Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
चिक्खल्लपाणथंडिल-वसहीगोरसजलाऽऽउले वेज्जे। ओसहनिचयाऽहिवइ-पासंडा भिक्खसज्झाए
॥ ७४२८॥ साहम्मियजणपउरो, अणुड्डुओ आरिओ अपच्चन्तो। संजमगुणेक्कहेऊ, साहुविहाराऽरिहो देसो
॥ ७४२९॥ चंडभुयदंडमंडव-निवेसियाऽसेसचक्कवट्टिसिरी । नमिरनरनाहसिरमणि-मऊहविच्छुरियपयवीढो
॥ ७४३०॥ भरहो राया रयणंऽ-गुलीयगलणुब्भवन्तसंवेगो। अंतेउरमज्झगओ वि, केवलं झत्ति संपत्तो
॥ ७४३१ ॥ एवंविहाउ थीभत्त-देसनरनाहगोयराओ वि। धम्मगुणहेउयाओ, कहाओ ताओ न विकहाओ
॥७४३२॥ इय जइ विगहागहगसिय-धम्मसारस्स परिगलंति गुणा । संजमगुणोवउत्तस्स, ता वरं चिट्ठिउं जुत्तं
॥७४३३॥ एस विकहापमाओ, भणिओ तब्भणणओ य पुण भणिओ। मज्जाऽऽइलक्खणो खलु, पंचपयारो पमाओ वि ॥७४३४ ॥ अण्णं पि समयविउणो, जूयपमायं भणंति किर छटुं। सो पुण लोगद्गस्साऽवि, बाहगो चेव निद्दिट्ठो ॥ ७४३५॥ इहलोगे ताव नरो दुज्जयजूयप्पमायसत्तुजिओ। चउरंगबलसमेयं, सज्जो रज्जं पि हारेइ
॥ ७४३६॥ हारेइ धणं धण्णं, खेत्तं वत्थु सुवण्णयं रुप्पं । दुपयं चउप्पयं पि हु, निस्सेसं कुवियजायंच
।। ७४३७॥ किं बहुणा अंगगयं पि, जाव कच्छोटयं पि हारित्ता । पहपडियपत्तकप्पड-पच्छाइयकडियलविभागो . ॥ ७४३८॥ हारियसव्वस्सो वि हु, देहाऽवयवं पि हत्थपायाऽऽई। उड्डिय जूयाराणं, जूयं चिय रमइ मूढमणो
॥ ७४३९॥ ढिंढो रणाऽवणीए, अगणियअत्थव्वओ सह परेहिं । जयबद्धमणो विलसइ, जूयारो रायपुत्तो व्व
॥ ७४४०॥ अहवाअगणियछुहापिवासो, अगणियसीउण्हदसमसगो य । अगणियअत्तसुहदुहो, अगणियसयणाऽऽइपडिबंधो ॥ ७४४१॥ अगणियपरोवहासो, निप्पडिकम्मो निराऽऽवरणदेहो। जियनिद्दो थिरएगग्ग-धारणो पत्थुयत्थम्मि
॥ ७४४२॥ अण्णत्तो विणियत्तिय, तुरंगतरतरलइंदियप्पसरो। ओ! नज्जइ जूयारो, झाणोवगओ महरिसिव्व
॥ ७४४३॥ जरचीरियानिवसणो, लीहालयखडियखरडियसरीरो। कंडूयणुट्ठियरेहो, समंतओ लुलियकेसो य
॥ ७४४४॥ खरफरुससरीरच्छवि-कडित्तघसणुत्थहत्थकिणजालो। अवणिद्दयरत्तऽच्छो, उवमिज्जइ केण जूयारो ॥ ७४४५॥ सो तारिसो वराओ, पइदिणवटुंतजूयदढराओ। पइखणअवरोप्परविहिय-संपराओ अगाराओ
॥ ७४४६॥ कि पि हु अपावमाणो, हारइ भज्जं पितं च मोएउं । चितेइ चोरियं पि हु, तप्परिणयमाणसो य तओ ॥ ७४४७॥ तत्थेव संपयट्टइ, तहा पयट्टो य पावइ पावो । सो तइयपावठाणग-वण्णियदोसे असेसे वि
॥ ७४४८॥ ओवाइयाइं इच्छइ, कुलदेवयजक्खसक्कमाऽऽईणं । निवडंतसमत्थाऽणत्थ-सत्थनित्थरणकज्जकए ॥ ७४४९॥ जहाअहियं सऽहिओ खिज्जउ, जूययरा खयमुवेंतु सव्वे वि। वसमंतु अणत्था पुण, होउ य अत्थो महं विउलो ॥७४५०॥ एवं च चिंतयंतो, अपुण्णवंछो वहं च बंधं च । रोहं अंगच्छेयं, तेहिंतो लहइ मरणं पि
॥ ७४५१॥ एवं च कुलं सीलं, कित्ति मित्तिं परक्कम सकमं । सत्थं अत्थं कामं, जूयप्पसत्तो पणासेइ
॥ ७४५२॥ इय इहलोइयगुणवज्जिओ कहं सुगइहेउणो सम्मं । सक्को समऽज्जिणेउं, गुणे जणे लद्धधिक्कारो
॥ ७४५३॥ पामाकंडुयणसुहेल्लि-तुल्लमऽवि वासणाजणियमऽणुयं । किर किं पि कामकीलाए, कामुओ कलयइ सुहं पि ॥७४५४ ॥ नीरसचिरकालियहड्ड-खंडकवलणसमेण साणो व्व । जूयरमणेण किर किं, जूयारो पुण मुणइ सोक्खं ॥ ७४५५॥ गेहसिरी देहसिरी, सिठ्ठत्तसिरी य सुहसिरी अहवा । इहपरलोयगुणसिरी, सज्जो जूयाओ जाइ खयं
॥ ७४५६॥ सुव्वंति य एत्थऽत्थे, सत्थेसु अणेगहा कहाणाई । हारियरज्जाऽऽईणं, नलपंडवपमुहराईणं
॥ ७४५७॥ अण्णे पुण अण्णाणं, मिच्छानाणं च संसयं रागं । दोसं सुईए भंसं, अणाऽऽयरं तह य धम्मम्मि
॥ ७४५८॥ मणवयणकायजोगाण, दुप्पणिहाणाणमऽह परं काउं। पत्थुयपमायमेयं, अट्ठपयारं परूवेंति
॥ ७४५९॥ तत्थ य नाणाऽभावं, अण्णाणं नाणरासिणो बेंति । तं पुण सव्वाणं पि हु, जीवाणं दारुणो सत्तू
॥ ७४६०॥ कट्ठाण परमकट्टे, अहिट्ठिओ जेण एस जंतुगणो। अप्पगयं पि हियाहिय-मऽटुं न मुणइ मणागं पि
।। ७४६१ ॥ नवरं नाणाऽभावो, थोवत्तविवक्खया इहं नेयो। नो पुण स सव्वह च्चिय, जहा इमा अणुदरी कण्णा ॥ ७४६२॥ १. ढिंढो - पतितः,
૨૧૦
Page Navigation
1 ... 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378