Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
साहू
पुव्वाऽणुभूयरायाऽऽइ-विहियसम्माणणाऽऽइयगुणाणं । चुक्किहिसि कुगइगड्डा-वडणेणं अह विणस्सिहिसि ॥९४९६ ॥ ता भद्द ! समीहियकज्ज-सिद्धिविग्घाउ विरमसु इमाउ। कंटगवेहुवमाउ, असमाहिपयाउ इण्हि पि
॥ ९४९७॥ तह खुड्डुकुमारो इव, तुमं पि अणुसरसु सम्मबुद्धीए । इण्डिं पि सुळु गाइय-मिच्चाइगीइयाअत्थं
॥९४९८॥ निव्वाहिया हु तुमए, कोडी वयणिज्जवज्जिएणेव । अहुणा कागणिनिव्वाहणे वि कीबत्तमुव्वहसि
॥९४९९॥ तिण्णो महासमुद्दो, तरियव्वं गोपयं तुहेयाणि । समइक्तो मेरू, परमाणू चिट्ठइ एत्तो
॥ ९५०० ॥ ता धीर! धरस अच्चन्त-धीरिमं चयस कीवपयइत्तं। हरिणंकनिम्मलं निय-कुलं पि सम्मं विभावेस
॥ ९५०१॥ मल्लो व्व पेल्लिऊणं, पमायपरचक्कमेक्कहेलाए । एत्थेव पत्थुयत्थे, जहसत्तीए परक्कमसु
॥ ९५०२॥ परिभावेसु य पयईए, सुंदरतं तहाऽणुगामित्तं । भुज्जो य दुल्लहत्तं, धम्मगुणाणं अणग्घाणं
॥ ९५०३॥ तह सरसु खवग! जंतं, मज्झम्मि चउव्विहस्स संघस्स। वूढा महापइण्णा, अहयं आराहइस्सं ति
॥ ९५०४॥ को नाम भडो कुलजो, माणी थूलाइऊण जणमज्झे । जुज्झे पलाइआवडिय-मेत्तओ चेव अरिभीओ ॥ ९५०५ ॥ थूलाइऊण पुव्वं, माणी संतो परीसहाऽरीहिं। आवडियमेत्तगो चेव, को विसण्णो भवइ साहू
॥ ९५०६॥ थूलाइयस्स कुलयस्स, माणिणो रणमुहे वरं मरणं । न य लज्जणयं काउं, जावज्जीवं पि जणमज्झे
॥ ९५०७॥ समणस्स माणिणो उज्जयस्स, निहणगमणं पि होउ वरं । न य नियपइण्णभंगेण, इयरजणजपणं सहियं ॥९५०८॥ एक्कस्स कए नियजीवियस्स, को जंपणं करेज्ज नरो। पुत्तयपोत्ताऽऽईणं, समरम्मि पलायमाणो व्व
॥ ९५०९॥ तह अप्पणो कुलस्स य, संघस्स य मा हु जीवियत्थी उ। कुणसु जणे जंपणयं, जाणियजिणवयणसारो वि ॥ ९५१०॥ जइ नाम तहाण्णाणी, संसारपवट्टणाए लेसाए। तिव्वाए वेयणाए, समाउला तह करिति धिर्ति
॥ ९५११॥ किं पुण जइणा संसार-सव्वदुक्खक्खयं करेंतेण । बहुतिव्वदुक्खरसजाण-एण न धिई करेयव्वा
॥ ९५१२ ॥ तिरिया वि तोडपीडा-विहुरियदेहा वि गोणपोयलया। किं अणसणं पवण्णा, कंबलसंबला सुया न तए ॥९५१३॥ तुच्छतणू तुच्छबलो, पयईए चेव तुच्छतिरिओ य । अणसणविहिं पवण्णो, वेयरणी वानरो य तहा
॥९५१४॥ खुद्दो वि पिपीलियविहियतिव्ववियणो वि जायपडिबोहो । मासद्धमऽणसणविहिं, पडिवण्णो कोसियो सप्पो ॥९५१५ ॥ जम्मन्तरजणणी कोसलस्स वग्घीभवम्मि लद्धसुई। तिरिया वि छुहावेयण-मऽगणिय तह संठियाऽणसणे ॥ ९५१६॥ जइ ता पसुणो वि इमे, अणसणमऽकरिंसु थिरसमाहिपरा । ता नरसीहो वि तुमं, सुंदर! तं कीस न करेसि ।। ९५१७॥ देवीदारेण तहो-वसग्गजोगे सुदंसणगिही वि। अवि मरणमऽज्झवसिओ, पडिवण्णवया न उण चलिओ ॥ ९५१८॥ तह सव्वराइउस्सग्ग-जणियवियणं सुतिव्वमऽगणंतो। चंडावडिंसयनिवो, सुगई पत्तो अचलसत्तो
।। ९५१९॥ गोठे पायोवगओ, सुबंधुणा गोमए पलिवियम्मि। डझंतो चाणक्को, पडिवण्णो उत्तमं अटुं
॥ ९५२०॥ इय जइ गिहिणो वि तहा, अक्खलियसमाहिणो अहिगयत्थे। जाया तुमं पिता समण-सीह ! तं कुणसु सविसेसं ॥ ९५२१ ॥ मेरु व्व निप्पकंपा, अक्खोभा सायरो व्व गंभीरा । धीमंतो सप्पुरिसा, होंति महल्लावऽऽवईसुं पि
॥ ९५२२॥ धीरा विमुक्कसंगा, आयाऽऽरोवियभरा अपरिकम्मा। गिरिपब्भारमऽइगया, बहुसावयसंकडं भीमं
।। ९५२३॥ धीधणियबद्धकच्छा, समयुत्तविहारिणो सुहसहाया। साहिति उत्तिमटुं, सावयदाढंऽतरगया वि
॥९५२४॥ भालुंकीए अकरुणं, खज्जंतो घोरवेयणड्ढो वि। आराहणं पवण्णो, झाणेण अवंतिसुकुमालो
॥ ९५२५॥ मुग्गिल्लगिरिम्मि सुकोसलो वि, सिद्धत्थदइयओ भयवं । वग्घीए खज्जतो, पडिवण्णो उत्तिमं अटुं
॥९५२६॥ पडिमाए ठिओ सीसे, दिएण पज्जालियम्मि जलणम्मि। भयवं गयसुकुमालो, पडिवण्णो उत्तिमं अटुं ॥ ९५२७॥ एवं चिय भयवं पि हु, कुरुदत्तसुओ ठिओ य पडिमाए। साएयनयरबाहिं, गोहरणे कुढियदिण्णग्गी
॥९५२८॥ उद्दायणरायरिसी, उक्कडविसवेयणापरद्धो वि। अविगणियदेहपीडो, पडिवण्णो उत्तिमं अटुं
॥ ९५२९॥ नावाओ पक्खित्तो, गंगामज्झे अमुज्झमाणमणो । आराहणं पवण्णो, अंतगडो अण्णियापुत्तो
॥ ९५३०॥ चंपाए मासखमणं, करित्तु गंगातडम्मि तण्हाए । घोराए धम्मघोसो, पडिवण्णो उत्तिमं अटुं
॥९५३१॥
૨૯
Page Navigation
1 ... 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378