक्करा पायं । निवसंति चारपुरिसेहि, ताणि ता पेहयामि अहं एवं विचिंतिऊणं, सव्वट्ठाणाणि मग्गिओ सम्मं । नीहरिओ नयरीओ, पत्तो एगम्मि उज्जाणे अह सहयारतरुतले, निवसियमलिणंऽसुओ समाऽऽसीणो। चोरग्गहणोवायं, चिंतंतो अच्छए जाव ता आगओ कुओ वि हु, तत्थ परिव्वायगो रुणुझुणंतो। भंजिय तरुसाहं विर-इयाऽऽसणे सण्णिसण्णो य दट्ठण तं च उब्बद्ध-पिडियं तालदीहयरजंघं । कूरच्छमेस चोरो त्ति, चिंतियं अगलदत्तेण एवं विचितयंतो, तेण परिव्वायगेण सो भणिओ। आओ सि वच्छ ! कत्तो, हिंडसि केण व निमित्तेणं तेणं भणियं भयवं!, उज्जेणीओ पहीणविभवो हं । एवं भमामि नेवऽस्थि, कोई मे जीवणोवाओ १. ईसत्थाइकलासु - इष्वस्त्रादि कलासु,
॥ ७२९९ ॥ ॥ ७३००॥ ॥ ७३०१॥ ॥७३०२॥ ॥७३०३ ।। ॥ ७३०४॥ ॥ ७३०५॥ ॥७३०६ ॥ ॥ ७३०७॥ ॥ ७३०८॥ ॥ ७३०९॥ ॥ ७३१०॥ ॥ ७३११॥ ॥७३१२॥ ॥ ७३१३॥ ॥ ७३१४॥ ॥ ७३१५॥ ॥ ७३१६॥ ॥ ७३१७॥ ॥ ७३१८॥ ॥ ७३१९ ॥ ।। ७३२०॥
૨૦૬
Page Navigation
1 ... 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378