Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
दव्वाऽऽइया य चउरो, एकेक्क दुहा पसत्थमऽपसत्था। अपसत्थे वज्जेउं, पसत्थएसंत आलोए
॥५०२४ ॥ अमणुण्णधण्णरासी, अमणुण्णदुमा य होंति दव्वम्मि। खेत्तम्मि भग्गझामिय-घरऊसरपमुहठाणाई
। ५०२५॥ काले दड्ढतिही तह, अमावसा अट्ठमी य नवमी य । छट्ठी य चउत्थी बारसी य दोण्हं पि पक्खाणं
॥५०२६॥ तह संझागयरविगय-पमोक्खनक्खत्तअसुहजोगा य । भावे य रागदोसा, पमायमोहाऽऽदओ अहवा ॥५०२७॥ एएसं नाऽऽलोए, आलोएज्जासु तब्विवक्खेसु । दव्वे सुवण्णमाऽऽईसु, खीरदुमाऽऽईसु वाऽऽलोए
॥५०२८॥ उच्छुवणे सालिवणे, चेइहरे चेव होइ खेत्तम्मि। गंभीरसाऽणुनाए, पयाहिणाऽऽवत्तमुदए य
॥५०२९ ॥ पुव्वुत्तसेसतिहिरिक्ख-करणजोगाऽऽइए सुकालम्मि। भावे मणाऽऽइपसमे, उच्चाऽऽइठिएसु य गहेसु ॥ ५०३०॥ सोमग्गहलग्गेसु व, पुण्णेसु पसत्थभावजणगेसु । सुहदव्वाऽऽइसमुदओ, जोगो पुण एत्थ विण्णेओ ।। ५०३१॥ सुदिसाओ पुण पुव्वुत्तराउ, अहवा चरंति जिणमाऽऽई। जा नवपुव्वी जीए, जीए जिणचेइयाइं वा
॥५०३२॥ तत्थजइ पुव्वमुहाऽऽयरिओ, तो इयरो ठाइ उत्तराऽभिमुहो । अह उत्तरआयरिओ, तो इयरो ठाइ पुव्वमुहो ..... ॥५०३३॥ पाईणोदीणमुहो, चेइयहुत्तो व्व सुहनिसण्णो य । आलोयणं पडिच्छइ, परोवयारेक्करसियमणो
॥५०३४॥ भत्तिबहुमाणपुव्वग मुचियं दाऊणमाऽऽसणं गुरुणो । काऊण य किइकम्मं, कयंञ्जली अभिमुहो य ठिओ ॥५०३५ ॥ संविग्गभवुव्विग्गो, विसयविरत्तो य सो महासत्तो । उक्कोसेणुक्कुडुओ, जइ पुण अरिसाऽऽइरोगत्तो
॥५०३६ ॥ बहुपडिसेवी य भवे, अणुण्णवेउं तओ निसेज्जगओ। भत्तिविणउत्तमंगो, वियडेज्जा अवितहं सव्वं
॥५०३७॥ जह बालो जंपतो, कज्जमकज्जं च उज्जुओ भणइ । तं तह आलोएज्जा, मायामयविप्पमुक्को य
॥५०३८॥ दुविहेणऽणुलोमेणं, आसेवणवियडणाऽभिहाणेणं । आसेवणाऽणुलोमं, जं जह आसेविअं वियडे
॥५०३९ ॥ आलोयणाऽणुलोमं, गुरुगऽवराहे उ पच्छओ वियडे। पणगाऽऽइणा कमेणं, जह जह पच्छित्तवुड्ढीओ ॥५०४०॥ तह आउट्टियदप्प-प्पमायओ कप्पओ य जयणाए । कज्जे वा जयणाए, जहट्ठियं सव्वमाऽऽलोए
॥५०४१॥ चउसवणा साहूणं, छस्सवणा साहुणीण नायव्वा । सा पुण गुरुम्मि वुड्डे, वुड्डाए अप्पबीयाए
॥ ५०४२॥ होइ तह अट्ठसवणा, तरुणम्मि गुरुम्मि अप्पबीयस्स । अप्पबीयाए देया, तरुणीए थेरिसहियाए
॥ ५०४३ ॥ जह दायव्वा तह वण्णिया उ, आलोयणा समासेणं । एत्तो उ अणेगविहं, आलोएयव्वयं वोच्छं
॥५०४४ ॥ तं पुण नाणसण-चरणतवोविरियभेयभिण्णस्स । पंचविहाऽऽयारस्स उ, वितहपवित्तीए नायव्वं
॥५०४५॥ तत्थ समत्थपयत्थ-प्पयासणे सरयसूरसरिसस्स । अइसयनिहिणो नाणस्स, भयवओ भुवणमहियस्स
॥५०४६॥ जो को वि हु अइयारो, कालाऽऽइसु वितहसेवणाजणिओ। सो कुसलसल्लभूओ, आलोएयव्वओ सम्म ॥५०४७॥ सण्णाणलच्छिविच्छड-धारगाणं च पुरिससीहाणं । तह नाणाऽऽधाराणं, पोत्थयपडपट्टियाऽऽईणं
॥ ५०४८॥ चरणाऽऽइघट्टणेणं, हीलाकरणेण अविणएणं वा । जो अइयारो विहिओ आलोएयव्वओ सो वि
॥ ५०४९॥ एवं खुदंसणम्मि वि, संकाऽऽईणं कहं पि करणेण । उववूहणाऽऽइयाण य, पमायदोसा अकरणेण
॥ ५०५०॥ तह पवयणप्पभावग-पुरिसविसेसाण जणपसिद्धाणं । पावयणियपमुहाणं, उचियपवित्तीअकरणेण
॥५०५१॥ सम्मत्तनिमित्ताणं, तहेव जिणभवणबिम्बमाऽऽईणं। जिणसिद्धसूरिवायग-समणाण तवस्सिणीणं च
॥५०५२॥ सावयसुसाविगाण य, अच्चाऽऽसायणअवण्णमाऽऽईहिं । जो विहिओ अइयारो, सो वि हुआलोयणाविसयो ॥५०५३ ॥ चरणम्मि वि मूलुत्तर-गुणरूवे समिइगुत्तिरूवे य । जो अइयारो सो वि हु, आलोएयव्वओ तत्थ
॥५०५४॥ छज्जीवनिकायाणं, घट्टणपरितावणाए उद्दवणे। पाणाऽइवायविरमण-विसयो संभवइ अइयारो
॥५०५५॥ एवं बीयवयम्मि वि, कोहेणं माणमायलोभेहिं । हासेण भएणं वा, तहाविहाऽसच्चवयणम्मि
॥ ५०५६॥ पहुणा जमऽदिण्णाणं, सच्चित्ताऽचित्तमीसदव्वाणं । हरणं तं तइयव्वय-गोयरमऽइयारमऽवगच्छ
॥५०५७॥ सुरतिरियनरित्थीणं, पत्थणअहिलसणसेवणाऽऽईहिं । तुरियवए अइयारं, आलोएयव्वयं जाण
॥५०५८॥ देसकुलगिहत्थेसुं, अइरित्तुवहिम्मि जो अईयारो । चरिमवए अइयारो, सो वि हु आलोयणाजोग्गो
॥५०५९॥ दियगहियाऽऽइचउहा, निसिभत्तवयम्मि जो अईयारो। सुगुरुसमीवे सो वि हु, सम्मं आलोयणाअरिहो ॥५०६०॥
૧૪૪
Page Navigation
1 ... 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378