Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
अइनिज्झणं करेंता, गंथे संवेगभावणाजणगे। पंचनमोक्कारं वा, पढंति अणवरयमऽक्खलियं इट्ठमऽसणं व छुहिओ, सुसाउसीयलजलं व अइतिसिओ। परमोसहं व रोगी, गेण्हइ बहुमण्णइ य सो तं इय अक्खंडविहीए, सारीरबलक्खए वि भावबलं । अवलंबिऊण धीरो, करेज्ज कालं पुरिससीहो आसण्णभाविभद्दो हु, जइ परं कोइ किर महासत्तो । इत्थं कहियकमेणं, पुरिसो पाणे परिच्चयइ इय पावजलणजलहर-समाए संवेगरंगसालाए । चउमूलद्दाराए, सोग्गइगमपउणपयवीए आराहणाए पडिदार-नवगमइए समाहिलाभम्मि। भणियं चउत्थदारे, बीयं पडिवत्तिदारमिणं पडिवत्तिवओ वि कुओ वि, हेऊओ कहवि होज्ज से खोहो । इय तप्पसमनिमित्तं, सारणदारं णिदंसेमि संथारगट्टियस्स वि, कहं पि आराहणुज्जयस्साऽवि। दढधीसंघयणस्स वि, अभिलसियसुदुक्करस्साऽवि पयईए च्चिय परमं, संसारुव्वेयमुव्वहंतस्स। अच्वंतमुत्तरोत्तर-वड्ढंतसुहाऽऽसयस्साऽवि खमगस्स महामुणिणो, चिरभवदुच्चिण्णकम्मदोसेण । वायाऽऽइखोभओ वा, निसियणउव्वत्तणाऽऽइसु वा ऊरूदरसिरकरसवण-वयणदसणऽच्छिपट्ठिपामोक्खे। अंगे कत्थ वि उडेज्ज, वेयणा झाणविग्घकरी तो गुणमणिपडहत्थो, हत्थं पोउ व्व भिज्जए खमगो। भिण्णो य भीमभवसायरम्मि सुइरंपरिब्भमइ तं च तहा दळूण वि, निज्जामगसद्दमुव्वहतो वि । कुणइ उवेक्खं जो किर, निद्धम्मो को तओ अण्णो निज्जावगसाहुगुणा, जे पुव्विं वण्णिया इहं आसि । तेसिं स होइ दूरे, खवगमुवेक्खेज जो मूढो तो तस्स चिगिच्छाजाण-एहि साहूहि अप्पणा चेव । वेज्जाऽऽएसेणऽहवा, परिकम्मं होइ कायव्वं वायकफपित्तपमुहं, कारणमुवलक्खिऊण वियणाए। फासुयदव्वेहि करेज्ज, झत्ति विज्झवणमुवउत्तो बत्थिअणुवासणतावणेहिं, आलेवसीयकिरियाहिं । अब्भंगणपरिमद्दण-पमुहेहिं चिगिच्छए खवगं जइ तहवि असुहकम्मोदएण, वियणा न से उवसमेज्जा । अहवा तण्हाऽऽईया, परीसहा से उदिज्जेज्जा तो वेयणाऽभिभूओ, परिसहाऽऽईहिं वा वहिज्जंतो। खवगो अणप्पवसगो, ओहासेज्जा व पलवेज्जा संमुझंतो तो सो, तह कायव्वो जहाऽऽगमं गणिणा। जह सम्मं संवेगा, पच्चाऽऽगयचेयणो होइ "को सि तुमं? किं नामो, कत्थ वससि को व संपयं कालो। किं कुणसि कह व अच्छसि, को वा हं" इय विचिंतेसु। एवं सारेयव्वो, निज्जामगसूरिणा सयं खवगो। साहम्मियवच्छल्लं, बहुलाभं मण्णमाणेणं : इय कुगइतिमिरदिणयर-पहाए संवेगरंगसालाए। चउमूलद्दाराए, सोग्गइगमपउणपयवीए आराहणाए पडिदार-नवगमइए समाहिलाभम्मि । भणियं चउत्थदारे, तइयमिणं सारणादारं अह सारियो वि खवगो, न जं विणा धीरिमं धरेउमऽलं । धम्मुवएससरूवं, तं कवयद्दारमऽक्खेमि दुस्सहपरीसहोहामियस्स, मज्जायमुज्झिउमणस्स । आगारिंगियकुसलो, खवगस्स वियाणिऊण गुरू विसरिसचेटुं णिज्जामणेक्क-निउणो विमुक्कनियकिच्चो। निद्धाहिं महुराहिं, गिराहि अणुसासणं कुज्जा रोगाऽऽयंके सुविहिय!, निज्जिणसु परीसहे य धीबलिओ। तो निव्वूढपइण्णो, मरणे आराहओ होसि तहा हत्थि व्व तुमं अवहत्थिऊण, आलाणखंभमिव मेरं । हत्थिवयत्थाणीए, गुरुणो वि य अवगणेऊण अंकुससरिसं अवधीरिऊण, तेसिंच सदुपदेसं पि। अंगपडिचारगे विह, नियगे वि परंमुहे ठविउं अच्चंतभत्तिकोऊ-हलाऽऽगयं पेच्छगं पि बहुलोगं । विपरंमुहिउँ निरवज्ज-लज्जरज्जेंच तोडित्ता पडिबद्धरिद्धिकुसुमं, पत्तपरिग्गहपसोहियच्छायं । भममाणो सीलवणं, भंजिहिसि लहुं महाभाग! खंडिहिसि समिइगिहभित्ति-संचयं लूरइस्ससि असेसं। गुत्तिवईवग्गं पि हु, दलिहिसि सुगुणाऽऽवणस्सेणि नूणं न भद्द ! कुलसंभवो त्ति, इय जणपवायरेणूहि। अवगुंडिज्जिहिसि चिरं, स(ग)रिहिज्जसि बालगजणेण
॥ ९४६२॥ ॥९४६३॥ ॥ ९४६४॥ ॥ ९४६५ ॥ ॥९४६६ ॥ ॥९४६७॥ ॥ ९४६८॥ ॥ ९४६९॥ ॥ ९४७०॥ ॥९४७१ ॥ ॥९४७२॥ ॥९४७३॥ ॥९४७४॥ ॥ ९४७५ ॥ ॥ ९४७६॥ ॥९४७७॥ ॥ ९४७८॥ ॥ ९४७९॥ ॥ ९४८०॥ ॥ ९४८१॥
॥ ९४८२ ॥ ॥ ९४८३॥ ॥ ९४८४॥ ॥ ९४८५ ॥ ॥ ९४८६॥ ॥ ९४८७ ॥ ।। ९४८८॥ ॥ ९४८९॥
॥९४९०॥ ॥९४९१॥ ॥९४९२॥ ||९४९३॥ ॥९४९४॥ ॥९४९५ ॥
૨૬૮
Page Navigation
1 ... 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378