Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
सव्वजियअप्पभूए, निब्भरपसमरसथिमियसव्वंगे। अह समणे निग्गंथे, सुंदर! सरणं पवज्जाहि इच्छामिच्छाऽऽईयं, पडिलेहपमज्जणापमुहमऽहवा। दसभेयचक्कवालय-सामायारिं पइ सुलग्गे छट्ठट्ठमदसमदुवालसद्ध-मासाऽऽइतवविसेसेसु । जहसत्तिमुज्जमंते, पेउमाऽऽतीहिं उवमिणिज्जे पंचसमिइप्पहाणे, पंचविहाऽऽयारधारए धीरे। सुंदर! पावपसमणे, समणे सरणं पवज्जाहि गुणरयणमहानिहिणो, समत्थसावज्जजोगपडिविरए। विहडियसिणेहनियडे, संजमभरवहणधुरधवले जियकोहे हिंयमाणे, जियमाए विजियलोहजोहे य। जियरागदोसमोहे, जिइंदिए विजियनिद्दे य जियमच्छरे जियमए, जियकामे जियपरीसहाऽणीए। अह समणे भगवंते, सुंदर! सरणं पवज्जाहि वासीचंदणकप्पे, तुल्ले संमाणणाऽवमाणेसु । सुहदुहसमाणचित्ते, समचित्ते सत्तुमित्तेसु सज्झायऽज्झयणपरे, परोवयारेक्ककरणदुल्ललिए। सुविसुज्झमाणभावे, सम्म पिहियाऽऽसवदुवारे मणगुत्ते वइगुत्ते य, कायगुत्ते पसत्थलेसे य । अह भगवंते समणे, सुंदर! सरणं पवज्जाहि नवकोडीपरिसुद्धं, मियमऽपणीयं अरागदोसंच। कारणछक्काऽणुगयं, महुयरवित्तीपवित्तं च निरवज्जमेगवेलिय-मरसं विरसं च समणजणजोग्गं । भत्तं भुंजिउकामे, भोच्चा संजमगुणरए य उग्गतवसा किसंऽगे, सुक्के लुक्खे य अपडिकम्मंगे। अहिगयदुवालसंगे, समणे सरणं पवज्जाहि संविग्गे गीयत्थे. धवमस्सप्पंतचरणकरणगणे । संसारसरणकारण-पमायपयवज्जणुज्जुत्ते वोक्कंताऽणुत्तरदेव-तेओलेसेऽवहत्थियकिलेसे। सफलीकयचउरंगे, दूरसमुज्झियसयलसंगे धीमंते गुणवते, सिरिमंते सीलवन्तभगवंते। सुंदर! सुहभावेणं, समणे सरणं पवज्जाहि सव्वाऽइसयनिहाणं, समत्थपरतित्थिसासणपहाणं । सुविचित्तसंविहाणं, निबंधणं निरुवमसुहाणं असमंजससुइदुक्खऽद्दियाण, आणंददुंदुभिनिनायं । रागाऽऽइवज्झपडहं, मग्गं सग्गाऽपवग्गाणं भीमभवाऽगडनिवडिय-भुवणसमुद्धरणसज्जरज्जु व। अह जिणधम्म सम्मं, सुंदर! सरणं पवज्जाहि जोयमहामइमुणिजण-पणमियचलणेहिं तित्थनाहेहिं । झेयत्तेणुवइट्ठो, मुणीण तं मोहनिम्महणं सुनिउणमऽणाइनिहणं, भूयहियं भूयभावणमऽणग्छ । अमियमऽजियं महत्थं, महाणुभावं महाविसयं सुविचित्तजुत्तिजुत्तं, अप्पुणरुत्तं सुहाऽऽसयणिमित्तं । अनिउणजणदुण्णेयं, नयभंगपमाणगमगहणं नीसेसकिलेसहरं, हरिणंकवलक्खगुणगणोवेयं । अह सुंदर! जिणधम्म, सम्मं सरणं पवज्जाहि सग्गाऽपवग्गमग्गाऽणु-लग्गसंविग्गसव्वभव्वाणं । अप्पडिहयप्पमेयं, परमपमाणं जमऽच्चत्थं दव्वं खेतं कालं, भावं च पडुच्च सयललोयगयं । जम्मजरमरणवेयाल-वारणे सिद्धवरमंतं पयडियपयत्थगोयर-हेओवाएयसम्मपविभागं । तं सुंदर! जिणधम्मं, सम्मं सरणं पवज्जाहि सयलसरिवालुयासयल-जलहिजलमेलसमुदयाहिंतो। पइसुत्तमऽणंतगुणं, अत्थं अणहं परिवहतं मिच्छत्ततमंऽधाणं, निव्वाघायप्पयासवरदीवं । आसं दीणासासग, दीवं च भवोयहिगयाणं चित्ताऽइक्कन्तपयाणओ य, चिन्तामणीओ अब्भहियं । हे खवग! जिणपणीयं, धम्म सरणं पवज्जाहि जणगं व हियं जणणि व, वच्छलं बंधवं व गुणजणगं । मित्तं व अदोहकरं, समत्थजयजीवरासिस्स सोयव्वाण पयरिसं, दुलहाणं परमदुल्लहं लोए। भावाऽमयं व परमं, देसगमऽसमं सिवपहस्स . नाहं अपत्तपावणगुणेण, पत्तस्स पालणेणं च । सुंदर! जिणेंदधम्मं, सम्मं सरणं पवज्जाहि वत्थुगयबोहसाहग-मंऽगाऽणंगप्पविट्ठसुयरूवं। विहिपडिसेहाऽणुगकिरिय-रूवं चारित्तरूवं च निव्विवस्वेरिवारोव-रुद्धकायरनरो व्व तायारं। नावं व जलहिपडिओ, धम्म सरणं पवज्जाहि अट्टविहकम्मचयरित्ति-कारगं वारगं च कुगतीए। परिचितेउं सोउंपि, दुक्करं कायरजणाणं १. परमातीहिं = पद्मादिभिः, २. हियमाणे = हृतमानान्,
॥ ८२८१॥ ॥ ८२८२॥ ॥ ८२८३ ॥ ॥ ८२८४ ॥ ॥८२८५ ॥ ॥८२८६॥ ॥८२८७॥ ॥ ८२८८॥ ।। ८२८९॥
॥ ८२९०॥ • ॥ ८२९१॥
॥८२९२॥ ।। ८२९३ ॥ ॥८२९४॥ ॥८२९५॥ ।। ८२९६॥
॥८२९७॥ ।। ८२९८॥ ॥ ८२९९ ॥ ।। ८३००॥ ।। ८३०१॥ ॥ ८३०२॥ ॥ ८३०३ ॥ ॥ ८३०४॥ ।। ८३०५॥ ॥८३०६॥ ॥ ८३०७॥ ॥ ८३०८॥ ॥८३०९॥ ॥ ८३१०॥ ॥८३११ ॥ ॥८३१२॥ ॥ ८३१३॥ ॥ ८३१४॥ ॥ ८३१५॥
૨૩૪
Page Navigation
1 ... 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378