________________
રાજનગરના
પણ થઈ. એક વખત જે પેઢી મુંબઈમાં બેંકની ગરજ સારતી હતી, જે પેઢીનું સુકાન શેઠ વીરચંદ દીપચંદ સંભાળેલું તેને શેરમેનીયાને રોગ લાગુ પડી જવાથી શરદીનો વ્યાધિ થયો છે તેવા ખબર જાણે શેઠ પ્રેમાભાઈ મુંબઈ પહોંચ્યા અને તેમના સ્નેહી શેઠ મોરારજી ગોકળદાસ વગેરેએ મળી તેમને લેણદેણાને કુનેહભર્યો નીકાલ કરાવી દીધો. શેઠ પ્રેમાભાઈને પૈસા કરતાં પ્રતિષ્ઠાની કિસ્મત હતી. તેમણે મુંબઈને પોતાને ચીનાબાગ મોરારજી શેઠને સુપ્રત કર્યો, અને મુંબઇને વહીવટ કુશળતાથી સંકેલી લીધો. જ્યારે અમદાવાદની પેઢીનો શરાફી વહીવટ તેમજ માનમરતબાભર્યો વૈભવ અને સખાવતનો પ્રવાહ જીવનભર શરૂ હતું. સં. ૧૯૪૩ માં શેઠ પ્રેમાભાઈને સ્વર્ગવાસ થયો.
શેઠ પ્રેમાભાઈ પછી તેમના પુત્ર મણિભાઈ શેઠે શહેરસુધારાના પ્રમુખ તરીકેની જાહેર સેવા અને તીર્થોને વહીવટ કરતી શેઠ આણંદજી કલ્યાણજીની પેઢીના પ્રમુખ તરીકેની કાર્યવાહી સંભાળી લીધાં હતાં.
ઉદારતા અને પરોપકાર એ શેઠ કુટુંબને વારસાસ્વભાવ હતો. સં. ૧૯૫૬ (છપનીઓ) દુષ્કાળ પડે, માણસોને અન્નના અને ઢોરઢાંખરને ઘાસના સાંસા પડ્યા ત્યારે ગરીબોના નિર્વાહ ફંડમાં અને નિરાધાર ઢોરઢાંખરને સંભાળવાને કેટલ કેમ્પ” શેઠ મણિભાઈની મદદ અને આગેવાની નીચે ખેલવામાં આવ્યાં હતાં. એટલું જ નહિં પણ આ સમયે દુષ્કાળની સાથેસાથ રેગચાળો પણ ફાટી નીકળતાં શેઠ મણિભાઈ નાત-જાતના ભેદ વિના નિરાધાર મનુષ્પો અને પશુઓની દવા તેમજ જાતિભોગથી સારવાર કરવામાં રોકાઈ જતાં તેમને શીતળાને ચેપી રોગ લાગુ પડયો ને અંતે તે સેવાકાર્ય કરતાં તેમને સ્વર્ગવાસ થયો.
