Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
कलहो कालुस्सकरो, कलहो वेराऽणुबंधफुडहेऊ । कलहो मित्तत्तासी, कलहो कित्तीए खयकालो कलहो अत्थखयकरो, कलहो दालिद्दपढमपाओ य । कलहो अविवेयफलं, कलहो असमाहिसमवायो राउलगहो य कलहो, नासइ कलहाउ गिहगया वि सिरी । कलहाउ कुलप्फेडो, कलहाउ अणत्थपत्थारी कलहाओ दोहग्गं, संपज्जइ पइभवं पि दुव्विसहं । कलहाउ गलइ धम्मो, पावप्पसरो य कलहाओ कलहो सुगइगमहरो, कलहो कुगतीगमे पउणपयवी । कलहाउ हिययसोसो, पच्छा परितप्पणं कलहा कलहो वेयालो इव, लद्धप्पसरो सरीरमऽवि हणइ । कलहाओ गुणहाणी, समत्थदोसाऽऽगमो कलहा आयपरोभयहियउरु-पिढरपरिसंठियं सिणेहरसं । आवट्टिऊण तिव्वाऽ - णलोव्व कलहो खयं नेइ कलहो हि कीरमाणो, धम्मकलं हणइ तेण तण्णाम। "कलहं " ति सद्दलक्खण-वियक्खणा भिक्खुणो बिंति अच्छउ ता किर अण्णो, निययंऽगसमुब्भवों वि कलहपिओ । फोडो व्व दुव्विसहणं, तिक्खं दुक्खं जणे जणइ जावया कर दोसा, सत्थे कलहुब्भवा भणिज्जंति । तावइया चेव गुणा, तप्परिहारेण जायंति पसमवणभंगकलहं, कलहं परिभाविऊण ता धीर ! । तव्विजए निव्वत्तिय-परमसुहे रम सुहे निच्चं तह अप्पणो परस्स य, न होइ कलहो जहा तहा किच्चं । अह कहऽवि उट्ठओ तहऽवि, कुणसु तह जह न वड्डइ
सो
हो गयपोओवि हु, पवड्ढमाणो उ होइ दुव्वारो । नाणाविहवहबंधण- निबंधणं जाय तत्तो इह कलहपावठाणग-दोसेणं दूसिओ उ हरिएसो । नियजणणीजणगाण वि, उव्वियणिज्जो दढं जाओ सो च्चिय अहिदुगवइयर - दंसणदारेण नायपरमत्थो । साहुत्तं पडिवण्णो जाओ पुज्जो सुराणं पि तहाहि
॥ ६१७१ ॥ ॥ ६१७२ ॥
॥ ६१७३ ॥
महुराए नगरीए, संखो भूमिवई महाभागो । परिचत्तसव्वसंगो, सुगुरुसमीवम्मि पव्वइओ कालक्कमेण अहिगय-सुत्तऽत्थो सो महिं परियडंतो। तियचच्चराऽभिरामे, गजउरनगरम्मि संपत्तो भिक्खपविद्वेण यतेण, गूढसिहिकलियपहसमीवत्थो । पुट्ठो पुरोहिओ सोम- देवनामो पहेणिमिणा किमऽहं वच्चामि ततो, हुयवहमग्गेण वच्चमाणमिमं । डज्झतं पेच्छिस्सं ति, चितिउं तेण भणियमिमं वच्चसु भयवं ! ति मुणी, इरिउवउत्तो य गंतुमाऽऽरुद्धो । ओलोयणट्ठिओ अह, पुरोहिओ सणियसणियं तं वोलेंतं पेच्छित्ता, तेण पहेणं गओ तओ सिसिरं । तं उवलंभिय विम्हइय-माणसो इय विचितेइ धिद्धी ! पाविट्ठो हं, जेणाऽणुट्ठियमिमं महापावं । दट्ठव्वो य महप्पा, सो जस्स तवप्पभावेण जलणाऽऽउलो वि मग्गो, झडत्ति हिमसलिलसीयलो जाओ। विम्हयकरचरियाणं, महाऽणुभावाण किमऽसज्झं ॥ ६१७८ ॥
॥ ६१७४ ॥ ॥ ६१७५ ॥
॥ ६१७६ ॥
॥ ६१७७ ॥
॥ ६१७९ ॥
।। ६१८० ॥ ॥ ६१८१ ॥
॥ ६१८२ ॥
एवं परिभावेंतो, गओ समीवे तवस्सिणो तस्स । नमिउं च भावसारं, णियदुच्चरियं निवेदेइ मुणिणा विय जिणधम्मो, परूवियो वित्थरेण से महया । तं सोच्चा पडिबुद्धो, पव्वइओ सो समणधम्मं पालेइ जहाविहिणा, नवरं नो कहवि जाइमयमेसो । उज्झइ निसुणंतो वि हु, तस्स विवागं महाभीमं पज्जंते मरिऊणं, उववण्णो भासुरो सुरो सग्गे । तत्तो चुओ समाणो, तीरम्मि तियससरियाए जाइमयाऽवलेवा, मायंगकुले सुओ समुप्पण्णो । बलनामो गयरूवो, नियबंधूणं पि हसणिज्जो अच्चंतकलहकारी, उव्वियणिज्जो महापिसाउ व्व । दोसेहि य देहेण य, कमेण वुड्ढि समऽणुपत्तो पत्ते य वसंतमहे, पाणपणच्चणपराण सयणाणं । मज्झाओ निच्छूढो, कुणमाणो भंडणं सोय परमविसाओवगओ, पासठिओ पवरविविहकीलाहिं । अभिरममाणो सयणे, पेच्छंतो अच्छए जाव ताव मसिहसामो, समागओ गयकरोवमो सप्पो । तत्थ पएसे वावा - इओ य लोगेण मिलिऊण अह खणमेत्तम्मि गए, तहेव अवरो समागओ सप्पो । नवरमऽविसो त्ति काउं, केणऽवि वावाइओ नेव एयं च पेच्छिऊणं, बलेण परिचितियं धुवं सव्वो । असुहसुहं लभइ फलं, नियदोसगुणोचियं तम्हा 'भद्दगेणेव होयव्वं, पावइ भद्दाणि भद्दओ । सविसो हम्मइ सप्पो, निव्विसो तत्थ मुच्चइ" किं चोज्जं दोसपरा, पराभविज्जंति जं निएहिं पि । ता उज्झिऊण दोसे, इण्हिं पि गुणे पयासेमि
૧૫
॥ ६१५६ ॥ ॥ ६१५७ ॥ ॥ ६१५८ ॥ ॥ ६१५९ ॥
॥ ६१६० ॥ ॥ ६१६१ ॥
॥ ६१६२ ॥ ॥ ६१६३ ॥
॥ ६१६४ ॥
॥ ६१६५ ॥
॥ ६१६६ ॥
॥ ६१६७ ॥
॥ ६१६८ ॥ ॥ ६१६९ ॥ ॥ ६१७० ॥
॥ ६१८३ ॥
॥ ६१८४ ॥
।। ६१८५ ।।
॥ ६१८६ ॥
।। ६१८७ ।। ।। ६१८८ ।। ।। ६१८९ ।।
॥ ६१९० ॥ ।। ६१९१ ।।
Page Navigation
1 ... 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378