Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
अंधारियं च नगरं, कसिणऽब्भसमाहिं धूमवत्तीहिं । ताहे चक्की लोगो य, तोसिउं तं पवत्तो त्ति
॥ ९१८९॥ जा न पसीयइ थेवं पि, ताव लोगाउ सुणिय वुत्तंतं । चित्तो समागओ झत्ति, महुरवाणीए तं भणइ
॥ ९१९०॥ भो भो महायस! कहं, जिणवयणं मुणिय कुणसि तं कोवं । न वियाणसि तप्पभवं, भवभमणमऽणंतभयभवणं ॥९१९१ ॥ को वा तस्सऽवराहो, अवयारकरस्स नणु वरायस्स। दुक्खे सुहे य कम्माणि, जेण पभवंति जंतूण
॥९१९२॥ एमाऽऽइपसमपीऊस-सारवाणीए पसमियकसायो। उवसंतो संभूतो, गया य ते दो वि उज्जाणं
॥ ९१९३॥ पडिवज्जिऊणमऽणसण-माऽऽसीणा दो वि एगदेसम्मि । तत्तो सणंकुमारो, चक्की अंतेउरेण समं
॥ ९१९४ ॥ आगंतं भत्तीए तेसिं चलणप्पले नमंसेइ । एवं थीरयणं पिह, नवरं तच्चिहरसहफासं
॥ ९१९५॥ अणुभवमाणो संभूय-मुणिवरो भणइ जइ इमस्स फलं । अस्थि तवस्स तया हं, भवंतरे होज्ज चक्कि त्ति ॥ ९१९६॥ एवं नियाणबंधो, तेण कओ चित्तसाहुणा बहुसो । वारिज्जतेण वि भव-विवागसंसूयगगिराहिं
॥ ९१९७ ॥ आउक्खएण मरिठं, सोहम्मे भासुरा सुरा जाया । तत्तो चविउं चित्तो, उववण्णो पुरिमतालम्मि
॥९१९८॥ इब्भस्स सुयत्तेणं, संभूओ पुण पुरम्मि कंपिल्ले। बंभस्स भूमिवइणो, चुलणीए सुओ समुप्पण्णो
॥ ९१९९ ॥ विहियं च बंभदत्तो त्ति, तत्थ नामं पसत्थदिवसम्मि। एत्थ य ता वत्तव्वं, जा सो चक्कित्तणं पत्तो
॥ ९२००॥ साहियसमग्गभरहो, भरहो इव भुंजए विसयसोक्खं । अह जायजाइसरणो, कहमऽवि एगत्थ पत्थावे ॥ ९२०१॥ पुव्वभवभाउजाणण-कएण दासाऽऽइपंचभवगब्भं । लोगाण दंसणत्थं, विरएइ इमं सिलोगद्धं
॥ ९२०२॥ "आस्व दासौ मृगौ हंसौ, मातंगावमरौ तथा।" इति एयं च रायवारे, ओलंबावेत्तु इय भणावेइ । जो एयपच्छिमद्धं, पूरइ से देमि रज्जद्धं
॥ ९२०३ ॥ अह सो पुव्वुवइट्ठो, जीवो चित्तस्स मोत्तु गिहवासं । संजायजाइसरणो सम्मं घेत्तूण पव्वज्जं
॥ ९२०४॥ अप्पडिबद्धविहार, विहरतो आगओ तहिं नयरे। एगत्थुज्जाणम्मि, ठिओ य सद्धम्मझाणेणं
॥ ९२०५॥ एत्थंतरम्मि अरहट्टिएण, पढियं तयं सिलोगद्धं । उवउत्तेणं मुणिणा वि पच्छिमद्धं भणियमेवं
।। ९२०६॥ एषा नौ षष्ठिका जाति- रन्योन्याभ्यां वियुक्तयोः" इति
॥९२०७॥ अह आरहट्टिएणं, एयं गंतुं णिवेइयं रण्णो । राया वितं णिसामिय, भाइसिणेहाऽइरेगेण
॥९२०८॥ मुच्छावसेण वियलत्त-मुवगओ तो अणिट्ठकारि त्ति । ताडिउमाऽऽरद्धो आर-हट्टिओ रायपुरिसेहि
।। ९२०९ ॥ हम्मतेण य तेणं, भणियं मा हणह कयमिणं मुणिणा। खणलद्धचेयणो निसुणिऊण एयं च नरनाहो ॥ ९२१०॥ सव्वाइ विभूईए, गतो समीवम्मि तस्स साहुस्स । चलणे य वंदिऊणं, आसीणो दढसिणेहेण
॥ ९२११ ॥ विहिया मुणिणा सद्धम्म-देसणा तं च अवगणेतेण । साहू भणिओ चक्काऽ-हिवेण भयवं कुण पसायं ॥ ९२१२॥ अंगीकरेसु रज्जं, भुंजसु भोए चयाहि पव्वज्ज । पुव्वं पिव समगं चिय, कालं अइवाहयामो त्ति
॥९२१३॥ मुणिणा भणियं नरवर!, रज्जं भोगा य दुग्गइमम्गो । ता मुणियजिणमयऽत्थो, एए तुममुज्झिउण लहुं ॥९२१४ ॥ पडिवज्जसु पव्वज्जं, जेण समं चिय तवं अणुचरामो। किं तुच्छकालिएणं, रज्जाऽऽइसमुत्थसोक्खेण ॥ ९२१५॥ भणियं रण्णा भयवं!, दिटुं मोत्तूण किं अदिट्ठकए । तम्मसि मुहाए जेणं, वयणं मे इय विकूलेसि
॥ ९२१६॥ अह साहू नरवइणो, नियाणदुव्विलसियस्स सामत्था । मुणिऊण असज्झत्तं, उवसंतो धम्मकहणाओ ॥ ९२१७॥ कालक्कमेण विहुणिय-कम्ममलो सासयं पयं पत्तो। चक्की वि अंतसमए, रुद्दज्झाणम्मि वर्ल्डतो
॥९२१८॥ मरिऊण तमतमाए, उक्कोसठिई उ नारगो जाओ। एवंविहदोसकर, खवग! नियाणं विवज्जेसु
॥ ९२१९॥ भणियं नियाणसल्लं, मायासल्लं तु तं वियाणेहि। जंकाऊणऽइयारं, थोवं पि चरित्तविसयम्मि
।। ९२२०॥ गोरवलज्जाऽऽईहिं, नेवाऽऽलोएइ अंतिए गुरुणो। अहवा उवरोहेणं, आलोयइ नवरि नो सम्म
॥ ९२२१॥ एवंविहं च माया-सल्लमऽणुल्लूरिऊण तवनिरया। न सुहं पावंति फलं, चिरकालं पि हु किलिस्संता
॥ ९२२२॥ तेणं चिय तव्वसगा, सुचरियचिरकालदुक्करतवा वि। इत्थीभावं पत्ता, तवस्सिणो पीढमहपीढा
।। ९२२३ ॥
૧૦.
Page Navigation
1 ... 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378