________________
રાજનગરનાં
રાજ્યને ધીર્યા છે. આપ નામદાર અમારી સ્થિતિ વિચારી જુવો. સત્તા પાસે શાણપણ શું કામ આવે ? આપ અમારા વેપારને ટેકે આપવા ધારે છે, તે માટે અહેસાનમંદ છું. અમારી દાદ સાંભળવી તે આપના હાથમાં છે. ”
તમે અરજી રાખી જાઓ. હું વિચાર કરી જઈશ.”
શાંતિદાસ પાદશાહને નમન કરી રાજી થઈ પાછા ફર્યા. થોડા દિવસમાં નીચે મુજબનું બાદશાહી ફરમાન બહાર પડ્યું. - તેગ્રા ( સોનેરી અક્ષરમાં) શાહ મહમદ ઔરંગઝેબ બહાદુર ગાઝીનું મહાન ફરમાન.
અમારી મહેરબાની મેળવનારા રહેમતખાનને ફરમાવવામાં આવે છે કે અમીરોમાં મહાન શાંતિદાસને મહાન પાદશાહની મુલાકાતનું મોટું માન મલ્યું હતું. એને રાજ્યદરબાર માંથી હમણાં અમદાવાદ જવાની પરવાનગી મહેરબાનીની રાહે બક્ષવામાં આવી છે. એમણે જાહેર કર્યું છે કે કુમાર મુરાદબક્ષે એમની પાસેથી સાડાપાંચ લાખ રૂપીઆ ઉધાર લીધા હતા એમાં ૪૦૦૦૦૦ શાંતિદાસના પુત્ર લક્ષ્મીચંદને નામે લીધા છે, દર હજાર એના ભાગીદાર રખીદાસ પાસેથી લીધા હતા અને ૮૦ હજાર એના સગાંસંબંધીઓ પાસેથી લીધા હતા આથી શાંતિદાસને ભારે ચિંતા ભોગવવી પડે છે.
આથી અમારી ઉદારતા અને દયાના ઝરાના પીનાર તરીકે હવે એને એક લાખ રૂપિયા રાજ્યના ખજાનામાંથી આપવા આજ્ઞા કરીએ છીએ. ૪૪ર૦૦૦ની રકમ બાબત સંતોષકારક પુરાવા મેળવી દેવાને એક લાખ રૂપિઆ સૂબા શાહ નવાઝખાનની પરવાનગી મેળવી આપી દેવાં. આ નાણું તરત આખવાનાં છે. આથી એને ધંધે
