Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
इय इहलोए वि भवंति, पाणिणो गाढसोयगहगहिया। एवंविहाणऽणत्थाण, भायणं अमुणियसरूवा परलोए पुण असुई-जुगंछणुब्भूयपावपसरेण। पावेंति हीणजोणीसु, णेगसो जम्ममाईणि ता खवग ! देहविसयं, असुइत्तं सव्वहा वि मुणिऊणं । परमसुइत्तनिमीत्ते, धम्मे च्चिय उज्जमं कुणसु अण्णे उ पत्थुयम्मि, एत्थं असुइत्तभावणाठाणे । असुहत्तभावणं उवइसंति तो तं पि पयडेमि वज्जिय जिणिंदधम्मं, न सुहं भुवणे वि विज्जए अण्णं । कज्जं वा ठाणं वा, कहिंचि मच्चे व सग्गे वा धम्मऽत्थकामभेया, तिविहं कज्जं मणिच्छियं तत्थ । धम्मो च्चिय सुहकज्ज, असुहा पुण अत्थकामा उ वइराण रायहाणी, आयासकिलेससोगदुहखाणी। सावज्जाऽऽरंभपयं, पावाण परा य सूईया कुलसीलठिइविडंबी, सयणेहि वि सह विरोहकारी य। कुगईकारणमऽत्थो, अणत्थसत्थाण पंथो य लज्जाकरा विलीणा, तुच्छा आयाससाहणिज्जा य। किंचि मुहे महुरा वि हु, दुहाऽवसाणा सुबीभच्छा धम्मगुणहाणिजणगा, भयबहुला अप्पकालिया घोरा । संसारखुड्ढिजणगा, कामा कामिज्जमाणा वि सनरयतिरियगणम्मि, समाणुसाऽमरजणम्मि संसारे। निरुवद्दवं न किंचिवि, विज्जइ ठाणं पि जीवाणं बहुविहदुहाऽऽउलत्ता, परव्वसत्ता महंतमोहत्ता । तिरिएसु वि न सुहत्तं, नरए पुण तं कुओ चेव तह गब्भजम्मदारिद्द-रोगजरमरणविप्पओगेहिं । अभिभूएसुं मणुएसु, नऽत्थि थेवं पि हु सुहत्तं मंसवसण्हारुरुहिरऽट्ठि-विट्ठमुत्तंऽतपयइकलुसम्मि। नवछिड्डुपज्झरते, तद्देहे विहु सुहत्तं किं? पियविप्पओगसंताव-चवणभयगब्धभवणचिंताहि । विहिपहिं दुक्खेहि, अभिक्खणं खिज्जमाणाणं ईसाविसायमयलोह-पमुहदढभाववेरिएहिं पि। देवा विनिच्चं नडिया, ता कतो ताण-वि सुहत्तं सव्वाऽवत्थासुं पिहु, असुहसरूवे भवम्मि जं किंचि । जीवो इमो किलिस्सइ, पावाऽऽसवविलसियं तं से पावस्स आसवो सो, पाणवहाऽऽईहिं तह कसाएहिं । अनिरुद्धिदियमणवइ-काएहिं अविरईए य मिच्छत्तवासणाए य, पाणिणो आइयंति जं पावं। अच्चंतभूरिसलिलं, भूरिदुवाये तडागो व्व तथाहि-- जह सव्वओ असंवुड-वियडदुवारेहि कलुससलिलभरो। पविसइ सरोवरम्मि, कत्तो वि अपत्तपडिखलणो तह इहई पि हु जीवे, पाणवहाऽऽईहिं गरुयदारेहिं । निच्चं असंवुडेहिं, संगलइ पभूयपावभरो तो तेणं पडहत्थो, मच्छाऽऽईण व अणेगदुक्खाण। आभागी होइ जिओ, ता वज्जसु आसवं खवग! आसववसगो सत्तो, संतावं तिव्वमुव्वहइ जम्हा । ता पाणवहाऽऽइविरमणेण तस्संवरं कुणसु सव्वजियअप्पतुल्लो, संवरियाऽसेसआसवदुवारो। जीवो न तलागो इव, पूरिज्जइ पावसलिलेहि तथाहिजह संवरियदुवारे, न पविस्सइ पाणियं वरतलागे। तह ठवियाऽऽसवदारे, जीवम्मि पावनिवहो वि ते धण्णा ताण नमो, तेहिं समं निच्च होज्ज संवासो। जे पिहियाऽऽसवदारा, दूरं पावस्स विहरंति संवरियसव्वआसव-दुवारपसरो य संपयं सम्मं । नवमं विणिज्जराभावणं पि भावेसु खवग! जहा पुव्वं सयं कडाणं, सुदुप्परकंतदुद्दचिण्णाणं । कम्माण वेयणाओ, भणिओ मोक्खो जिणेहिं तहा तिव्वसुहऽज्झवसाया, सव्वासिं चेव कम्मपगडीणं । अनिकाइयाण पायं, जायइ सज्जो विनिज्जरणं छट्ठट्ठमदसमदुवालसऽद्ध-मासाऽऽइणा विचित्तेण । तवसा पुण कम्माणं, निकाइयाणं पि निज्जरणं तावेइ तयारुहिराऽऽइ-धाउणो तह य सव्वकम्माणि । तेण तवो त्ति निरुत्तं, तक्स्स समयण्णुणो बिति तत्थ किर वेयणेणं, नेरइयाऽऽईण कम्मनिज्जरणं। सुहभावा भरहाऽऽईण, संबपमुहाण पुण तवसा तथाहिनेड्याऽऽईणं किर, अणवरयविचित्तदुक्खतवियाणं । कम्माण विणिज्जरणं ति, कित्तिज्जइ देसओ नवरं
।। ८७३७॥ ॥ ८७३८॥ ॥८७३९॥ ॥८७४०॥ ॥ ८७४१ ॥ ॥८७४२॥ ।। ८७४३ ॥ ॥८७४४॥ ॥ ८७४५॥ ॥ ८७४६॥ ॥८७४७॥ ॥८७४८॥ ॥८७४९॥ ।। ८७५०॥ ॥ ८७५१॥ ॥ ८७५२॥ ॥ ८७५३ ॥ ।। ८७५४ ॥ ॥ ८७५५ ॥
॥८७५६॥ ॥ ८७५७॥ ॥ ८७५८॥ ॥ ८७५९ ॥ ॥ ८७६०॥
॥८७६१॥ ॥ ८७६२॥ ॥ ८७६३ ॥ ॥८७६४॥ ॥८७६५॥ ॥ ८७६६॥ ।। ८७६७॥ ॥ ८७६८॥
॥८७६९॥
૨૪૦
Page Navigation
1 ... 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378