Jain Dharmno Maulik Itihas Part 01 Tirthankar Khand

Author(s): Hastimal Maharaj
Publisher: Samyag Gyan Pracharak Mandal

Page 71

ત્યાર બાદ વસ્ત્રાભૂષણોથી અલંકૃત થઈ રાજ્યના ઉચ્ચ અધિકારીઓ, પરિજનો, પુરવાસીઓના સમૂહથી ઘેરાયેલા મહારાજા ભરત દિવ્ય ચક્રરત્નનું દર્શન-અભ્યર્થન કરવા માટે આયુધશાળા પહોંચ્યા. ચક્રરત્નને સ્વાગતપૂર્વક વધાવ્યા પછી ભારત પોતાની ઉપસ્થાનશાળામાં પરત ફર્યા અને રાજસિંહાસન પર બેસીને આઠ દિવસ સુધી દિવ્ય ચક્રરત્નની ઉપલબ્ધિનો મહામહિમા-મહોત્સવ ઉજવવાનો આદેશ આપ્યો.
મહોત્સવની અષ્ટાહ્નિકા (૮ દિવસની) અવધિના સમાપનની સાથે જ ચક્રરત્ન આયુધ શાળામાંથી નીકળ્યું. સહસ્ત્ર દેવોથી સુસેવિત એ ચક્રરત્ન દિવ્ય વાદ્યોના ગુરુ - ગંભીર - મૃદુઘોષની સાથે આકાશમાં ચાલીને વિનીતા નગરીના મધ્યભાગથી આગળ વધતું-વધતું ગંગાનદીના દક્ષિણી તટથી પૂર્વ દિશામાં સ્થિત માગધતીર્થની તરફ આગળ વધવા લાગ્યું. મહારાજ ભરત પોતાની ચતુરંગિણી સેનાની સાથે વિશાળ અભિષિક્ત હાથી ઉપર સવાર થઈ દિવ્યચક્રનું અનુગમન કરવા લાગ્યા. આકાશમાં ચાલતું ચક્રરત્ન એક-એક યોજનનું અંતર પાર કરી થંભી જતું, ત્યાં જ મહારાજ પોતાની સેનાને રોકી વિશ્રામ કરતા. આકાશમાં સ્થિત દિવ્યચક્રના ચાલતાં જ તેઓ પણ પોતાની સેનાની સાથે આગળ વધતા. માર્ગમાં આવનારા પ્રદેશોના નરેશ એમની આધીનતા સ્વીકારી એમને સમોચિત ભેટ અને ઉપહાર આપતા. આ પ્રકારે પોતાની વિજયપતાકા ફરકાવતા મહારાજ ભરત માગધતીર્થ પહોંચ્યા..
માગધતીર્થની નજીક પહોંચીને મહારાજ ભરતે ૧૨ યોજન લાંબા અને ૯ યોજન પહોળા એક વિશાળ સ્થળે પોતાનો પડાવ નાખ્યો. પડાવ સુવ્યવસ્થિત થવાથી મહારાજ ભરતે માગધ તીર્થના અધિષ્ઠાપક દેવની આરાધના-સાધના માટે અષ્ટમભક્તની તપસ્યા કરી, પ્રત્યાખ્યાન કર્યું. તપસ્યા પૂર્ણ થતાં મહારાજે ચક્રરત્ન દ્વારા પ્રદર્શિત પથ ઉપર પોતાના રથને આગળ વધાર્યો અને પોતાની વિશાળ સેનાથી ભૂખંડોને આચ્છાદિત કરીને પૂર્વ દિશામાં માગધતીર્થના તટથી લવણ (ખારા) સમુદ્રમાં પ્રવેશ કર્યો.
પોતાના દિવ્ય ધનુષની પ્રત્યંચા પર પોતાના નામથી સુશોભિત બાણનું સંધાન કર્યું અને પ્રત્યંચાને ખેંચી બાણ છોડી દીધું. ભરત દ્વારા છોડવામાં આવેલું આ બાણ ૧૨ યોજનાના અંતરને લાંધીને માગધ તીર્થાધિપતિના ભવનમાં પડ્યું. ભવનના પ્રાંગણમાં પડેલા આ બાણને જોઈને માગધ તીર્થાધિપતિ દેવ ઘણો જ રૂખ અને ક્રોધિત થયો. પણ જેવું એણે બાણ પર | ૬ |2696969696969696969696969696969ી જૈન ધર્મનો મૌલિક ઇતિહાસ