Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
।। ८१०६ ॥ ॥८१०७॥ ॥८१०८॥ ॥८१०९॥ ।। ८११०॥ ।। ८१११॥ ॥८११२॥ ॥ ८११३ ॥ ॥८११४॥ ॥८११५॥ ॥ ८११६॥ ॥ ८११७॥ ॥ ८११८ ॥ ॥ ८११९ ॥ ॥८१२०॥ ॥ ८१२१ ॥ ॥ ८१२२॥
पडिओ चंचुपुडाओ, सलिलोवरि कहावि चारुदत्तो तं । सत्थेण भिंदिऊणं, गब्भाओ इव विणिक्खंतो एवंविहवसणाई, अणिट्ठसंगेण पाविओ इण्हेिं । जह सिट्ठसंगतो सिरि-मऽणुपत्तो सो तहा सुणसु तं जलमुल्लंघित्ता, संनिहिए सो गतो रयणदीवे । तं च पलोएमाणो, आरूढो सेलकूडम्मि काउस्सग्गेण ठियं, अमियगई नाम चारणं समणं । तत्थ य दळु वंदइ, पहरिसपुलयंचियसरीरो मुणिणा वि काउसग्गं, पाराविय दिण्णधम्मलाभेण । भणियं कह दुग्गे इह, समागओ चारुदत्त ! तुम सुमरसि किं न महायस!, जं तुमए हं पुरीए चंपाए । सत्तुब्बद्धो काणण-गएण परिमोइओ पुव्वं विज्जाहररज्जसिरि, भुजित्ता केत्तियाणि वि दिणाणि । पडिवण्णो पव्वज्जं, आयावितो इह वसामि एमाऽऽइ जा पयंपइ, अमियगती ताव मयणपडिरूवा। ओयरिया गयणाउ, दोण्णि विज्जाहरकुमारा साहुं नमंसिऊणं, अभिवंदेऊण चारुदत्तं च । आसीणा धरणीए, भालोवरि रइयकरकमला एत्थंतरम्मि मणिमय-मउडोणामियसिरो सुरो एइ । वंदइ य चारुदत्तं, पढमं पच्छा तवस्सिं पि अह विम्हिएहि विज्जाहरेहिं, पुट्ठो सुरो अहो ! कम्हा । साहुं मोत्तूण तुमं, पडिओ गिहिणो पएसुं ति भणियं सुरेण एसो, धम्मगुरू मज्झ चारुदत्तो त्ति । पावाविओ इमेणं, दितेणं जिणणमोक्कारं मरणम्मि अजो हुँतो, देवसिरि एरिसं सुदुल्लंभं । एत्तो च्चिय जाणामि, मुणिणो सव्वण्णुणो य जओ वुत्तो य चारुदत्तो, सुरेण भो! वरसु संपइ वरं ति । एज्जासि सुमरणम्मि, इय भणिओ चारुदत्तेण देवो गओ सथामं, तत्तो विज्जाहरेहिं गुणवं ति । पउरमणिकणयसंभार-भरियगुरुए विमाणम्मि आरोविऊण चंपा-पुरीए नेऊण निययभवणम्मि । मुक्को य चारुदत्तो, पत्तो य समुण्णइं परमं इय दुटुसिट्ठगोट्ठी-फलाइं आलोइउं इहभवे वि। निम्मलगुणड्ढसुवियड्ढ-वुड्ढसेवाए जइयव्वं किचनिच्चं वुड्ढसहावे, तरुणे वुड्ढे य सुठ्ठ सेवंता । तह गुरुकुलमऽमुयंता, चरति बंभव्वयं धीरा कामाऽणिलेण हिययं, पचलइ पुरिसस्स अप्पसारस्स । पेच्छंतस्स य बहुसो, इत्थीयणवयणरमणाणि मंथरगइठाणविलास-हासबिब्बोयहावभावेहिं । सोहग्गरूवलावण्ण-लट्ठसंठाणचेट्टाहि । अद्धऽच्छिपेच्छिएहिं वि, विसेसदरहसियजंपियव्वेहि। सरसपइक्खणसंलाव-ललियलीलाइयव्वेहिं पयईए सिणि हिं, पयईए मणोहरेहिं पाएणं । थीसंतिएहिं पुरिसो, रहमिलणेहिं च खुभइ तओ कमवढियपीइरइ-पावियवीसंभपणयपसरो य । लज्जालुओ वि पुरिसो, किं किं तं जं न वि करेइ तहाहिपिइमाइमित्तगुरुसिटु-लोयरायाऽऽइसंतियं लज्जं । गउरवमऽवरोहं परि-चयं च दूरेण परिहरइ कित्तिं अत्थविणासं, कुलक्कम पाविए य धम्मगुणे । करचरणकण्णनासाऽऽइ-लुंपणं पि हुन पेहेज्जा संसग्गीमूढमणो, मेहुणरमिओ विमुक्कमज्जाओ। पुव्वावरमऽगणेतो, किमऽकिच्चं जं न आयरइ इंदियकसायसण्णा-गारवपमुहा सहावओ सव्वे । संसग्गिलद्धपसरे, पुरिसे अचिरा वियंभंति थेरो बहुस्सुओ वि हु, पमाणभूओ मुणी तवस्सी वि। अचिरेण लहइ दोसं, महिलावग्गस्स संसग्गा किं पुण तरुणा अबहु-स्सुयाऽऽइणो सरुइचारिणो मंदा । तस्संसग्गीए मूलओ, (ते) विनट्ठच्चिय भवंति महिलासंसग्गीए, अमाणुसाऽडविकडिल्लवासी वि। नइकूलवालगमुणी, विडंबणं पाविओ परमं । जो महिलासंसग्गिं, विसं व दूराउ चेव परिहरइ । नित्थरइ बंभचेरं, जावज्जीवं अकंपं सो अवलोयणमेत्तेण वि, जं मुच्छं ताओ देंति पुरिसस्स । तेण हयमहिलियाणं, नयणाई विसाऽऽलयाई फुडं मारेइ एक्कसि चिय, तिव्वविसभुयंगवग्गसंसग्गी । इत्थीसंसग्गी पुण, अणंतखुत्तो नरं हणइ इय वयवणमूलऽग्गिं, थीसंसग्गिं सया वि जो चयइ । स सुहेण बंभचेरं, नित्थरइ जसं च वित्थरइ
॥ ८१२३ ॥ ॥८१२४॥ ।। ८१२५॥ ॥८१२६॥ ॥८१२७॥ ॥८१२८॥
॥ ८१२९॥ ।। ८१३०॥ ।। ८१३१॥ ॥ ८१३२॥ ॥ ८१३३ ॥ ॥ ८१३४ ॥ ॥८१३५ ॥ ॥८१३६॥ ॥८१३७॥ ॥८१३८॥ ॥८१३९ ।।
૨૨૯
Page Navigation
1 ... 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378