Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
॥ ८४५८॥ ॥८४५९॥ ॥ ८४६०॥ ॥८४६१॥
एत्थ भवे अण्णत्थ व, सयं परेहिं च ते वि खामेसु । तिविहं तिविहेणं पि हु, स एस तुह खामणाकालो इय-तिरियमणुयदेवे, मणुयत्तविरहिए खमावेत्ता । खामेसु खवग ! संपइ, देवत्तविराहिए सम्म भवणवइवाणमंतर-जोइसवेमाणियत्तपत्तेणं । नेरइयतिरियमणुया, दूहविया जे य देवा य मज्झत्थमणो होउं, तिविहं तिविहेण भावओ खवग!। खामेसु संपयं ते, स एस तुह खामणाकालो तत्थपरमाहम्मियभावं, गएण दुक्खाइं बहुपयारेहिं । नेरइयाणं रइयाई, जाई ताई पि खामेसु उवभोगपरीभोगाऽऽइ-कारणपुढविकायपभिईणं । तधिस्सियाण बेइं-दियाऽऽइजीवाण तह जंच देवत्तणम्मि विहियं, विराहणं रागदोसमोहेहिं । खामेसु तं पि सम्मं, स एस तुह खामणाकालो जंच किर माणुसाणं पि, वइरनिज्जायणाऽऽइकज्जेण । अवहरणं बंधवहछेय-भेयधणहरणमरणाऽऽई देवत्तणे च्चिय कयं, तिक्खं दुक्खं कसायकलुसेणं । खामेसु तं पि सम्म, स एस तुह खामणाकालो जंच तियसत्तणे च्चिय, महिड्ढियत्तेण इयरदेवाणं । आएसदाणवाहण-ताडणपरिभवकरणपमुहं विहियं महंतमऽसुहं, चित्ताऽचलचुण्णणेक्कवज्जसमं । खामेसु तं पि सम्मं, स एस तुह खामणकालो इय नारयतिरियनराऽमरंगि-कयखामणो वि पत्तेयं । पंचमहव्वयविसयं, अइयारं इण्हि परिहरिलं सव्वजगज्जीवेसुं. सुहमेसु य बायरेसु जं दुक्खं । इह परभवे य मणयं पि, कप्पियं तं पि निंदाहि संजणियपाणिपीडं, पओसहासाऽऽइणा अलियवयणं । अण्णाणंऽधेणं जं पि, जंपियं तं पि निंदाहि परसंतमऽदत्तं कहवि, किंपि लोभाऽऽइगहियमऽवलवियं । जंतं पि पावपंसुं, पसरन्तं भद्द ! रुंभाहि नरतिरियाऽमरगोयर-मणवायाकायमेहुणसमुत्थं । जंपिय पावं तं पि हु, तिविहं तिविहेण निंदाहि सच्चित्ताऽच्चित्ताऽऽईसु, दव्वेसु परिग्गरं कुणंतेणं । जं पावं खवग! कयं, तं जिंदसु तिविहतिविहेणं रसगिद्धीए कारणवसेण, अण्णाणओ य किंपि कहिं। जं रत्तीए भुत्तं, तं पि हु सव्वं पि निंदाहि वोलीणाऽणागयवट्टमाण-कालेसु जाइं वइराइं। जीवेहि सह कयाई, ताणि वि निंदाहि सव्वाणि जे य मणोवइकाया, असुहा उ सुहाऽसुहेसु वत्थूसु । वावारिया उ तीसु वि, कालेसुं ते वि निंदाहि दव्वं खेत्तं कालं, भावं च पडुच्च जंच सकंपि। न कयं किच्चमऽकिच्चं पि, विहियमऽह तं पि गरिहाहि लोयम्मि-कुतित्थपवत्तणाउ, मिच्छत्तसत्थदिसणाउ। मग्गविणिगृहणाओ, उम्मग्गपरूवणाओ य कम्मप्पबंधबंधण-निबंधणं अप्पणो परेसिं च । जाओ सि खवग! जंतं, तिविहं तिविहेण गरिहाहि पावाऽऽरंभपसत्ताई, जाइं एत्थं अणाइनिहणम्मि। पइजम्मं कम्मवसा, भवचक्के चंकमंतेणं गहियाणि य मुक्काणि य, हे खमग ! सरीरगाणि विविहाणि । सुसिणिद्धकुडुंबाणि य, ताइं सव्वाणि वोसिरसु लोहवसट्टेण समज्जिऊण, जो पावठाणपडिबद्धो । विहिओ अत्थो तं पि हु, सम्म सव्वं पि वोसिरसु वोलीणाऽणागयवट्टमाण-काले पवत्तिया जे य । पावाऽऽरंभा ते विहु, सम्मं सव्वे वि वोसिरसु वितहं परूवियं जं, जिणवयणं वितहमेव सद्दहियं । अणुमण्णियं व वितहं, तं तं सव्वं पि गरिहाहि
खेत्तऽद्धाऽऽइदोसा, जइवि न सम्म अणुट्ठिउं तरियं । जिणवयणं तह वि हुजं, पडिबंधो असदऽणुट्ठाणे विहिओ मणोरहा वि हु, सम्माऽणुट्ठाणगोयरा न कया। तं सविसेसं सुंदर!, निंदाहि पुणो पुणो सम्म किं बहुणा भणिएणं, समतणमणिले/कंचणो होउं। समसत्तुमित्तचित्तो य, गरुयसंवेगसारो य सच्चित्तमऽचित्तं मीस-गं च दव्वं पडुच्च जं पावं । विहियं तं पि हु गरिहाहि, तिविहतविहेण खवग! तुमं नगनगराऽऽगरगामाऽऽ-रामविमाणाऽऽइभवणखलगाऽऽइ। आसज्ज जंपि किचि वि, उड्ढाऽहोतिरियलोएसु वोलीणाऽणागयवट्टमाण-सीउण्हवासकालेसु । जंपि य कहं पि राओ, दियाओ दीहडप्पठिइयं वा ओदइयाऽऽइयभावट्ठिएण, गुरुरागदोसमोहेहिं । सुवणे जागरणे वा, तिव्वाऽऽइभेयभिण्णं च
॥ ८४६२॥ ।। ८४६३ ॥ ॥८४६४॥ ॥ ८४६५॥ ॥ ८४६६ ॥ ॥ ८४६७॥ ॥८४६८॥ ॥८४६९ ॥ ॥ ८४७०॥ ।। ८४७१॥ ॥ ८४७२॥ ॥ ८४७३॥ ॥ ८४७४॥ ॥८४७५ ॥ ॥ ८४७६॥ ।। ८४७७॥ ।। ८४७८॥ ॥ ८४७९ ॥ ।। ८४८० ॥ ॥ ८४८१॥ ॥८४८२ ॥ ॥८४८३॥ ।। ८४८४ ॥ ॥ ८४८५॥ ॥ ८४८६ ॥ ॥ ८४८७॥ ॥ ८४८८॥ ॥८४८९ ॥ ॥८४९० ॥ ॥ ८४९१॥ ।। ८४९२॥
૨૩૯
Page Navigation
1 ... 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378