Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
ससमयपरसमयविऊ, तित्थियसमयाउ दंसइ विसेसं। जिणधम्मस्स अओ सो, उच्छाहं कुणइ जिणधम्मे सुत्तत्थं च पयासइ, निस्सेसनएहिं जिणमयण्णू य । उस्सग्गऽववायाणं, जहट्ठियं दंसइ विसेसं संविग्गो सब्भावं, कहेइ इइ पच्चओ न इयरम्मि। चरणकरणं चयंतो, चएज्ज सव्वंपि ववहारं गुणसुट्ठियस्स वयणं, घयमहुसित्तो व्व पावओ भाइ । गुणहीणस्स न सोहइ, नेहविहीणो जहा दीवो आयारे वटुंतो, आयारपरूवणे असंकेओ। आयारपरिब्भट्ठो, सुद्धचरणदेसणे भइओ भवसयसहस्सलद्धं, जिणवयणं भावओ चयंतस्स । जस्स न जायं दुक्खं, न तस्स दुक्खं परे दुहिए जहथाममुज्जमतो, संवेगं कुणइ तह य मज्झत्थो । अब्भुट्ठिएऽणुगिण्हइ, कयकरणो गाहणाकुसलो सत्तुवयारम्मि रओ, थिरपरिचियमऽत्थसुत्तमऽगिलाए। पुणरुत्तवाणिदाणाऽऽइ-णाउ सेहे करावेइ सेवेइ नाऽववायं, मियाण पुरओ दढपइण्णो त्ति [दारं] । अणुवत्तगो अणुवत्तइ, जहजोग्गं बहुविहविणेए मइमं जाणइ नियमा, उस्सग्गऽववायगोयरमऽसेसं। परिणामगाऽऽइसीसे य, विविहमयदेसणाजोग्गे पढवि पिव सव्वसहं, मेरुंव अकंपियं ठियं धम्मे। चंदमिव सोमलेसं, तं धम्मगरुं पसंसंतिकालण्णुं देसण्णुं, नाणाविहहेउकारणविहण्णुं । संगहुवग्गहकुसलं, तं धम्मगुरुं पसंसंति लोइयवेइयलोउत्तरेसु, नाणाविहेसु सत्थेसु । लद्धटुं गहियटुं, तं धम्मगुरुं पसंसंति धम्मगुरुसहस्साई, लहइ य जीवो भवेसु बहुएसु । कम्मेसु सिप्पेसु य, अण्णेसु य धम्मचरणेसु जो पुण जिणप्पणीए, निग्गंथे पवयणम्मि धम्मगुरू । संसारमोक्खमग्गस्स, देसओ स इह दुल्लंभो जह दीवा दीवसयं, पइप्पएसो य दिप्पए दीवो । दीवसमो धम्मगुरू, अप्पं च परं च दीवेइ धम्मण्णू धम्मपरायणो य, सम्मं च धम्मकत्ता य । सत्ताण धम्मसत्थऽत्थ-देसगो भण्णए सुगुरू चाणक्कपंचतंतय-कामंदकमाऽऽइरायनीईउ। वक्खाणंतो जीवाण, ण खलु अणुकंपओ होइ तह जोइसऽग्घकंडाऽऽइ, वेज्जयं मणुयतुरयहत्थीणं । धणुवेयधाउवायं च, परिकहंतो हणइ जीवे वावीकूवतडागाइ-गोयरं न खलु देइ उवएसं । जमऽसंखविणासेणं, न होइ थोवाणमऽणुकंपा एत्तो च्चिय सो हलसगड-पोयसंगामगोहणाऽऽईसु । उवएस पि हु कहं देइ, सत्तअणुकंपसंजुत्तो ता कसछेयाऽऽइविसुद्ध-धम्मगुणकणगदायगस्सेव। गुरुणो इह पत्थुयभाव-णाए दुलहत्तणं भणियं इय भावणाउ बारस, भद्दय ! संवेगसारचित्तेण । भावेसु भीमभवभित्ति-भंजणे करिघडाउ व्व जह जह दढप्पइण्णो, समणो वेरग्गभावणं कुणइ । तह तह असुहं सूराऽऽ-हयं व तिमिरं खयमुवेइ पइसमयभावणाभाव-णेण सब्भावनिब्भरं भविणो । मयणं व तिव्वतरजलण-संगमा गलइ चिरकम्म एइ न बंधं नवकम्मं, अवितहा भावणापहाणस्स । छिज्जंति चिन्भडुब्भङ-गंधा सुकुमारियाउ व्व अक्खंडचंडमायंड-किरणकवलियहिमोवलो व्व खयं । वच्चइ कम्मपबंधो, असुहो सुहभावणाहितो ता सुंदर ! दरमउलंत-लोयणो झाणजोगनिदाए । बारसगमऽसंगो भाव-णाण भावेसु भवभीओ इय बारसविहभावण-पडलपडिद्दारमेयमऽक्खायं । कित्तेमि सीलपालण-पडिदारं पण्णरसमेत्तो सीलं पुरिससहावो, सीलं चारित्तपालणं भणियं । आसवदारनिरोहा, अहवा सीलं मणसमाही पुरिससहावो य दुहा, पसत्थओ तह य अप्पसत्थो य । रागद्दोसाऽऽईहिं, कलुसो जो अप्पसत्थो सो होइ पसत्थो चित्तस्स, सरलया पयणुरागदोसित्तं । धम्माऽभिप्पाइत्तं च, एत्थ पगयं पसत्थेणं एयं सुपसत्थसहाव-लक्खणं सीलमऽविगलं जस्स। सो मूलगुणाऽऽधारो, धरिही सेसं पि गुणनियरं चयरित्तीकरणाओ, चारित्तं पुण भवे अणुढाणं । विहिपडिसेहाऽणुगयं, आसवविरईए तं च भवे जम्हा चरित्तपालण-लक्खणसीलस्स चेव वडिढकए। आसवनिरंभणपरं. इममवएसं दिसंति जहा इंदियदमणं काउं, कसायसेण्णं पि निम्महिय सव्वं । आसवदारनिरोहे, जइज्ज सइ निज्जरापेही
॥ ८९०४॥ ॥ ८९०५ ॥ ॥ ८९०६॥ ॥ ८९०७॥ ॥ ८९०८॥ ॥ ८९०९॥
॥८९१०॥ ..॥ ८९११॥ ।। ८९१२॥ ।। ८९१३ ॥ ॥ ८९१४॥ ॥ ८९१५ ॥ ।। ८९१६॥ ॥८९१७॥ ॥ ८९१८॥ ॥ ८९१९॥ ॥ ८९२० ॥ ।। ८९२१ ॥ ॥ ८९२२॥ ।। ८९२३ ॥ ॥ ८९२४ ॥ ॥ ८९२५ ॥ ॥ ८९२६॥ ॥ ८९२७॥ ॥ ८९२८॥ ॥८९२९ ॥ ।। ८९३०॥ ।। ८९३१॥
॥ ८९३२॥ ।। ८९३३ ॥ ।। ८९३४॥ ॥ ८९३५॥ ॥ ८९३६॥ ।। ८९३७॥ ॥ ८९३८॥ ॥ ८९३९ ॥
૨૫૨
Page Navigation
1 ... 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378