Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
तरुमूलम्मि निसण्णं, ससिरीयं वम्महं व रइरहियं । सरइंदुकलाकोमल-सरीरमेगं मुणिप्पवरं
॥ ८५९७॥ तं पेच्छिऊण राया, रूवाऽऽइगुणे पसंसिउं बाढं। साऽऽयरकयप्पणामो, तिपयाहिणपुव्ववमऽदूरे
॥ ८५९८॥ ठाऊण पंजलिउडो, सविम्हयं भणिउमेवमाऽऽढत्तो। तरुणत्तणे वि भन्ते!, उवढिओ कीस? सामण्णे ।। ८५९९ ॥ समणेण जंपियं पुहइ-नाह ! सरणं न को घि मह हुँतो। तेणेसा पडिवण्णा, दिक्खा दुक्खाण खयजणणी ॥८६००॥ अह हासवसविसप्पंत-दंतकंतीए धवलयंतेण । पढमुग्गमंतदिणयर-रुइरोटुंजंपियं रण्णा
॥ ८६०१॥ अप्पडिमरूवलक्खण-पिसुणियबहुविहवविस्थरस्स कहं । तुह भयवमऽसरणत्तं, कहिज्जमाणं पि सद्दहिमो ॥८६०२ ॥ अहवा किमऽणेणं, होमि, तुझं सरणं अहं भयसु गेहं । भुंजसु य विसयसोक्खं, दुलहं खु पुणो वि माणुस्सं ॥ ८६०३ ॥ मुणिणा भणियं नरवर!, सयमऽवि सरणेण विरहियस्स तुहं । कहमिव परेसिं सरण-प्पयाणसामत्थउवलंभो ॥८६०४ ॥ एवं वत्तो संतो, संभंतो नरवई पयंपेइ। पउरकरितुरयरहसुहड-लक्खसामग्गिकलिओ हं
॥ ८६०५॥ कहमिव सरणाय परेसि, नेव होमि त्ति मा मुसं वयसु । भयवं! कह वा सयमऽवि, निस्सरणो हं तए वुत्तो ॥८६०६॥ मुणिणा संलत्तं भूमि-नाह ! एयस्स मुणसि नेवऽत्थं । नेव य उत्थाणं ता,सुणेहि एगग्गचित्तो तं
॥ ८६०७॥ कोसंबीनयरीए, उवहसियकुबेरविहववित्थारो। आसि बहुसयणवग्गो, मज्झ पिया पायडो भुवणे
॥ ८६०८॥ होत्था य ममं तइया, पढमवए च्चिय सुदुस्सहा धणियं । अच्छिवियणा महंती, तव्वसओ देहदाहो य ॥ ८६०९॥ देहंऽतो भमिरमहंत-निसियकुंतो व्व असणिनिहओ व्व । उकुवियनयणपीडा-भरेण विवसो म्हि संवुत्तो ।। ८६१०॥ बहुमंततंतविज्जा-चिगिच्छसत्थऽत्थवेइणो य जणा। कासी मज्झ चिगिच्छं, नाऽऽसी थेवो वि पडियारो ॥ ८६११॥ पिउणा वि य पडिवण्णं, सव्वस्ससमप्पणं पि किर तस्स । जो मज्झ थेवमेत्तं पि, वेयणं अवहरेज्ज लहुँ ।। ८६१२॥ पम्मुक्कपाणभोयण-विलेवणाऽऽहरणपमुहवावारो । मायाभाउगभगिणी-कलत्तमेत्ताऽऽइसयणगणो ॥ ८६१३ ॥ अच्चन्तचित्तपीडा-विणिन्तबाहप्पवाहधोयमुहो। किंकायव्वयमूढो, ठिओ समीवम्मि मे सर्व
।। ८६१४॥ तह वि हु अणियत्तीए, अच्छिवियणाए थेवमेत्तं पि । अहह! न को विहुसरणं, ममं ति परिचिन्तयन्तेणं ।। ८६१५ ॥ विहिया मए पइण्णा, जइ मुंचेज्जा इमाइ वियणाए । तो चत्तसव्वसंगो, काहं अणगारियं धम्म
।। ८६१६ ॥ एवं विहियपइण्णस्स, मज्झ रयणीए आगया निद्दा । खयमुवगया य वियणा, जाओम्हि पुणण्णवसरीरो ॥८६१७॥ जाए पभाथसमए, तत्तो आपुच्छिउं सयणवग्गं । सव्वण्णुना पणीयं, दिक्खं सरणं-पवण्णोम्हि
॥ ८६१८॥ ता नरवर! एवंविह-दुहनिवहग्घत्थपाणिसत्थस्स । मोत्तुं जिणिदधम्मं, सरणं ताणं न अण्णत्तो
॥८६१९॥ एवं सोउं राया, तहत्ति पडिवज्जिउं कयपणामो। निययट्ठाणमुवगओ, साहू वि तओ विणिक्खंतो
॥८६२०॥ इय खवग! समत्थभवुत्थ-वत्थुपडिबंधबुद्धिमऽवहाय । भावेसु निहुयचित्तो, निस्सरणयभावणं सम्म ॥ ८६२१ ॥ जेणं चिय पइवत्थु पि, एत्थ चितिज्जमाणमंऽगीणं । सरणं न किंपि तेणेव, नियसु संसारमऽइविसमं
॥ ८६२२॥ जिणवयणविरहिओ इह, मोहमहातिमिरपडलपडिहणियो। जीवो वियारवोक्कंत-वेयणाविवससव्वंडगो ॥ ८६२३ ॥ इगिविगलिदियजलथल-खयराऽऽदिविचित्ततिरियजोणीसु। सव्वसुरमणुयजोणीसु, नरएसु य भमडिओ बहुसो ॥८६२४ ॥ वहबंधणधणहरणाऽ-वमाणगुरुरोगसोगसंतावा । पत्ता विचित्तरूवा, बहुसो एक्केक्कजातीसु
॥ ८६२५॥ उड्ढं तिरियमऽहे वा, लोयपएसो वि नत्थि सो को वि। पत्ताइं जत्थ बहुसो, न जम्मजरमरणपभिईणि ॥ ८६२६॥ भोगोवक्खरदेहत्त-बंधवहणाऽऽइकारणत्तेण । बहुसो वि रूविदव्वाणि, पत्तपुव्वाणि सव्वाणि
॥ ८६२७॥ सयणसुहिसामिदासत्त-सत्तुभावेहिं परिणया सव्वे। जीवा अणेगसो च्चिय, संसारे संसरंतस्स
॥८६२८॥ हद्धी ! उब्वियणिज्जो, संसारो जत्थ णिययजणणी वि। मरिऊण होइ दुहिया, पिया य मरिऊण पुण पुत्तो ॥८६२९ ॥ सोहग्गरूवगव्वं, समुव्वहंतो जुवा वि मरिऊण । तत्थेव नियसरीरे, जायइ जम्मि किमित्तेण
॥८६३०॥ जणणी वि भवंऽतरपत्त-पुत्तपिसियं पि भक्खए जं च । ही ! एत्तो वि किमऽण्णं, कटुं दुटुम्मि संसारे ॥ ८६३१ ॥ सामी भिच्चो भिच्चो वि, नायगो नियसुओ वि हवइ पिया । जणगो वि वेरिबुद्धीए, हम्मए धी! भवसरूवं ॥८६३२ ॥
૨૪૩
Page Navigation
1 ... 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378