Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
एयं च अमुचंतो, दाणाऽऽइरओ वि दुग्गइं जाइ। नंदमणियारसेट्ठिव्व, कलुसबुद्धीए हयसम्मो ताहि
एत्थेव जंबुद्दीवे, भरहे वासम्मि रायगिहनयरे । अतुलियबलसिरिसेणिय- भूवइभुयपरिहकयरक्खो वेसमणसमाणधणो, लोयाऽऽणंदो अहेसि नंदो त्ति। मणियारवणिपहाणो, सेट्ठी रण्णो वि महणिज्जो सो गया निसामिय, सामि जयबंधवं जिणं वीरं । पुरपरिसरे सुरासुर - थुणिज्जमाणं समोसरियं वंदणवडियाए लहुं, समागतो जायभत्तिपब्भारो । पयचारेणं चिय पउर-पुरिसपरियालपरिखित्तो तिपयाहिणापुरस्सर - मह महया गउरवेण जिणनाहं । वंदित्ता धरणियले, आसीणो धम्मसवणत्थं अह तिहुयणेक्कतिलएण, धम्मनिलएण वीरनाहेण । पाणिवहविरइसारो, असच्चचोरेक्कपम्मुक्को मेहुणचायपहाणो, परिग्गहग्गहविणिग्गहुग्गाढो । साहुगिहीण समुचिओ, रम्मो धम्मो समुवइट्ठो नंदमणियारसेट्ठी, सोऊण इमं च जायसुहबोहो । बारसवयसंपुण्णं, गिहत्थधम्मं पवज्जेइ संसारुत्तिण्णं पिव, मण्णंता अप्पयं ततो सामि । गुरुभत्तीए भुज्जो, वंदित्ता थोउमाऽऽरद्धो जय देव ! भीमभवसंभवोरुभयभंगविमलबाहुबल ! । कलिकलिलहरणजलभर !, भूरिमहागुणगणाऽगार ! परसमयबहलतमतिमिर - हरणखरकिरण! मारतरुदाव ! । जय तरलतरतुरंगम-समकरणोदारदामसम ! जय मोहमहाकुंजर-कंठीर ! लोभकमलहिमकिरण!। संसारसरणिसंचरण - रीणबहुदेहिदाहहर ! जय रोगजरामरणारि - वारभयविरहिदेह ! परमदम! अदयापरागखरतर - समीर! मायाऽहिविहगवर ! जय करुणारससागर !, गरलसमाऽमय ! महीमहासीर !। रंभाऽभिरामरामा रमणरसाऽबद्धसंबंध ! जय जंतुविसरबंधुर-बंधो ! संबंधबुद्धिविलयकर ! । करणवरचरणसंगिरण- सार! नयनिवहमयसमय ! जय वंदारुसुरासुर - चूडामणिकिरणपिंगचरणतल ! । कंकेल्लिपल्लवाऽरुण-पाणिसरोरुह ! महाभाग ! भववारिनिलयपारग !, गरिमाऽऽकर! वीर ! धरणिधरधीर! । भवविच्छित्तिनिमित्तं भवंतमऽहमऽरुहमऽभिवंदे इय समसक्कयगाहाहिं, थुणिउं वीरं पवण्णजिणधम्मो । नंदमणियारसेट्ठी, पहट्ठचित्तो गओ सहिं परिवालेइ जहुत्तं, बारसवयसुंदरं पि जिणधम्मं । विहरिउमाऽऽरुद्धो जय - गुरू वि अण्णा अह अण्णया कयाइ, विरहम्मि सुविहियाण साहूण । पुणरुत्तदंसणेण य, अच्चन्तमऽसंजयजणस्स हीयंतेसु य सम्मत्तपज्जवेसुं पइक्खणं चेव । वच्चंतेसु य वुद्धिं, बाढं मिच्छत्तदलिएसुं
सो सम्मत्तविउत्तो, पोसहसालाए जेट्टमासम्मि। एगम्मि अवसरम्मि, सअट्ठमं पोसहं कुणइ अह अट्ठमतवकम्मे, परिणममाणम्मि नंदसेट्ठिस्स । तन्हाछुहाकिलन्तस्स, एरिसी वासणा जाया धणा कणा, जेहिं पुरीपरिसरम्मि रम्माओ । पुक्खरिणीओ कारा - वियाओ सुइसलिलभरियाओ जासु नयरस लोगो, पियइ जलं वहइ मज्जइ य निच्चं । ता जायम्मि पभाए, अहं पि आपुच्छिऊण निवं कारावेमि महंत, पोक्खरणि इय विभाविऊणं सो। सूरे समुग्गयम्मि, पारित्ता पोसहं ण्हाओ परिहियविसुद्धवत्थो, पाहुडहत्थो गओ निवसमीवं । साऽऽयरकयप्पणामो, रायं विण्णविउमाऽऽरद्धो देव! तुहाऽणुणाओ, पोक्खरणि नयरपरिसरम्मि अहं। काउं इच्छामि तओ, रण्णा सो अब्भणुण्णाओ तत्तो तेण समीहिय-देसे तरुसंडमंडियाऽऽभोगे । आरोग्गपहियभोयण-विसालसालोवगूढन्ता कल्हारकुमुयकुवलय-वलयविरायन्तसलिलपडिहत्था । हत्थं चिय कारविया, नंदानामेण पोक्खरिणी मज्जन्तो कीलंतो, जलं पिबन्तो य तत्थ अण्णोण्णं । वाहरइ जणो एवं, धण्णो सो नंदमणियारो जेण इमा पोक्खरिणी, कारविया विमलसलिलपडिपुण्णा । भममाणमच्छकच्छव-विहंगमिहुणोहरमणिज्जा एवंविहप्पवायं च, निसुणिउं जायगाढपरितोसो । मण्णइ स नंदसेट्ठी, अत्ताणं अमयसित्तं व वच्चंतेसु य दिवसेसु, पुव्वभव असुहकम्मदोसेण । तस्साऽहिट्ठियमंऽगं, सत्तूहि व दुक्खकारीहिं
૨૬૨
।। ९२४९ ।।
।। ९२५० ।। ।। ९२५१ ।।
॥ ९२५२ ॥
।। ९२५३ ।।
॥ ९२५४ ॥
।। ९२५५ ।।
॥ ९२५६ ॥
।। ९२५७ ।।
।। ९२५८ ।। ।। ९२५९ ।।
।। ९२६० ॥
॥ ९२६१ ॥ ॥ ९२६२ ।।
॥ ९२६३ ॥ ॥ ९२६४ ॥ ।। ९२६५ ।। ।। ९२६६ ।।
॥ ९२६७ ॥
।। ९२६८ ।।
॥ ९२६९ ॥
।। ९२७० ॥
॥ ९२७१ ॥
॥ ९२७२ ॥
॥ ९२७३ ॥ ॥ ९२७४ ॥ ।। ९२७५ ।। ॥ ९२७६ ॥ ।। ९२७७ ।।
।। ९२७८ ।।
।। ९२७९ ।।
।। ९२८० ॥
।। ९२८१ ॥
।। ९२८२ ।।
।। ९२८३ ॥
Page Navigation
1 ... 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378