Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
मुणिचंदो वि हु भइणी-निवेइयं वइयरं विभावेंतो । जमलो से अपमत्तो, मग्गे गंतुं पवत्तो त्ति
॥ ५६५२॥ अह विसमगडदेसे, पत्ते तुरओ कसप्पहारेण । पहओ थावरएणं, पुरओ गंतुं पयट्टो य
॥ ५६५३॥ मुणिचंदो य ससंको, जा गच्छइ ताव तेण करवालो। पट्ठिठिएणाऽऽयड्डिउ-माऽऽरद्धो तव्वहनिमित्तं ॥ ५६५४॥ पेच्छइ य पडिच्छायं, मुणिचंदो तारिसं तओ तुरओ । वेगेण वाहिओ तेण, वंचिओ खग्गघाओ य
॥ ५६५५॥ पत्तो य गोउलं सो, गोउलवइणा कया य पडिवत्ती। अण्णऽण्णसंकहाहिं, ठिया य ता जाव दिवसंऽतं ॥ ५६५६ ॥ घाओवाए पेहइ, तम्मारणकारणेण थावरओ। चिंतेइ य रयणीए, वावाइस्सामि धुवमेयं ।
॥ ५६५७॥ अह मंदिरस्स मज्झे, सयणिज्जे विरइयम्मि रयणीए । मुणिचंदेणं भणियं, चिरकाला आगओऽहमिह ॥५६५८॥ ता गोवाडम्मि इम, रएह जह तत्थ संठिओ सव्वं । गोमहिसीणं जूह, सम्म पेहेमि पत्तेयं
॥५६५९॥ तह चेव तं कयं परि-यणेण तो तत्थ संठिओ संतो। चिंतेइ भिच्चविलसिय-मऽसेसमऽहमऽज्ज पेच्छामि ॥५६६०॥ पइरिक्के य ठियं तं, दुटुं तुट्ठो मणम्मि थावरओ। निव्वयणिज्जं अज्ज, सुहेण वज्झो त्ति काऊण
॥५६६१॥ अह सुत्तम्मि जणम्मि, मुणिचंदो निसियखग्गमाऽऽदाय । पडपाउयं च खोडिं, णियसयणिज्जम्मि ठविऊण ॥५६६२ ।। तदुव्विलसियअवलो-यणट्ठया बाढमऽप्पमत्तमणो। निहुओ मोणेण ठिओ, एगंते अह खणस्संऽते ॥५६६३॥ आगंतुं थावरओ, वीसत्थो जाव पहरए तत्थ । ता मुणिचंदेण हओ, असिणा पत्तो य पंचत्तं
॥ ५६६४॥ वित्तंतस्स य एयस्स, गोवणटुं समग्गगोवग्गं । वाडाओ नीणित्ता, वाहरिउमिमो समाढत्तो
॥ ५६६५॥ हंहो! धावह धावह, गावीओ तक्करहिं हरियाओ। वहिओ य थावरो तो, सव्वत्तो धाविया पुरिसा
।। ५६६६॥ गावीओ वालियाओ, नट्ठा चोर त्ति चितियं तेहिं । मयकिच्चं णिव्वत्तिय-मऽसेसमऽवि थावरस्स तओ ॥५६६७॥ कि होहि त्ति सचिंता, जा तम्मग्गं पलोयए जणणी । ता एगागी गेहे, मुणिचंदो झत्ति संपत्तो
॥ ५६६८॥ दिण्णाऽऽसणो निसण्णो, खग्गं गिहकीलगे विमोत्तूण । पयसोहणं च काउं, पारद्धं तस्स भज्जाए
॥५६६९॥ पुट्ठो य ससोगाए, जणणीए वच्छ! थावरो कत्थ । तेणं वुत्तं अम्मो, मंदगई पिट्ठओ एइ
॥५६७०॥ तो संखुद्धा एसा, असिहुत्तं जा पलोयए ताव । पेच्छइ पिपीलियाओ, इंतीओ रुहिरगंधेणं
॥५६७१ ॥ सम्मं पेहंतीए, दिट्ठो खग्गो वि लोहियविलित्तो । ता पबलकोहहुयवह-पलित्तगत्ताए पावाए
॥५६७२॥ आयड्डिऊण तमऽदिस्स-माणदेहाए झत्ति पुत्तस्स । सीसं छिण्णं तीए, कहं पि वक्खित्तचित्तस्स
॥ ५६७३ ॥ तो सामिमारणुप्पण्ण-तिव्वकोवाए तस्स भज्जाए। मुसलेण मारिया सा, बंधुमईए नियंतीए
।। ५६७४ ॥ सा पुण पाणिवहाओ, विरत्तचित्ता महंतसंतावं। हिययम्मि उव्वहंती, ठिया घरस्सेगदेसम्मि
॥५६७५ ॥ मिलिओ य नयरलोगो, वित्तंतं मुणिय तं च सा भणिया। कीस तए नो हणिया, मायाए विणासिगा एसा ॥५६७६ ॥ पाणिवहविरइरूवो-ऽभिप्पाओ साहिओ य सो तीए। तो सलहिया जणेणं, धिसिक्कियाइं च सेसाई ॥ ५६७७ ॥ गिहसारं नरवइणा, गहियं सुण्हा य चारगे धरिया । इयरी य पूइया इय, पाणिवहोऽणत्थहेउत्ति
॥५६७८॥ पाणवहनामगमिमं पावट्ठाणं निदंसियं पढमं । एत्तो उ अलियवयणाऽ-भिहाणगं बीयमऽक्खेमि
॥५६७९॥ अलियं हि रुद्दकंदो, बाढमऽविस्सासदुमसमूहस्स । वज्जाऽसणीनिवाओ, जणपच्चयसेलसिहरस्स
॥५६८०॥ गरिहापणतरुणीए, गहणगदाणं सुवासणासिहिणो। जलपक्खेवो संकेय-मंदिरं अजसकुलडाए
॥ ५६८१॥ उभयभवभाविआवय-कुमुयपबंधस्स सारयमयंको । सुविसुद्धधम्मगुणसस्स-संपयाए कुवाओ य
॥ ५६८२॥ पुव्वाऽवरवयणविरोह-रूवपडिबिंबणस्स आयरिसो। सत्थाहमत्थयमणी, नीसेसाऽणत्थसत्थस्स
॥ ५६८३ ॥ सप्पुरिसत्तणकाणण-निद्दहणम्मि य सुतिव्वहव्ववहो। ता एयप्परिहारो, कायव्वो सव्वजत्तेण
॥५६८४॥ किंचजह परमऽण्णस्स विसं, विणासयं जह य जोव्वणस्स जरा । तह जाण असच्चं पि हु, विणासयं सव्वधम्मस्स ॥५६८५ ॥ होउ य जडी सिहंडी, मुंडी वा वक्कली व नग्गो वा । लोए असच्चवाई, भण्णइ पासंडिचंडालो
॥ ५६८६॥ अलियं सई पि भणियं, विहणइ बहुयाइं सच्चवयणाई। एवं च सच्चवयणे वि, तम्मि अप्पच्चओ चेव ॥ ५६८७॥ अलियं न भासियव्वं, गरहिज्जइ जंजणे अलियवाई। अप्पच्चयं च अप्पा-णयम्मि संजणइ जणमज्झे ॥५६८८॥
૧૬૧
Page Navigation
1 ... 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378