Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
मुणिणा वुत्तं पुत्तय!, जइ एवं देमि ता अहं दव्वं । संलत्तमऽगलदत्तेण, सामि ! दढमऽणुगिहीओ हं एत्थंऽतरम्मि अत्थवण-मुवगयं चंडभाणुणो बिम्बं । तदऽकज्जकरणवंछ व्व, पसरिया सव्वओ संझा तीए य अइगयाए, समुच्छलतेसु तिमिरनियरेसु । आयड्डिऊण खग्गं, तिदंडमज्झाउ निसियऽग्गं आबद्धपरियरो सो, समगं चिय झत्ति अगलदत्तेण । नगरीए गओ खत्तं च, पाडियं धणवइगिहम्मि आयड्डियाउ तत्तो, पेडाउ भूरिभंडभरियाउ। मोत्तूण अगलदत्तं, तहिं च सुरभवणसुत्तनरा उट्ठविऊणं उवलोभिउंच, परिवायगेण आणीया। गिहावियाओ ताओ, तत्तो तेहिं सह पुरीओ सिग्घं चिय निक्खंतो, पत्तो एगम्मि जिण्णउज्जाणे । भणिया य तेण पुरिसा, सप्पणयं अगलदत्तो य रे पुत्ता! सुयह खणं, इहेव जा सव्वरी गलइ कि पि। पडिवण्णं सव्वेहि, सुत्ता य सुनिब्भरं सव्वे नवरं संकियचित्तो, निद्दाकवडेण ठाउं खणमेकं । तरुगहणम्मि निलुक्को, नीहरिऊणं अगलदत्तो निद्दावसगा य परे, पुरिसा णाउं तिदंडिणा निहया। सत्थरए हणणत्थं, निरिक्खिओ अगलदत्तो वि तं च अपेच्छंतो सो, वणगहणे पेहिउं समाऽऽरद्धो। अभिमुहमितो य हओ, खग्गेणं अगलदत्तेणं अह गाढघायवियणा-घुम्मिरदेहेण तेण संलत्तं । विगयप्पायं हे वच्छ!, जीवियव्वं मह इयाणि ता गिण्हसु मम खग्गं, वच्चसु य मसाणपच्छिमविभागे । तहियं च चंडियाऽऽययण-भित्तिपासम्मि ठाऊणं । सई करेज्ज जेणं, तब्भूमिहराउ नीइ मम भइणी । दंसेज्जसु तीए असिं, जेणं सा भवइ तुह भज्जा दंसइ य गेहसारं, एवं वुत्तम्मि अगलदत्तेण । तह चेव कयं ता जाव, भूमिभवणम्मि वि पइट्ठो दिट्ठा य तत्थ पायाल-कण्णगा विव मणोहरसरीरा । एगा जुवई पुट्ठो, तीए कत्तो तुमं सि त्ति आयड्डिऊण खग्गं, निदंसियं तीए अगलदत्तेण । मुणियं च णाए नियभाउ-मरणमऽह रंभिउं सोगं संभमभरियऽच्छीए, सुहय! तुहं सागयं ति भणिरीए। उवणीयमाऽऽसणं से, आसीणो सो य साऽऽसंको तीए य पुव्वविरइय-गरुयसिलाजंतसंगया सेज्जा। दिव्वोवहाणकलिया, पगुणा सव्वाऽऽयरेण कया भणिओ य अगलदत्तो, वीसमसु खणं इहं महाभाग ! । वीसंतो सो य तर्हि, नवरं एवं विचिंतेइ नूणं न सुंदरमिहाऽ-वत्थाणं मा भवेज्ज कूडमिमं । ता निदं अकुणंतो, ठामि इमा वच्चए जाव अह ठाऊण खणं सा, जंतनिवाडणकएण नीहरिया । इयरो वि पएसन्तर-मऽल्लीणो उज्झिउंसेज्जं तीए य कीलियं फेडिऊण सा पाडिया सिला सहसा । भग्गा य तीए सेज्जा, सव्वत्तो निवडमाणीए तो परमहरिसपसरिय-वियसियहिययाए तीए संलत्तं । हा! सुट्ट हओ दुट्ठो, मह भाउविणासकारित्ति तो धाविऊण धरिया, केसकलावम्मि अगलदत्तेण । हा! हा! दासीधीए!, को मं हणइ त्ति भणिरेण पाएसु निवडिऊण य, संलत्तं तीए रक्ख रक्ख त्ति । चत्ता तत्तो नीया य, राइणो पायमूलम्मि सयलो से वुत्तंतो, सिट्ठो तुडेण तो महीवइणा। दिण्णा महई भुत्ती, लोगेण य पूइओ बाढं सव्वत्थ जायकित्ती, गओ य कालक्कमेण नियनगरिं। दिण्णा पिउणो भुत्ती, रण्णा सक्कारिऊणं से निद्दाचागाऽचागे, एवं संपेहिऊण गुणदोसे । इहपरभवसुहकामी, को बहुमण्णेज्ज नि ति किंच- ... नरवइसेवापमुहे, ववसाए बहुविहे वि इहभविए। सज्झायज्झाणाऽऽई, परभविए वि हु हणइ निद्दा रिउणो लहंति छिड्डु, डसंति सप्पा पसुत्तमऽह कहवि । अग्गीए होइ गम्मो, सुविरो त्ति हसंति मित्ताऽऽई दोसकरोवरिसंठिय-जियमुत्ताऽऽई मुहेऽहवा पडइ। अह खुद्ददेवया वा, छलइ पसुत्तं पमत्तं ति तं दक्खत्तं सो बुद्धि-पयरिसो तं च किर सुविण्णाणं । पुरिसस्स अन्तरिज्जइ, एक्कपए चेव निदाए अण्णं चनिद्दातमस्स सरिसो, सव्वाऽऽवारी परं तमोणऽत्थि। ता निज्जिणेज्ज सम्मं, निदं झाणस्स विग्घकरि जओजागरिया धम्मीणं, आहम्मीणं तु सुत्तया सेया । वच्छाऽहिवभगिणीए, अकहिंसु जिणो जयंतीए
॥ ७३२१ ॥ ॥ ७३२२॥ ॥ ७३२३॥ ॥ ७३२४॥ ।। ७३२५॥ ॥७३२६ ॥ ।। ७३२७॥ ॥ ७३२८॥ ॥ ७३२९॥ ॥ ७३३०॥ ।। ७३३१॥ ।। ७३३२ ॥ ॥ ७३३३॥ ॥ ७३३४॥ ॥ ७३३५॥ ॥ ७३३६॥ ।। ७३३७॥ ॥ ७३३८॥ ॥ ७३३९॥ ॥ ७३४०॥ ॥ ७३४१ ॥ ॥ ७३४२॥ ॥ ७३४३॥ ॥ ७३४४॥ ।। ७३४५॥ ॥ ७३४६॥ ॥ ७३४७॥ ॥ ७३४८॥ ॥ ७३४९॥
॥ ७३५०॥ ॥७३५१॥ ॥ ७३५२॥ ।। ७३५३ ॥
॥७३५४॥
॥७३५५ ॥
૨૦૦
Page Navigation
1 ... 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378