Samveg Rangshala

Author(s): Vinayrakshitvijay
Publisher: Shastra Sandesh

Page 169

कारावेइ य अलिय-प्पयंपणे धिट्ठचेट्ठियं दटुं। जीहाछेदाऽऽईयं, चंडं दंडं नरवई वि इहलोगम्मि अकित्ती, सव्वजहण्णा गई य परलोए। अलियपयंपणपभवेण, होइ पावेण जीवस्स नो कोहमाणमाया-लोभेहिंतो न हासओ न भया। भासेज्ज अलियवयणं, परलोयाराऽऽहणेक्कमणो ईसाकसायकलिओ, अलियगिराहिं परं उवहणंतो। मुणइ वराओ नेवं, जह अप्पाणं चिय हणेमि उक्कोडागहणरओत्ति, कूडसक्खित्ति अलियवाइत्ति । धिक्कारमोग्गरहओ, णिवडइ नरए महाघोरे नो कित्ती नो अत्थो, नयाऽवि मणनेव्वुई न धम्मो त्ति । उक्कोडागहणरयस्स, किंतु कुगईगमो चेव सीलं कुलमऽप्पाणं, लज्जं मज्जायमऽह जसो जाई । नायं सत्थं धम्मं च, कूडसक्खी परिच्चयइ वियलिदिया जडा मूअ-ल्ला य हीणस्सरा य पूइमुहा । मुहरोगिणो गरहिया, जायंति असच्चवाइत्ता सग्गापवग्गमग्गऽग्गलं व, कुगतीए पुण पहो पउणो । अलियप्पयंपणं अप्प-णो य माहप्पलुंपणयं लोए वि मुसावाओ, समत्थसाहुजणगरहिओ गाढं । भूयाणमऽविस्सासो, तम्हा भासेज्ज मा मोसं लोए वि जो ससूगो, अलियं सहसा न भासए किंपि। जइ दिक्खियो वि अलियं, भासइ ता किंच दिक्खाए सच्चं पिन वत्तव्वं, असच्चवयणं कहिपि सच्चं पि। जं जीवदुक्खजणयं, सच्चं पि असच्चतुल्लं तं जं परपीडाजणगं, हासेण व तं न होइ वत्तव्वं । हासेण भक्खियं किं, कडुयविवागं विसं न भवे. ता भो! भणामि सच्चं, वज्जेयव्वं खु सव्वहा अलियं । तं जइ विवज्जियं तो, कुगई वि वज्जिया चेव अलियपयंपणसंपत्त-पावपब्भारभारिया संता। जीवा पडंति नरए, जले जहा लोहमयपिंडो ता चइऊणमऽसच्चं, सच्चं चिय निच्चमेव भासेज्ज । सग्गाऽपवग्गगमणे, मणोहरं तं विमाणं जं कित्तिकरं धम्मकरं, नरयदुवारऽग्गलं सुहनिहाणं । गुणपयडणप्पईवं, इ8 मिटुं च सिट्ठाणं परिहरियसपरपीडं, बुद्धीए पेहियं पयइसोमं । निरवज्जं कज्जखमं, जं वयणं तं मुणसु सच्चं इय सच्चवयणमंताऽ-भिमंतियं नो विसं पि पक्कमइ । धीरेहिं सच्चवयणेण, साविओ डहइ न सिही वि उम्मग्गविलग्गा गिरि-नई वि थंभिज्जइ हु सच्चेण । सच्चेण साविया कीलि-य व्व सप्पा वि चिटुंति पभवइ न सच्चवयणेण, थंभिओ दित्तपहरणगणो वि। दिव्वट्ठाणेसु वि सच्च-सावणा झत्ति सुझंति आकंपिज्जति सुरा वि, सच्चवयणेण धीरपुरिसेहिं । डाइणिपिसायभूया-ऽऽइणो वि न छलंति सच्चहया एत्थ भवे सच्चेणं, निब्भिच्चं संचिऊण पुण्णचयं । होउं महिड्डियसुरो, सुमाणुसत्तं लभइ तत्थ सव्वत्थ गेज्झवक्को, आदेओ दित्तिमं पयइसोमो । दीसंतो दिट्ठिसुहो, चितिज्जतो य मणहारी खीरं व महुं व सुहा-रसं व सुइमाणसं सुनिसिरेइ । इइ वयणगुणो पुरिसो, भासंतो होइ सच्चेणं
जडा न मूयला वा, नयाऽवि होणस्सरो न कागसरो। न य मुहरोगी न य पूइ-गंधवयणो य सच्चेण सुहिओ समाहिपत्तो, पमुइअपक्कीलिओ रइपरो य । सुहसलहणिज्जचेट्ठो, इट्ठो कंतो परियणस्स जे पढमपावठाणग-पडिवक्खगुणा उ वण्णिया पुव्विं । तेहि इमेहि य कलिओ, होइ नरो सच्चभासि त्ति एवं कल्लाणपरं-परं परं पाणिणो समन्जिंति । जीए पसाया पुज्जा य, होति सा जयइ सच्चगिरा सच्चम्मि तवो सच्चम्मि, संजमो तम्मि चेव सव्वगुणा । अइसंजओ वि मोसेण, होइ तिणलवसमो पुरिसो इय सुंदर! जाणित्ता, सच्चाऽसच्चचवियाण दोसगुणे। चेच्चा असच्चवयणं, सच्चगिरं चिय समुल्लवसु बीयगपावट्ठाणे, ठाणब्भंसाऽऽइणो बहू दोसा । वसुणो व्व तण्णियत्ताण, पुण गुणा नारयस्सेव तहाहिजंबुद्दीवे दीवे, सुत्तिमईए पुरीए नरनाहो । अभिचंदनामधेओ, अहेसि पुत्तो य तस्स वसू वेयाऽवगमनिमित्तं, सो पिउणा आयरेण उवणीओ। अज्झावगस्स गुणिणो, खीरकर्यबस्स विप्पस्स पव्वयगेणं उज्झाय-सूणुणा नारएण य समेओ। पढइ वसुरायपुत्तो, वेयरहस्सं अविस्सामं अण्णदियहम्मि तिण्णि वि, एए पासित्तु गयणगामीहिं। अइसयनाणीहिं महा-मुणीहिं अवरोप्परं भणियं वेयमऽहिज्जंति इमे, जे तेसिं दोण्णि अहरगइगामी । एगो य उड्वगामि त्ति, जंपिउं ते तिरोभूया
॥ ५६८९ ॥ ॥ ५६९०॥ ॥ ५६९१ ॥ ॥ ५६९२ ॥ ॥५६९३॥ ॥५६९४ ॥ ॥ ५६९५ ॥ ॥५६९६ ॥ ॥ ५६९७॥ ॥ ५६९८॥ ॥५६९९ ॥ ॥ ५७०० ॥ ॥५७०१ ॥ ॥ ५७०२॥ ॥ ५७०३॥ ॥ ५७०४॥ ॥ ५७०५॥ ॥ ५७०६॥ ॥५७०७॥ ॥ ५७०८॥ ॥ ५७०९॥ ॥ ५७१०॥ ॥५७११॥ ॥ ५७१२॥ ॥५७१३॥ ॥५७१४॥ ।। ५७१५॥ ॥ ५७१६॥ ॥५७१७॥ ॥५७१८॥ ॥ ५७१९॥ ॥५७२०॥
॥ ५७२१॥ ॥ ५७२२ ॥ ॥ ५७२३॥ ॥५७२४॥ ॥ ५७२५ ॥
૧૬૨