Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
तह धम्मसामायारी-भंगो जो जो य नियमवयभंगो। मोहंऽधेणं विहिओ, तं पि पयत्तेण निंदाहि देवे अदेवबुद्धी, जमऽदेवे चेव देवबुद्धी य । सुगुरुम्मि अगुरुबुद्धी, अगुरुम्मि विजं च गुरुबुद्धी तत्ते अतत्तबुद्धी, जं च अतत्ते वि तत्तबुद्धी उ। धम्मे अधम्मबुद्धी, जमऽधम्मे धम्मबुद्धी उ एत्थ परत्थ व जम्मे, कया तहा कारिया अणुमया य। मिच्छत्ततमंऽधेणं, तं च विसेसेण निंदाहि सत्तेसु जंन मेत्ती, कया पमोओ न जं गुणड्ढेसु । जं च न कयं कया वि हु किलिस्समाणेसु कारुण्णं तह पावपसत्तेसुं, सत्तेसुंनो कया उवेहा जं । जं च न सुस्सूसा तह, कया पसत्थेसु सत्थेसु जं च जिणपहुपणीए, चरित्तधम्मे कओ न अणुरागो। वेयावच्चं गुरुदेव-गोयरं जं च नो विहियं विहियं च हीलणं ताण, जंच मिच्छत्तमोहमढेण । तं पिय सव्वं संदर!, दूरं निंदाहि गरिहाहि । जिणवयणमऽमयभूयं, पत्थमऽतुच्छं च भव्वसत्ताणं । निसुयं पि जं न सम्मं, नो सद्दहियं च सोऊणं संतम्मि बले संतम्मि, वीरिए तह परक्कमे संते । संते य पुरिसयारे, सोऊणं सद्दहेउं वा अंगीकयं न सम्मं, अंगीकयमऽवि न पालियं जं च । तप्पालणापरेसु य, जं च पओसो समुव्बूढो भंगो य पओसाओ, विहिओ तक्करणगोयरो जं च । तं तं गरिहाहि तुमं, स एस तुह गरिहणाकालो तह नाणे जो को विहु, अइयारो दंसणे व चरणे वा। विहिओ तवे य विरिए, तं पि हु तिविहेण गरिहाहि नाणे तत्थ अकाले, विणएण विणा य अबहुमाणेण । अविहियजहोवहाणं, सुत्तत्थे गिण्हमाणेणं तद्दायगनिण्हवणा, सुयाऽऽइअसुयाऽऽइजंपणाउ तहा । सुत्तस्स व अत्थस्स व, उभयस्स व अण्णहाकरणा वोलीणाऽणागयवद्रमाण-कालेस जो कओ कह वि। अइयारो तमऽसेसं, तिविहं तिविहेण गरिहाहि अह दंसणम्मि जीवाऽऽइ-गोयरं देससव्वगं संकं । अवराऽवरदसणगाह-गोयरं दुविहमऽवि कंखं तह दाणसीलतवभावणाऽऽइ-फलगोयरं च वितिगिच्छं। जल्लमललित्तगत्ते, मुणिणो य पडुच्च वि दुगुच्छं दिट्ठीमोहं च कुणंतएण, अकुणंतएण धम्मीणं । उववूहथिरीकरणे, वच्छल्लपभावणाओ य कालम्मि अईयम्मि, पडुपण्णेऽणागए य जो विहिओ। अइयारो तमऽसेस, तिविहं तिविहेण गरिहाहि तह चरणपहाणासुं, पंचसु समिईसु तीसु गुत्तीसु । पढमाए तत्थ जो अणु-वउत्तगमणं कुणंतेण तह वयणमऽणुवउत्तं, जो भासतेण बीयसमिईए। तइयाए अणुवउत्तं, भत्तग्गहणं कुणंतेण उवगरणगहणनिक्खिवण-मऽणुवउत्तं चउत्थसमितीए । चरिमाए चयणीय-च्चायमऽजयणं कुणंतेणं तह पढमगुत्तिविसए, माणसमऽमंजसं धरतेण । बीयाए कज्जबज्जं, कज्जे वा जयणवज्जं पि वयणं भासंतेणं, एवं काएण तइयगुत्तीए । चेटुंतेण अकज्जे, जयणावजं च कज्जे वा जो को वि हु अइयारो, विहिओ कालत्तए वि चरणम्मि। तं तिविहं तिविहेणं, सम्मं सव्वं पि गरिहाहि रागद्दोसकसायाऽऽ-इएसु पसरेण कलुसियं जंच। चारित्तमहारयणं, तं पि विसेसेण निंदाहि एत्तो दुवालसविहे, तवम्मि कइया वि कहवि जो विहिओ। सव्वंपि तंपि सम्मं, अइयारं धीर! गरिहाहि तह नाणाऽऽइगुणेसुं, बलविरियपरक्कमाण भावे वि। न परक्कमियं जं तं, विरियऽइयारं पि गरिहाहि जो दसविहजइधम्मे, जो वा किर चरणकरणगुणविसए। तिविहंतिविहेण तयं पि, धीर! गरिहाहि अइयारं जे पाणवहाऽऽईणं, मूलगुणाणं पि के वि अइयारा । सुहुमा व बायरा वा, सम्म गरिहाहि ते सव्वे पिंडविसुद्धाऽऽईणं, अइयारा जे य उत्तरगुणाणं । सुहमा व बायरा वा, ते वि हु गरिहाहि भावेणं मिच्छत्तुच्छाइयसुद्ध-बुद्धिणा धम्मिए जणे जं च । पावमऽवण्णारूवं, रइयं गरिहाहि तं सव्वं आहारभयपरिग्गह-मेहुणसण्णानिसण्णचित्तेणं । पावं जं पि पवत्तिय-मेत्ताहे तं पि निंदाहि इय दुक्कडगरिहं कारिऊण, खवगं गुरू जहाजोगं । दुक्कडगरिहाकज्ज, खामणमऽवि इय करावेइ तथाहि
॥८३५२॥ ।। ८३५३॥ ॥ ८३५४॥ ॥८३५५॥ ।। ८३५६ ॥ ॥८३५७॥ ।। ८३५८॥ ॥८३५९॥ ॥ ८३६०॥ ॥८३६१॥ ।। ८३६२॥ ॥८३६३॥ ॥ ८३६४॥ ॥ ८३६५ ॥ ॥८३६६॥ ॥८३६७॥ ।। ८३६८॥ ॥ ८३६९॥ ॥ ८३७०॥ ॥८३७१ ॥ ॥८३७२॥ ॥ ८३७३॥ ॥८३७४॥ ॥८३७५ ॥ ॥८३७६॥ ।। ८३७७॥ ॥८३७८॥ ।। ८३७९ ॥ ॥८३८०॥ ॥ ८३८१ ॥ ॥ ८३८२ ॥ ॥८३८३॥ ॥८३८४ ॥ ॥८३८५ ॥ ॥ ८३८६ ॥
૨૩૬
Page Navigation
1 ... 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378