________________
રાજનગરનાં
કાર્યો શેઠ કુટુંબ સંભાળતું આવતું હતું તે ઉપરાંત ગરીબોમાં છુપી મદદ અને સ્વાનુભૂતિ જાળવતાં. સંવત ઓગણીસત્તરે (૧૯૧૭) દુષ્કાળ કે જે બે વર્ષ લંબાયો હતો ત્યારે તેમણે દુષ્કાળ હાયક ફંડમાં રૂ. વીશ હજારની મદદ આપી હતી.
તીર્થભક્તિ અને યાત્રિક ભક્તિના કાર્યોમાં પણ પ્રેમાભાઈની ઉદારતા સ્મરણીય છે. તેમણે કેસરીયા અને પંચતીર્થીનાં યાત્રાસંઘ કાઢ્યા હતાં.
અને અમદાવાદની આસપાસ આવેલ તીર્થસ્થળો કે જ્યાં હેમાભાઈ શેઠે દેરાસરેને જીર્ણોદ્ધાર કરાવે ત્યાં (માતર, નરોડા, સરખેજ વગેરે) તેમજ બરવાળા, ગુંદા, ઉમરાળા વગેરે ઘણુ સ્થળોમાં પ્રેમાભાઈએ ધર્મશાળા બંધાવી યાત્રિને આરામ–ઉતારાની સગવડ વધારી દીધી હતી. શ્રી પાલીતાણામાં પણ તેમણે ધર્મશાળા બંધાવી હતી જે સાત ઓરડાના નામે ઓળખાય છે. શ્રી સિદ્ધાચળજી ઉપર તેમના પિતાશ્રી અને ઉજમફઈની ટુંકની નજીકમાં પ્રેમાભાઈએ પણ એક ટુંક બંધાવી છે.
પાલીતાણું રાજ્ય સાથેની લેણ-દેણમાં અને ઘરોબા જેવા સંબંધમાં રાજ્યકારી સંગાએ પલટો લેવાથી તેમણે પોલિટીકલ ખાતાઠારા કામ લીધું અને તીર્થના વહીવટ માટે હિંદના તમામ દેશોના સંઘના પ્રતિનિધિઓને અમદાવાદ બેલાવીને જૈન તીર્થોનું સકળ સંઘના પ્રતિનિધિત્વવાળું શેઠ આણંદજી કલ્યાણજીના નામે કાયદાસર બંધારણ રચ્યું. તથા કાઠિયાવાડ એજન્સીમાં “એસ્ટેટ ” તરીકેનું પેઢીનું માન–સ્થાન મેળવ્યું.
રાજદ્વારી સ્થિતિસ્થાપકતાને લઈ જનતામાં ધીમે ધીમે ધંધાની ભૂખ જાગી હતી. મુંબઈને ટાપુ બ્રિટિશ રાજ્યનું પાયતખ્ત સ્થપા
